Yohaneac kpefing 4:9 - Deduamiti

⁹ Anu wiac kekecnginagoc yeni ngictauac tatahau takecde nga wisic wisickea kpac kecbesande, dengerema eweheimima dangge dekecgec, naso imohai

Yoak kekehagocac Dzadzahac gboria nga Mitiyegec

⁹ Anu wiac kekecnginagoc yeni ngictauac tatahau takecde nga wisic wisickea kpac kecbesande, dengerema eweheimima dangge dekecgec, naso imohai

Yohaneac kpefing 4:9 Iomraidhean Croise

Mitiyegec 47:8

Anutu ye ngictau amma bangec monnunac ngicngacareng kucgoc garengyunuma kecde. Ye ngictau tataha kpetiacfu tacde.

Mitiyegec 48:14

Anutu yomoc nenang Anutu, ye nasoya kpac kecengkefude. Yeng sing edzacnunukefungoc kekecnina wisickebesande.

Makekeng 15:18

Kebu ye ngictautatac mekecde amma nasoya kpac meengkefude.

Danicel 12:7

Anu ni kedzac kpema ngic wamba linenkporucngo memea heima dokuac witiau wi sawau nanecmoc yoara negemba yeng maria foiya nga kanaya kurumennubigeng miacma deserima Kebu kecengkecbesande yeac kpara kpacma yofi deec, “Naso mocguacsoc nga naso yohockang nganoc nga naso noboha wisickeu ngicngacareng kpetiac yeneac maringinaac kuc monggoc mi kpedzamegecde, imohai imoc sasawa mesidacgec wisickeude.”

Danicel 4:34

Anu naso imocac wisic wisickeau Newukadnetsar ni kicna fiba kurumennu enu negen negenna monggoc ireckeec. Ireckeu Engenatoa kenehema kecengkecbesande ye eweheihei ammima yofi dema dengereai, “Yeng ngicngac yeneac kunengngina amma garengyunuma kecengkefude. Yeac eucerereng imoc fingecsaheya fingecsaheya feengkecbesande.

Hebiraio 7:25

Ye nasosoc Anutuac kicfu yoacfu meficnunuma kefudeac ngicngac yearusing Anutuaru kennide, nenang hafoangoc mengerenunuudeac mi obohoude.

Hebiraio 7:8

Anu mong yofi, womonggareng homec bageau kecdae, yeneng tennunac mocgu kpedzucnema mekecdae. Nga Abrahangngo tennunac mocgu Melkitsedek miu meec, yeng ine kecdengoc, dedekperagi ifi nemmegec.

Yohaneac kpefing 1:18

Henna, ni homeai nga monggoc gbori kecduae. Nga negenna, ni wisic wisickea kpac kecengkecma homec nga homecama yereac ki mekecduae.

Yohaneac kpefing 10:6

yoac deserima yofi deec, “Kebu kecde nga kecengkecma kecbesande nga kurumenga kurumenga nga kondung amma yeneac manau wiac sasawa fede, imoc yeng deu fingecdarec, ni yeac kpac kpacma yoara meserima yofi deduae, ‘Naso wisickede.’

Yohaneac kpefing 15:7

Magec wiac kekecnginagoc 4 yenearunac mongngo angero 7 sokoc 7 yemmeec. Sokoc imoc golngo memea nga Anutu kecde nga kecengkefude, yeac herebungo imohai wakema feec.

Yohaneac kpefing 21:5

Nga Kebu ngictau tatacfu tarec, yeng yofi deec, “Henggec, ni wiac sasawa gboria mebade.” dema edenuec, “Ge yoac imoc ohona nocac yoac yomoc fora nga ngicngac yeneng imoc negensinggegecdeacsoc ande.”

Yohaneac kpefing 4:2

Ifi deu imohaingoc Asungo kicna merecgeu ni kurumennu ngictau tatac faifaia hemba ngic mongngo imocac witiau tarec,

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”

Yohaneac kpefing 5:1

Kebu ngictau tatacfu tarec, ye kibi kpou kpouya mong marifoiau mekefec. Nga imoc kibi manaac ngadeau kibi oho ohoya feec. Anu imohai kendokereha 7 onganginagoc, imocngo mendac mendanggea henai.

Yohaneac kpefing 6:16

Sufuma tiki nga hoc yeni yofi edeyunugec, “Ngeni witininau mama ngictau tatacfu tacde, yeac kicfunac nga ramamedahaac ngabaunac semenunubisia.

Yohaneac kpefing 7:15

Imocac amma yeni hadzing tofocnac Anutuac womong manau ngictau tatacac kiwau namma yeac kingang kpema ua mekecdae. Megec Kebu ngictau tatacfu tacde, yeng yenigoc kecma kporucwomonga yeneac witiu faiu tarude.