Yohaneac kpefing 4:1 - Deduamiti

¹ Anu ni nagu mong witi witia kurumennu henai. Amma ubaudumeng warac trampet isoc yoac edenuu negennai, yeng yofi deec, “Ge yei erena. Yomocac ngadeau noc faka fingecbesande, imoc edzacgubade.”

Yoak kekehagocac Dzadzahac gboria nga Mitiyegec

¹ Anu ni nagu mong witi witia kurumennu henai. Amma ubaudumeng warac trampet isoc yoac edenuu negennai, yeng yofi deec, “Ge yei erena. Yomocac ngadeau noc faka fingecbesande, imoc edzacgubade.”

Yohaneac kpefing 4:1 Iomraidhean Croise

Makekeng 1:1

Yomoc Isracelac medacfora yeneac kpacareng. Yeni tembuc tembuc sasawa amaarengnginasoc enemmedacfocnginagoc amma mangngina Yacakowgoc yenahafoc Aigitabangecfu kensikegec.

Makekeng 19:24

Ifi deu Kebungo yofi edeec, “Ge kemema Aharon momoc wangecna erebesera. Anu ni womonggareng nga ngicngac herebu ayemmema memanganeyunubaiac yeni igocemema kpae ferahema nearu mi erebisia.”

Makekeng 24:12

Anu Kebungo Mose edeec, “Ge nearu tikiu erema kecna singyoac seria nga dederecgeyoac tafe hocngo memea imohai ohoyaimoc imoc edekpou ayemmenadeac gembade.”

Mataio 3:16

Nga Yesungo doku nadzicma dokuunac eremanu kurumeng anggeec. Anggeu Anutuac Asungo kebesacac siric amma hau hemmanu yearu maec.

Mareko 1:10

Nadzicmiu Yesungo dokuunac eremanu imohaingoc kurumeng anggeu Asungo kebesacac siric amma yearu mau henec.

Ruka 3:21

Ngicngac sasawango mitidoku nadzicmagec Yesungo ifingoc mitidoku nadzirec. Nadzicma numuma nammanu kurumeng anggeu

Yohane 16:13

Yoac foraac Asu maude, yeng yoac forau mekpedzuc angemmedarude. Amma ye yengena ubeaac yoac mi deude. Ye Anutuarunac yoac negengande, imoc deude nga faka ngadeu fingecbesande, imocac momoc edengunuude.

Aposoro 10:11

Kurumeng anggeu wiac mong henec. Imoc kporuc isoc tegia noboc noboc mema bangecfu faigec mama, ifi isoc anec.

Aposoro 7:56

“Negendae, ni kurumeng anggeu Ngicac Medacngo Anutu foiau nanu henduae.”

Yohaneac kpefing 1:10

Kebuac naso kereng monnu Asungo nearu ua meu ngadenau enacudumeng kunengtoa mong trampet udumeng isoc negembare yeng yofi deec,

Yohaneac kpefing 1:12

Ifi deu udumeng imoc hembadeac dzigeneai. Dzigenema hemba kifa nanangagoc 7 golngo memea nanggec yenenai.

Yohaneac kpefing 1:19

Imocac ge wiac hendang imoc ohona. Ge wiac yaguc fede nga ngade fingerude, imoc momoc ohona.

Yohaneac kpefing 11:12

Nga kurumennunac enacudumengtoa mong negenggec yofi edeyuruec, “Ngeri yei ereec!” Ifi deu yeri ngabafocngina yeneac kicfu hoeng manau kurumennu enoc.

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.

Yohaneac kpefing 16:17

Kpedzucyunugec angero 7ngo sokoha sawau kpakeu womonnunac enacudumeng kuneng ngictau tatacfunac hama deec, “Bic fingecdac.”

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.

Yohaneac kpefing 22:6

Anu yofi edenuec, “Yoac yomocngo fora nga ngicngac yeni imoc negensinggegecdeacsoc ande. Amma profete yeneac asunginaac Anutu, yeng wanacarengfora wiac bic fingecbeso, imoc henggecdeac amma angeroya sueec.”