Yohaneac kpefing 3:7 - Deduamiti

⁷ “Ge Firadefia kpebung yeneac angeroaru kibi yomoc ohoma faina kenu.” “Kpetiac kekec nga faka foraac mingina, yeng Dawidiac ki metacde. Ye nagu witiu ngic mongngo naric mi heiude nga nagu heiu mongngo naric mi witiude. Nga yeng ngeneac yofi dede,

Yoak kekehagocac Dzadzahac gboria nga Mitiyegec

⁷ “Ge Firadefia kpebung yeneac angeroaru kibi yomoc ohoma faina kenu.” “Kpetiac kekec nga faka foraac mingina, yeng Dawidiac ki metacde. Ye nagu witiu ngic mongngo naric mi heiude nga nagu heiu mongngo naric mi witiude. Nga yeng ngeneac yofi dede,

Yohaneac kpefing 3:7 Iomraidhean Croise

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 16:10

Geng ubaongana homecamau naric mi wanade. Amma ge enac tofoc tofohongicga kisereu wana mi hoaeude.

Mitiyegec 89:18

Ngictau ye kasonina nga Kebu ye kasoninaac mingina. Ye Isracelac kpetiac ngic amma yeng neneac ngictau, yeac mingina.

Mataio 16:19

Ni kurumeng eucererenggac ki gemba geng bangecfu iwai sasawa dzegenade, imoc kurumennu ifingoc dzege dzegea fingerude. Nga ge wiac bangecfu yungecdacnade, imocngo kurumennu ifingoc yungec yungec fingerude.”

Mataio 24:35

Fingeru bangec nga kurumeng kpac anecde nga neac yoac, imoc ine mi kpac anude.

Mareko 1:24

“Yesu Nadzarete mingina, neneac wiac imoc geac mi ande. Ge memanganenununadeac hanec me? Ni gensiduaenoc, ge Anutuac kpetiac ngic.”

Ruka 1:32

Medac imocngo engena yombong anude. Yeng Anutu Engenatoaninaac Medac, yeac kpara ifi kpacgecde. Nga Kebu Anutungo ye kisiha Dawidi yeac ngictauac tatac miu ihai tarude.

Ruka 4:34

“Ah, Yesu Nadzaretenac, neneac wiac imoc geac mi ande. Ge memanganenununadeac hanec me? Gensiduaenoc, ge Anutuac kpetiac ngic.”

Yohane 14:6

Kpesimiu Yesungo yofi deec, “Ninoc sing nga yoac fora amma kekec. Ngic mongngo nia kpacfu Manggacaru keng keng imocac sing mong mi fede.

Aposoro 3:14

Yenoc ngic kpetiac nga faka dindingac mekecde nga ngeneng ine ye wagec. Amma godzungicngo ngic mong kpeu homeec, ngeni yenoc yungecngemmeudeac serima dema

1 Yohane 5:20

Anu nenang yoac fora Mingina negemminideac Medahango hama negen negentegec nemmeec, imoc negendimbe. Amma Anutu yoac fora mingina, yeac heremanau nga Medaha Yesu Kristo, yeac heremanau momoc kecdimbe. Yennoc Anutu fora amma kekecseri.

Yohaneac kpefing 1:11

“Ge wiac hennecmoc, imoc kibiu ohona. Ohoma kpebung 7 Efeso nga Simirna amma Peagamong nga Tiatira amma Sarde nga Firadefia amma Raodikea, ge kibi imoc yenearu faina kenu.”

Yohaneac kpefing 1:18

Henna, ni homeai nga monggoc gbori kecduae. Nga negenna, ni wisic wisickea kpac kecengkecma homec nga homecama yereac ki mekecduae.

Yohaneac kpefing 1:5

Nga Yesu Kristoarunac ifingoc. Yeng yoac modac modac seria amma ye siducdedengic fora. Ye fingecma, homegec yeneac waracmedac anec. Amma bangecac ngictau yeneac kunengngina kecde. Amma ye nenang songo negemma sawango kopocsicninaunac mesinunuec.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 16:7

Ifi deu negemba aratango deec, “O Kebu Anutu kuctoa mingina, ge yoac fora dema ngicngac fakangina isinggema sing dindingacfu forayangina denec.”

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 2:1

“Ge Efeso kpebung, yeneac angeroaru kibi yomoc ohoma faina kenu.” “Ngic ye asomeng 7 marifoiau menande nga kifa nanangagoc 7 yeneac botucfu yerecgede, yeng ngeneac yofi dede,

Yohaneac kpefing 21:5

Nga Kebu ngictau tatacfu tarec, yeng yofi deec, “Henggec, ni wiac sasawa gboria mebade.” dema edenuec, “Ge yoac imoc ohona nocac yoac yomoc fora nga ngicngac yeneng imoc negensinggegecdeacsoc ande.”

Yohaneac kpefing 3:14

“Ge Raodikea kpebung yeneac angeroaru kibi yomoc ohoma faina kenu.” “Ngic kpara Fora, ye dedekperagingic amma yoara modackecde nga yoac fora dekecde. Ye Anutungo wiac sasawa deu fingerec, imocac hania kecde, yennoc yoac yomoc dede,

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.

Yohaneac kpefing 6:10

Yeni ihai fema kucgoc arohoma yofi kpacgec, “O Kuctoa mingina, ge kpetiackekec nga yoac foraac mingina, ge nocac turung kpoukpou naso mehereema sacninaac kopocsic negemma ngic bangecfu kecdae, yeni kopocsicnginaaac turunga mi yemmenec.”