Yohaneac kpefing 3:3 - Deduamiti

³ Yoac hanahema gearu hau menec nga kedzacgango negennec, imoc negensima hoanggema angammemega mengerebesena. Ge gbori gbori mi kecnadeu ni hamangecngic isoc gearu habade. Amma noc nasou habade, imoc naric mi negennadengoc.’ ”

Yoak kekehagocac Dzadzahac gboria nga Mitiyegec

³ Yoac hanahema gearu hau menec nga kedzacgango negennec, imoc negensima hoanggema angammemega mengerebesena. Ge gbori gbori mi kecnadeu ni hamangecngic isoc gearu habade. Amma noc nasou habade, imoc naric mi negennadengoc.’”

Yohaneac kpefing 3:3 Iomraidhean Croise

Mataio 25:13

Ngeni wenac nga aua mi negendae, imocac amma ngeni ubagbori kecbisia.

Mareko 13:33

Ngeni garengngina mema ubagbori kecbisia. Nocac ngeni naso mi negendae.

Mareko 13:36

Ngeni gaufemagec hama ngenembacac yoac yomoc ngeni nga ngicngac goa sasawa edengunuduae. Ngeni imoc negemma ubagbori kecbisia.”

1 Timoteo 6:20

O, Timoteo, Anutungo wiac garenggenadeac genec, imoc gombunga garenggekecbesena. Amma bangecac siduc nga yoac sicsauha hania hania, imohacnac wadzahemima worabesena. Ngic goa yofi deandae, “Neni yoac negen negengtegehagoc mekecdimbe.” nga yoacngina imocngo yoac kpekpe ande. Ge imoc negemma ngadehebesena.

2 Timoteo 1:13

Ni sirihau Anutuac yoac ngicngac kpouyemmeanduae, geanggaoc imoc negenec nga imocac sirihaungoc edekpou ayemmebesena. Nga Yesu Kristogoc kpeketahema negen negensing nga heresongogoc kecma Anutuac yoac imoc hoanggema modacbesena.

Hebiraio 2:1

Imocac amma sing segema kembinggac yoac sasawa imoc negenghomema mekecbisina.

2 Petoro 1:13

Amma sebinaac bedzo yomoc hesibadeac nasoya wegenede, Kebunina Yesu Kristongo imoc bic dekperaginenec. Imocac sebinaac bedzogoc kecbade, imohai yoac goa heigboringemmema midingunubadeac negemba naric ande.

2 Petoro 3:1

Songo tosofocna, ngeneac kibi andenga yohockang yomoc ohongemmeduae. Kibi yohockang imocngo ubanegen negengngina heigboriu negentegecma kongaha kecbisia.

2 Petoro 3:10

Nga Kebuac hahanaso, imoc hamangec ngicngo haandae, ifi isoc haude. Naso imohai sawau wiac sasawa fedacde, imoc gerecngo yonohodarude nga sawango udumengtoagoc aockema kpac andarude. Amma bangec nga wiac sasawa maringo memea imocac witiau fede, imoc monggoc mi feude.

Yohaneac kpefing 16:15

“Negenggec, ni hamangecmeme ngic isoc habade. Haba mong ye gbori kecma wambaya garengge kefu ngicngac yeneng sengganga mi henggecde nga gamea mi henggecde, ngic ifia ye kenehagoc.”

Yohaneac kpefing 2:25

Amma wiac fengemmede, ngeni imoc seria mekecbisia nga ni kecma habesandua.”

Yohaneac kpefing 2:5

Ge warac kekecga dafiu wama maguec, imocac negen negeng ua mebesena. Amma ubaga meremma angammemega hanahema dafi angkecnec, imoc mebesena. Ifi mi amma ubaga mi merennade isoc ni gearu hama kifaga nanangagoc tatahaunac meickebade.

Yohaneac kpefing 22:7

“Henggec, ni bic habade. Mong ye profete yeneac yoac kibi yomohai oho ohoya fede, imoc gombunga onggonggema mekefude, ye kenehagoc.”

Yohaneac kpefing 3:11

‘Ni bic habade, imocac geng ira mekecnec, imoc ngic mongngo mi meudeac angammemega garenggema seria mekecbesena.

Yohaneac kpefing 3:19

‘Neng ngicngac damoc ngeneac songo negengngemmeanduae, ngeni demeting nga ngunumengere angemmeanduae. Imocac serima ubaga merembesena.

Yohaneac kpefing 3:2

Ge imocac amma gauunac yacma homeecac tosea homebeso amma fede, imoc mengerema meserina. Imoc yofiac, geac angammemega hengising amba Anutuac hehennu soha mi anec.