Yohaneac kpefing 3:18 - Deduamiti

¹⁸ finactoagagoc annadeac nearunac gol gerecngo dzedzea mebesena. Amma senggang gameagoc mi nannadeac wamba kongac kongac mema wambagagoc ambesena. Nga kicfifi annadeac kicac kereha kicga imocngo dzuacnadeac bummebesena.’

Yoak kekehagocac Dzadzahac gboria nga Mitiyegec

¹⁸ finactoagagoc annadeac nearunac gol gerecngo dzedzea mebesena. Amma senggang gameagoc mi nannadeac wamba kongac kongac mema wambagagoc ambesena. Nga kicfifi annadeac kicac kereha kicga imocngo dzuacnadeac bummebesena.’

Yohaneac kpefing 3:18 Iomraidhean Croise

Mitiyegec 16:7

Kebungo dederecge anemma sing edzacnuudeac kenehebade. Herenango tofocnac ifingoc edekpou anengande.

Mitiyegec 32:8

Kebungo deec, “Ge singga tinade, imoc edekpou anggemba, imoc modacbesena. Kicnango modacguma dederecgeyoac anggembade.

Mitiyegec 73:24

Ge dederecgeyoac nemma garennukecna wisic wisickeau goiheihei anemma heitainuma hoannunade.

Danicel 12:2

Anu bangec manau fekendae yenearunac homacngo gborima yacma goa yeni kekecseri mema kecgecde nga goa yeni ine ebic manau yofi kecgecde, ngadeyunuma game kpekpeu faiyunugec ifi kecengkecbesandae.

Mika 1:11

Nga Safir taonnu kecdae ngeni senggang gamekpekpeu membirangemema bangec monnu witicuau kenggecde. Amma damocngo Dzaanang taonnu kecdae yeni ngadeau mi magecde. Nga Bet Edzel taongngo kiac ubahodunnu kecde, ye ngeneac kaso monggoc mi anude.

Nahum 3:5

Kebungo geac yofi dede, “Ninewe, ni kecma metinggubesandua amma kporucga miacba kicga semeu senggang nammana ngiha ngiha yeneng senggangga henggec gamegubesande.

Malecaki 3:3

Silwaac uangicngo silwa me gol gerecfu ohou seuha ereu meickeande ifi isocngoc siducdedengic ye Lewiac bangecfora dzuacyunuma isingyunuu yeni sese kereng kereng sing dindingacfu kebuaru mehama faibesandae.

Mataio 13:44

Yesungo monggoc yofi deec, “Kurumenggac eucerereng imoc ngic yeneng dzofinac ua monnu sufugec, ifi isoc. Ngic mongngo ihai kemma imoc meficgema monggoc mesufuec. Mesufuma ubangerec kuneng negemma kemma wiara sasawa suema dzo mema kemma ua imoc bummeec.

Mataio 25:9

Ifi degec naroang negen negenggoc, yeneng merengyemmema yofi edeyunugec, ‘Doku yomocngo nenanggacsoc kpac. Imocac ngeni ine kifadokuya faiandae, yenearu kemma bummegec.’

Ruka 12:21

Nga Yesungo monggoc torokpeec, “Ngic mong ye yengenaac amma bangecac dzofinactoa mekpedzuc amma Anutuac kicfu ine dzofinaha kpac kecde, yeac kekeha imocacsoc anude.”

2 Korinti 5:3

Yeng imoc heinemmeu kemeudeu senggang mi nannide.

2 Korinti 8:9

Ngeni Kebunina Yesu Kristoac wosoefac negendae. Ye kurumennu finactoayagoc kecma ngeneac amma finaha wadacma makpekpea amma kefec. Yeng makpekpea anecac ngeni kurumenggac finactoanginagoc anggec.

1 Timoteo 6:18

Yeni ua gombunga mekecmagec angammemengina gombungango hiedzotoangina ambeso. Amma yeni wosoefac amma iwaingina mekecdae, imoc medereyemmema kecgecdeac demeseri amma edeyunubesena.

Yakobo 2:5

Songo tosofocna, ngeni kedzac kpema negenggec, ngicngac bangectoa bangec yomohai makpekpea kecdae, yeni negen negensinggoc kuneng anggecde amma eucererenggac mingina ambesandae, Anutungo ifi negemma meisingyunuec. Ngicngac heregoc Anutuac songo negengandae, imoc yeneac anudeac deyemmeec.

1 Petoro 1:7

Gol siriha negendimbe. Ngic yeneng imoc tobanggema siriha henggecdeac gerecfu faigec dzeu isinggeandae. Gol fora ye fingectegerude nga imoc sifu ngade kpac ambesande. Nga negen negensingngina fora, imoc gol ferahema wiac engena anude. Yesungo fingectegecbesande, naso imohai negen negensingngina imocngo dedengerec nga kuc kibikperagiagoc amma eweheihei meficgeude.

Yohaneac kpefing 16:15

“Negenggec, ni hamangecmeme ngic isoc habade. Haba mong ye gbori kecma wambaya garengge kefu ngicngac yeneng sengganga mi henggecde nga gamea mi henggecde, ngic ifia ye kenehagoc.”

Yohaneac kpefing 19:8

Ifi anu wambaya gombunga kongaha nga kibikperagiagoc heiudeac migec. Wambaya gombunga imoc ngicngac kpetiac yeneac angammeme dindingac.”

Yohaneac kpefing 2:9

Ge kpendzeng kpema kecnec nga ge makpekpea, imoc negendacduae. Nga sifu finactoagagoc annec. Yudangic yeni yenanggac yudangic dema yudangic mi amma Satanggac kpekpeturang ama andae, yeni deendema anggengandae, ni imoc ifingoc negenduae.

Yohaneac kpefing 3:17

Ni finactoanagoc nga wiac monggac mi obohoduae, ge geanggaac ifi dema sifu mangana yombong kecnec nga ngic yeneng geac ubahodung negenggecdeac siriha, imoc mi negennec. Ge makpekpea nga kicpisic amma senggang kecnec, imocac yofi edeguduae,

Yohaneac kpefing 4:4

Ni ngictau tatac goa, kpetengina 24, yenenai, imoc yeneng ngictau tatac yerecgema nanggec. Tatac imocac witiau ngicenara 24 tacgec. Ngicenara yeni ngakpingina kongac kongac heima orucngina witiau ira golngo memea heigec.

Yohaneac kpefing 7:13

Ifi degec, ngicenara yenearunac mongngo yofi kpesinenec, “Ngicngac ngakpingina herea kongac kongac yomoc, yeni merac merac nga yeni dahacnac hagec?”