Yohaneac kpefing 3:11 - Deduamiti

¹¹ ‘Ni bic habade, imocac geng ira mekecnec, imoc ngic mongngo mi meudeac angammemega garenggema seria mekecbesena.

Yoak kekehagocac Dzadzahac gboria nga Mitiyegec

¹¹ ‘Ni bic habade, imocac geng ira mekecnec, imoc ngic mongngo mi meudeac angammemega garenggema seria mekecbesena.

Yohaneac kpefing 3:11 Iomraidhean Croise

Tsefanya 1:14

Kebuac nasotoa imoc wegenede nga bic mewegenenunude. Naso imoc ubaebigoc anude, dzikacac wasaingic yeni ebicfu emma arohoma winggema kiacbesandae.

1 Korinti 9:25

Ngic ariacfu kpacngina faiandae, yeni sasawango sebingina hafoangoc efaiudeac arengegecde. Ngic yeneng dzaring dzangge dzanggea ubaheyemmegecdeac ifi anggecde. Nga nenang dzaring dzangge dzanggea kpac ubahenemmegecdeac sebinina hafoangoc garengemenide.

Firipi 4:5

Kebungo wegenac kecde. Ngicngac sasawango ngeneac yumea kekec hentegecbisia.

2 Timoteo 2:5

Nga ngic mong ye ariacfu nedzima ariacac singyoac segeude, ye firanggac ira naric mi meude.

2 Timoteo 4:8

Yaguc kekec dindingacac ira neac tomai faifaia fede. Amma Kebungo faka dindingac ising isingngic, yeng naso imohai ira imoc nenude. Nga imoc nisac mi nenude, kpac. Ngicngac sasawa yeni yeac haha nasoya fingectegerudeac songo negendae, yeng imoc ifingoc yemmeude.

Yakobo 1:12

Ngic mong faitobannu serima namma ebic tofohoude, ye kenehagoc. Nga ngicngac Anutu songo negemmiandae, yeni kekecac ira yemmeudeac deseriec. Ngic mong ye faitobannu heiserima kefude, ye imocnoc meude.

Yakobo 5:9

Tosofocna, ising isingngic ye nagu ngadeau bic hama nande. Ngeni yoacfu mabauac ngenaocngoc gubepakeng mi angemebisia.

Yohaneac kpefing 1:3

Naso wegenedeac mongngo profeteyoac yomoc osonegeng anude, ye kenehagoc. Nga ngicngac yeni yoac yomohai oho ohoya fede, imoc negemma hoanggegecde, yeni ifingoc kenecnginagoc.

Yohaneac kpefing 16:15

“Negenggec, ni hamangecmeme ngic isoc habade. Haba mong ye gbori kecma wambaya garengge kefu ngicngac yeneng sengganga mi henggecde nga gamea mi henggecde, ngic ifia ye kenehagoc.”

Yohaneac kpefing 2:10

Ge kpendzeng kpenadeac kengec mi ambesena. Mangana mingina yeng faitobannu faingunuudeac negemma ngenearunac goa witicamau faingunuu ngeni uameme 10gac manau ubahodunggoc kecgecde. Goa ngunuhomegecde isoc geng ine yoacdedena modacma seria kecmana kekecac ira gembesandua.”

Yohaneac kpefing 2:13

‘Satanggac ngictau tataha tacde, ge bangec imohai kecnec, imoc negenduae. Amma Satangngo kecde, imohai yeni dedekperagingic nga enactofoc tofohona seria Antipa, ye kpehomegec. Anu ngeneac botucfunac Antipa kpehomegec ge sifu negensinnuma kpacna seria mekecma kpacnaac busic mi kpenec.’ ”

Yohaneac kpefing 2:25

Amma wiac fengemmede, ngeni imoc seria mekecbisia nga ni kecma habesandua.”

Yohaneac kpefing 22:12

“Henggec, ni A nga Y, warac warac nga ngade amma hanac hanahea nga wisic wisickea. Ni naso mi ukuma hama ngicngac tembuc tembuc angammemenginaacsoc turunga yemmebadeac mehabesandua.

Yohaneac kpefing 22:20

Anu wiac yomocac dekperagingemmeude, yeng yofi dede, “Foracngoc, ni bic habade.” Imoc fora. O Kebu Yesu, ge hana.

Yohaneac kpefing 22:7

“Henggec, ni bic habade. Mong ye profete yeneac yoac kibi yomohai oho ohoya fede, imoc gombunga onggonggema mekefude, ye kenehagoc.”

Yohaneac kpefing 3:3

Yoac hanahema gearu hau menec nga kedzacgango negennec, imoc negensima hoanggema angammemega mengerebesena. Ge gbori gbori mi kecnadeu ni hamangecngic isoc gearu habade. Amma noc nasou habade, imoc naric mi negennadengoc.’ ”

Yohaneac kpefing 4:10

ngicenara 24 yeni Kebu ngictau tatacfu takecde nga wisic wisickea kpac kecbesande, yeac haniu makpegec. Makpema ye afehema irangina mesima ngictau tatacac haniau ukuma yofi dekecgec,

Yohaneac kpefing 4:4

Ni ngictau tatac goa, kpetengina 24, yenenai, imoc yeneng ngictau tatac yerecgema nanggec. Tatac imocac witiau ngicenara 24 tacgec. Ngicenara yeni ngakpingina kongac kongac heima orucngina witiau ira golngo memea heigec.