Yohaneac kpefing 22:5 - Deduamiti

⁵ Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunubesande. Nga ngicngac yeni ngictau ua megec nga mekecgec imocac nasoya wisic wisickea kpac.

Yoak kekehagocac Dzadzahac gboria nga Mitiyegec

⁵ Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunuude. Nga ngicngac yeni ngictau ua megec nga mekecgec imocac nasoya wisic wisickea kpac.

Yohaneac kpefing 22:5 Iomraidhean Croise

Mitiyegec 36:9

Kekecac haniaac dokudzohong, imoc gearu fekefude nga neni geac kperagiu kperagi hengkecdimbe.

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Danicel 7:18

Anu eucerereng imoc Engenatoaac kpetiacareng yeni yemmegec megecde. Mema eucerereng imoc tigec enu wisic wisickea kpac nasoya nasoya mekecbesandae.”

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Dzekarya 14:7

Nga naso imoc naso siriha mong yombong ambesande. Nocac wenac nga tofocnac yereac kperagingira imoc siriha mocgungoc anude. Amma ama marai anu kperagia ye engngoc febesande. Naso imocac hania Kebungo negende.

Mataio 19:28

ifi deu Yesungo yofi edeec, “Foracngoc, kecma wiac sasawa gboria fingerude, naso imohai Ngicac Medacngo kurumenggac kuc nga kibikperagiaac ngictautatahau tarude. Nga ngic modacnuandae, ngeni ifingoc ngictautatac 12 imohai tacma Israeac kisic 12, yeneac fakangina isinggema desibesandae.

Mataio 25:34

Ifi amma ngictaungo ngicngac foiugeng yofi edeyunuude, ‘Ngicngac Mannaac kenecgoc, ngeni yei hagec. Ngeni amabangecyombongngina megec, imoc bicngoc bangec hanahema fingerecfunac ngeneac negemma faifaia.

Mataio 25:46

Nga yeneng kopocsicac turunga kpendzeng nasoya kpac kpekecbesandaeac kenggecde. Nga areng dindingac yeneng kekecseriu enggecde.”

Roma 5:17

Ngic mocgungo hanahema sing feraheu yeac kopocsicac amma homecngo ngicngac garengyunuudeu ine yofi negembisia, Anutungo ngicngacareng danggunuctoa ayemmema wosoefacfu dindingac deyemmeu, yeni ngic mocgu, Yesu Kristo, yegoc kecma kekecac arennu kecma wiac homac yenahafoc garenggegecde.

2 Timoteo 2:12

Amma serima kecma ebic tofohonideu yegoc ngictau kecnide. Nga ye ngadehenideu ine yeng ifingoc ngadenunuude.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 18:23

Geac manau kifaac kperagia monggoc naric mi kperagiude. Nga ngicngac meturangemebeso andape, yereac ubangerecac arohoandae, udumeng ifia geac manau monggoc naric mi negenggecde nga negembesandae. Ge mosoc fakagango bangeha bangeha imocac ngicngac sasawa uba mesufu ayemmenec. Imocac amma geac emekeng emehangic yeni bangecac ngickuneng kecgec.

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.

Yohaneac kpefing 20:6

Nga Kebungo ngicngac warac warac yacyac imohai metorokpe ayemmeude, yeni kpetiac nga kenecnginagoc. Nga homec kpetea yohockangngo yeni garengyunuudeac kuc mong mi metaru yeni Anutu nga Kristoac womonggareng kecma kifa 1 tauseng yegoc ngicngac garengyunugecde.

Yohaneac kpefing 21:11

Ye Anutuac kuc nga kibikperagigoc amma hoc seria buma kuneng nga yaspis hoc seria, ifia isoc kperagiagoc gontaning amma pirac pirac heiec.

Yohaneac kpefing 3:21

‘Ngic firang ande, ni emba Mannagoc yeac tatacfu tacandipe, ifi isoc firang andemoc neng ngictau tatacfu tatacna miba nerahafoc tacbesandipe.