Yohaneac kpefing 21:3 - Deduamiti

³ Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.

Yoak kekehagocac Dzadzahac gboria nga Mitiyegec

³ Taru ni enacudumengtoa ngictau tatacfunac negemba yofi deec, “Henggec Anutuac kporucbedzongo ngicngac yenigoc kefu yeni yeac areng anggec Anutu yengenaoc yenigoc kecma Anutungina kefude.

Yohaneac kpefing 21:3 Iomraidhean Croise

Makekeng 25:8

Anu botucnginau naric kecbadeac yeni neac womong kpetiac mong megec.

Makekeng 29:45

Anu ni Isracel medacfora yeneac botucnginau kecma Anutungina kecduae nga kecbesandua.

Dzekarya 13:9

Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Dzekarya 8:8

Komoc kpeyemmeba Yerusalaim imohai kecbesandae. Kecma neac ngicngacfocna ammagec ni yeneac Anutu fora nga dindingac kecbesandua.’ ”

Bangec kisiu 9:16

Nga nasosoc ifinoc fingecyemmekefec, wenacfu hoengngo semekefec nga tofocnacfu siriha gerecborang isoc amma kperagiyemmekefec.

Yohane 1:14

Anu enacyoacngo sebifusiagoc amma botucninau kefec. Kefu medac mocgungo fingecma Manggacarunac kuc nga kibikperagia mekefec, kuc nga kibikperagia imocnoc hening. Henni yearu danggunuc nga yoac fora wake wakea fede.

Yohane 14:23

Ifi deu Yesungo yofi meremmiec, “Ngic mong ye heregoc neac songo negendeu ye enacyoacna modarude. Modaru Mannango yeac songo negenu nereng yeac hereu amatatacnira mema kecdede.

2 Korinti 6:16

Negenggec, Anutuac womong nga nemuonga botucngirau yoac dedzege naric mi feude. Imoc yofiac, nenang Anutu kekehagoc, yeac womong. Anutungo imocac yofi deec, “Ni amagerecna yenearu mema yenigoc kecbade. Kecma yeneac Anutu amba yeneng ngicngacfocna anggecde.” (Sese 26:12; Yer 32:38; Edz 37:27)

2 Korinti 6:18

Amma ni ngeneac Mangngina nga ngeneng neac naroang medacfocna anggecde, Kebu Kuctoa Minginango ifi dede.’ ” (2Sm 7:14)

1 Tesaronike 3:11

Anu Mannina Anutu nga Kebunina Yesu yereng sinnina edzacnunumaec neni ngenearu habisina.

Hebiraio 11:16

Nga bangec mongngo esea ferahede kpara kurumeng, yeni bangec imocac ayemmeec. Imocac amma “Anutu ye Anutunina.” yeni ifi degec, ye game mi kpekecde, nocac yeng yeneac negemma taong mong bic mengereec.

Hebiraio 8:10

“Ni ngadeu dzadzahac gboria Isracel areng yenigoc mebesandua, imocac siriha yofi, dedeseriyoacna ngicngac yeneac negen negennu faima kibia imoc herenginau yombong ohobade. Amma neng Anutungina kecba yeneng ngicngacfocna kecgecde.

Hebiraio 8:2

Amma ye Anutuac womong yeac womong fora kurumennu nande, ihai kingangkpekpe ua mema kecde. Womong imoc ngicngo mi memea, kpac. Anutu yengenaoc imoc mema faiec.

Yohaneac kpefing 10:4

Ifi degec ohobeso ambare kurumennunac enacudumeng mongngo yofi edenuu negennai, “Gbururung 7 yoac degec ge imoc mi ohona. Imoc mesufuna febeso.”

Yohaneac kpefing 10:8

Anu enacudumeng warac kurumennunac negenaimoc, yeng yofi edenuec, “Ge kemma angero kondunnu nga bangecfu nande, yeac mariunac kibi kpou kpouya yungec yungera, imoc mebesena.”

Yohaneac kpefing 12:10

Nga enacudumengtoa mong kurumennu negemba yofi deec, “Memengerec nga kuc amma eucerereng imocac mingina Anutu. Nga yeac danggunucngic Kristongo yaguc imocac uakibi nga kuc metacde. Ngic tosofocnina yoacfu faiyunukefec, yeng Anutuninaac kicfu hadzing toforec yoacfu faiyunuma kefu yeneng yegoc ewema firang amma ye bic kurumennunac ukugec maec.

Yohaneac kpefing 21:7

Firang anude, yeng eucererenggac wiac sasawa yomoc meu neng yeac Anutu amba yeng medacna anude.

Yohaneac kpefing 22:3

Nga sowec sasawa kpac andarude. Anutu nga ramamedahaac ngictau tatacngira imohai taru wanacarengfora ye kingang kpemigecde.

Yohaneac kpefing 7:15

Imocac amma yeni hadzing tofocnac Anutuac womong manau ngictau tatacac kiwau namma yeac kingang kpema ua mekecdae. Megec Kebu ngictau tatacfu tacde, yeng yenigoc kecma kporucwomonga yeneac witiu faiu tarude.