Yohaneac kpefing 2:23 - Deduamiti

²³ Nga ni yeac nambaracfora kpebucyunuba kpebung sasawango yofi negentegecgecde, ni ubaherenginaac hengisingngic. Ni ngic tembuc tembuc angammemeaac sirihau turung kpoumibade.

Yoak kekehagocac Dzadzahac gboria nga Mitiyegec

²³ Nga ni yeac nambaracfora kpebucyunuba kpebung sasawango yofi negentegecgecde, ni ubaherenginaac hengisingngic. Ni ngic tembuc tembuc angammemeaac sirihau turung kpoumibade.

Yohaneac kpefing 2:23 Iomraidhean Croise

Mitiyegec 139:1

O Kebu, ge neac herena hennegeng amma negennunec.

Mitiyegec 26:2

O Kebu, geng faitobannu fainuma kekecna isinggema ubaherena ifingoc isinggema henna.

Mitiyegec 44:21

Anutungo imoc meficgema negendacbac. Ye hereninau wiac sufu sufu fede, imoc negendacde.

Mitiyegec 62:12

ni yoac dedzege amma imoc modacbade.” Kebu ge ngicngac tembuc tembuc angammemengina hennegeng amma turunga kpouyemmenade.

Mitiyegec 7:9

O, gennoc Anutu dindingac amma ngicngac negen negengngina nga herenginaac hengising mingina. Geng ngic mangana megedeac ayemmeande, yeneac yarefakaac kpae heina kpac ambeso nga ge ngicngac dindingac tatacngina meficgema faiyununa ihai seria tacbisia.

Tsefanya 1:11

O Yerusalaim tosea Mortar mingina tumiau kecdae ngeni arohoma winggema kiacbisia. Imoc yofiac, ngic finacamagoc sasawa imoc yeni kpac andacbesandae nga ngic silwa sigeriu faifai imoc yeni ifingoc kpac andacbesandae.

Mataio 16:27

Nga Ngicac Medacngo Mamaarunac kuc nga kibikperagiagoc angerofora yenigoc hama ngicngac sasawa angammemengina angandae, imocac sirihau turunga kpouyemmebesande.

Ruka 16:15

Ammigec Yesungo yofi edeyunuec, “Ngic yeneng dindingac dengemmegecdeac ngeni imoc yeneac kicfu faka dindingac angkecdae. Nga Anutungo ine wiac ubaherenginau fede, imoc negendacde. Imoc yofiac, ngic yeneng wiac monggac negenggec engena angkecde, imoc Anutungo henu faka mangana yombong ande.

Yohane 21:17

Dema Yesungo monggoc kpesimiu atac harebec anec, “Simong Yohaneac medac, ge neac songo heregoc negennec me?” Yesungo kpesimiu atac harebec anu Petoro ye negengebirima Yesu yofi edeec, “Kebu, ge wiac sasawa negendacnec. Ni geac heresongo negenduae, imoc bic negennec.” ifi deu Yesungo yofi edeec, “Ge ramafocna meyunuma yaka gumecyunubesena.”

Yohane 4:16

Ifi deu Yesungo yofi meremmiec, “Ge kemma ewega dena haec.”

Aposoro 1:24

Meficyuruma yofi dema numugec, “O, Kebu ubaheheng mingina, ge ngic yohockang yoc yerearunac daoc meisinggema edzacnununa henni.

Roma 14:12

Ifi anu nenang sasawa tembuc tembucnina namma haifakanina bangecfu aning, imocac siduc Anutu dekperagimibesandimbe.

Roma 8:27

Enu ngicherenina hengkecde, yeng Tiri Asuac negen negeng ifingoc negenude. Asu ye Anutuac negen negeng modacma kpetiac habu nenanggac amma nunumua faikecde.

2 Korinti 5:10

Nenang sasawa Kristoac ising isinggac tatahau kembisina. Kenni yeng naso imohai faka nga angammemenina gombunga nga mangana angkefing, imocac turunga kpounemmeude.

Garata 6:5

Ngic tembuc tembuc yeni ebicngina tembuc tembuc tofohogecde.

Hebiraio 4:13

Nga Anutungo wiac sasawa deu fingecdarec imocac wiac mongngo yeac kicfu sufu sufuya mi fede. Wiac sasawa imoc fingec fingec nga didiu yeac kic witiau fedacde amma yearunoc kekecninaac siduc memini imoc isinggedarude.

1 Petoro 1:17

Anutu ye monde mondea mi femide nga yeng ngicngac tembuc tembuc angammemenginaac sirihau yoacngina desiude. Nga ngeni ye “Manggac” kpacandaeu, ngeni yei kurickekecac nasonginau eweheimima kecbisia.

Yohaneac kpefing 2:11

“Kedzahagoc yeng Asungo kpebung yoac edeyunude, imoc negembeso. Firang anude, ye homec kpetea yohockangngo naric mi memanganebesande.”

Yohaneac kpefing 2:7

“Kedzahagoc yeng Asungo kpebung yoac edeyunude, imoc negembeso. Nga firang anude, ye kekecac ic Anutuac eucererennu nande, imohacnac fora naric miba nebesande.”

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.

Yohaneac kpefing 20:13

Nga kondung manau homegec kecdae, kondungo yeni wayunuec. Homecac ama manau homegec kecdae, ye nga homecngo yeni wayunuoc. Ifi anu ngicngac tembuc tembuc angammemenginaacsoc yoacngina desigec.

Yohaneac kpefing 22:12

“Henggec, ni A nga Y, warac warac nga ngade amma hanac hanahea nga wisic wisickea. Ni naso mi ukuma hama ngicngac tembuc tembuc angammemenginaacsoc turunga yemmebadeac mehabesandua.

Yohaneac kpefing 6:8

Ifi deu hemba becosic meac meac mong amma ngic yeac witiu tarec, kpara homec, yeng homecama hesickeu haoc. Haec yereng bangectoa bangec tegia 4, imohacnac noboha mocgu (¼) imoc yereng wasai beang nga bodi amma homectoa nga kateyang mehaoc. Mehaec imocngo ngicngac yunuhomegecde, imocac uakibi nga kuc yemecyemera.