Yohaneac kpefing 2:14 - Deduamiti

¹⁴ “Faka goa gearu fede, imoc ine modzona tide. Ngicngac goa gegoc kecandae, yeneng Bireanggac kpoukpou hoanggeandae. Yeng Isracel nambaracfora mayunuudeac suba siriha dafi faiude, imoc Barake kpoumiec. Yeni nemuac seseyang nema seroua megecdeac ifi anec.

Yoak kekehagocac Dzadzahac gboria nga Mitiyegec

¹⁴ “Faka goa gearu fede, imoc ine modzona tide. Ngicngac goa gegoc kecandae, yeneng Bireanggac kpoukpou hoanggeandae. Yeng Israe nambaracfora mayunuudeac suba siriha dafi faiude, imoc Barake kpoumiec. Yeni nemuac seseyang nema sero ua megecdeac ifi anec.

Yohaneac kpefing 2:14 Iomraidhean Croise

Bangec kisiu 24:14

Amma ni yaguc ngicngacarengfocna yenearu dzigenebade. Anu ngicngacareng yomoc yeni kecma ngade ngicngacarengfocga dafi ayemmegecde, imocac yoac edeguba negenna.”

Bangec kisiu 31:16

Negendae, ngac yenennoc Bilecamgac yoac modacma Isracelngicngac tobangyunugec Pecor anutu yearu kpeketahama Kebu wama ngadehegec Kebuac kpebung yenearu hafei homectoayagoc fingerec.

Bangec kisiu 31:8

Amma yeni imohai ifingoc Ewi, Rekem, Tsur nga Hur amma Rewac, Midyan ngictau faef imoc momoc kpebucyunugec. Amma Becor medaha Bilecam wasaibeangngo ifingoc kpebucgegec.

Mataio 18:7

Bangectoa bangec yomocac ngic manganaac ngombonggema ogofocngina kopocsicfu faiyunuandae, yeni sowecnginagoc. Nga faka imoc fingerude nga fingecbesande, amma ngic mong ye faka imoc fingerudeac ngombonggeude, ye ebihagoc.

Aposoro 15:29

Ngicngac nemunginagoc yeneng nemungina yeneac sese dema yang heiyemmegec, ngeni imoc wama mi nebisia. Ngeni yamberec fusia sawagoc mi nebisia amma sac mi nebisia. Nga kaisero mi ambisia. Ngeni imoc sasawa wadacgec ngereeude. Imocac ngeni ubangerecgoc kecbisia.”

Aposoro 21:25

Anu bangec monnunac ngicngacngo Yesu negensinggedae, yeneac warac singyoac deing, imocac yoacsiduc kibiu yofisac ohoma bic faiyemmeing, ngicngac yeni nemunginaac sese dema yang heiyemmegec ngeneng imoc wama mi nebisia. Ngeni yamberec fusia sawagoc mi nebisia amma sac wamaguc mi nebisia. Amma ngeni kaiserofaka wama imoc mi ambisia.”

Roma 11:9

Imocac Dawidingo yofi deec, “Yakaneneac fakangina angandae, imocngo subabanggeng nga ufic isoc meyunuu kopocsicnginaac turunga ambeso.

Roma 14:13

Nga nenang tosofocnina yeneac faka monggoc isinggema mi demanganeyunubisina, kpac. Ngeni ine yofi isinggehomebisia, tosofocnina mayunuudeac sinnu ic me hoc me botac mong mi faibisina.

Roma 14:21

Ge yakagango tosogaac ubea memanganema ammiu makpebacac geng yang me waingdoku segega kecnadeu imocngo ngereeude. Me faka nga angammemega mongngo tosoga ubaebic meficgemibacac fakaga imoc wana ngereeude.

Roma 9:32

Yeni faka nga angammemenginaac negensima negen negensing fora imoc ine wagec. Yeni hocfu kpondzong heima mayunuec.

1 Korinti 1:23

Anu nenang ine Kristo mariponnu kpegec homeec, yoac imoc edekpou ayemmeni yudangic yeneng imoc negenggec ubangina mi heiude nga grikngic yeneng negenggec imoc ubasufuyoac angkecde.

1 Korinti 7:2

Kaiserofaka fingecbacac ngic tembuc tembuc ye yengena enemagoc ambeso nga ngac tembuc tembuc ye yengena eweagoc ambeso.

Hebiraio 13:4

Nga eweeneng memeturanggac fakaya imoc eweheiheiagoc ambeso. Nga eweeneng yerahafoc fefengira eweheimiec imocngo wononga kpac febeso. Noac, Anutungo kaisero ngicngac haniangina isinggema turunga yemmeudenoc.

1 Petoro 2:8

“Nga yeni hoc imohai kpondzong heigecde nga peperandziu tifainggema negemmangang meficgegecde.” (Yes 8:14) Yeni Anutuac yoac kpeandaeac ifi anggecde, yoac imoc yeneac bic dedea.

2 Petoro 2:15

Bireang Beoroac medac, ye dzofinacac songo negemma Anutuac sing ferahema hiedzoac ua meu donggi yoac mi dedeango ngic isoc dehanec ammima profetengo sing segema faka kapaya amma kenghei hahei anecac kpae heimiec. Nga kpoukpou ikoha, yeneng Bireanggac sing modacma sing dindingac wama sing segegecde.

Yuda 1:11

Yeni Kainggac sing modacma hiedzongina fingerudeac Bireanggac sicsauc faka imocngo wangecyunuu yeni sing imoc bic kenggec. Amma Korango yoackpekpe anec, ifi isoc yeni bic yoackpekpe anggec, imocngo ebiriangoc memanganeyunuec. Imocac yeni sowecnginagoc.

Yohaneac kpefing 2:20

“Anu ngac kpara Isebe, ye yengenaac profete deande. Ye kpoukpou ua ikocfu mekecma serofaka nga nemuac yang nene, imocac sinnu wanacngicfocna wangecyunuande. Nga geng imoc mi kpetarimiannecac modzona tide.

Yohaneac kpefing 2:4

“Nga hanahema heresongogoc hoangyunuma kecnec, faka imoc wanec, imoc ine negemba mi ngereede.

Yohaneac kpefing 21:8

Anu ngic karoha nga negen negensingngina kpac amma fakangina mangana wonongagoc nga ngickpekpe amma serongic nga mosocfaka angandae amma nemu numuyemmeandae nga ikocngic sasawa, yeni ine kondung gerec nga sarafa dzema kecde, imohai torokpegecde. Yomocngo homec kpetea yohockang anude.”

Yohaneac kpefing 22:15

Anu ngicngac kasi isoc kecdae nga mosocfaka mekecdae nga seroareng amma ngickpekpefaka mekecdae nga nemu numuyemmeandae amma sasawango ikocfakaac songo negemma ikoc angandae, yeneng ine ngadeau kecgecde.