Yohaneac kpefing 17:8 - Deduamiti

⁸ Ge wasaiyang henna ye bicngoc kefec nga yaguc mi kecde. Ye teng buya kpac imohacnac erebeso ande nga ye manganedacma kpac anudeac kenude. Anu ngicngac bangecfu kecgec kpacngina bangec hanac hanaheaunac kekecac kibiu oho ohoya mi fede, yeni wasaiyang bicngoc kefec nga yaguc mi kecma haude, imocac amma yeni hemma kpidohogecde.

Yoak kekehagocac Dzadzahac gboria nga Mitiyegec

⁸ Ge wasaiyang henna ye bicngoc kefec nga yaguc mi kecde. Ye teng buya kpac imohacnac eredac nga ye manganedacma kpac anudeac kenude. Anu ngicngac bangecfu kecgec kpacngina bangec hanac hanaheaunac kekecac kibiu oho ohoya mi fede, yeni wasaiyang bicngoc kefec nga yaguc mi kecma haude, imocac amma yeni hemma kpidohogecde.

Yohaneac kpefing 17:8 Iomraidhean Croise

Mitiyegec 69:28

Geng negemmana yeni kpacngina kekecac kibiunac dzuacbesonga amma ngic dindingac kecandae, yeneac kpacarennu mi kpeturanggebesonga.

Danicel 11:45

Amma ye ngictaukekecac kporucamagedanga kondungtoa nga kuc kibikperagia kpetiacac tiki botucngirau kpedziu enude anu yeng kpac anudeac nasoya wegene hamanu mongngo ye mi meficgebesande.

Danicel 7:11

Anu ni tofocnac imohaingoc hemma kecbare baicngo nendefeyoac dekecmanu yang imoc kpehomema kpetotiema sebia imoc gerecfu dzedarudeac ukugec.

Danicel 7:26

Anu wisickeu yeac desi desinaso fingeru ngictauac kuc meickebesandae amma ye kpetotiegec kpac ambesande.

Danicel 7:3

Ammanu yang kunengtoa neackpac kondunnunac eregec yenenai. Amma yeni siricngina mong mong anec.

Danicel 7:7

Tofocnac feai imohaingoc torokpema yang kpete neackpac henai imocngo ngicngac ebictoa meficgeyemmeu kengectoa anggecdeac siric anec. Ye kuhagoc yombong nga enactoaya imoc aiengngo memea. Amma wiac goa gbokoma wiac goa kidzamema tosea imoc haniango titackema tidzameec. Amma ye yang warac warac nanggec imoc feracyunuma siriha mong yombong anec amma ye baiha ten nanec. Ifi hemma kengecnuyombonggeec.

Mataio 25:34

Ifi amma ngictaungo ngicngac foiugeng yofi edeyunuude, ‘Ngicngac Mannaac kenecgoc, ngeni yei hagec. Ngeni amabangecyombongngina megec, imoc bicngoc bangec hanahema fingerecfunac ngeneac negemma faifaia.

Ruka 10:20

Nga hadehade nga yafingngo enacngina tofohoma woraandae, ngeni imocac homac mi sogaibisia. Nga kpacarengngina kurumennu oho ohoya fede, ngeni imocac homac yombong sogaibisia.”

Ruka 8:31

Nga hadehade yeneng Yesu desambic ammigec, “Ge hofeu suenununa mi kemeni.”

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecbesandimbeac anende.

Aposoro 15:18

Kebu ye bicngoc yoac ifia deereecngo dedenoc.

Efeso 1:4

Yennoc bicngoc yombong hanahema bangec kurumeng mi fingecmanu kiwau ebiha kpac nga kpetiac kecnideac Kristoac amma negengising anemmeec.

Tito 1:2

Yoac imocngo kekecseri meficgeude, imoc negensinggedimbe. Anutu memengerecnina yearu ikoc mong mi fede, yeng hanac hanaheaunacngoc kekecseri menideac enarango deseriec.

1 Petoro 1:20

Bangec nga kurumeng mi fingecmaec Anutungo Kristo bic meisinggeec. Meisinggeu yeng yaguc naso wisic wisickeau nenanggac amma fingectegerec.

Yohaneac kpefing 11:7

Anu yeri dedekperagingira edeyunudarec wisickeu wasaiyangtoango teng buya kpac, imohacnac erema yerigoc ewema firang amma kpebucyuruude.

Yohaneac kpefing 17:11

Wasaiyang bicngoc kefec nga yaguc mi kecde, ye ifingoc ngictau kpetea 8 nga ye sifu 7 yenearunac mong amma manganedacma kpac anudeac kenude.

Yohaneac kpefing 17:2

Bangecac ngictau yeneng yegoc serofaka anggec nga yeac serofakaac waingdokungo ngicngac bangecfu kecdae, yeneac ubangina mesufuec.”

Yohaneac kpefing 20:10

Yonohodaru mangana minginango ikocfu wangecyunuec, ye gerec nga sarafa kondunnu ukugec. Nga wasaipusi nga profete ikoha, yeri imohai bic kecma hadzing tofocnac kpendzeng kpegecde nga kpekengkecbesandae, imoc wisic wisickea kpac.

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.

Yohaneac kpefing 20:15

Nga mongngo kpara kekecac kibiu oho ohoya mi feec, ye kondunggac gerecfu ukugec.

Yohaneac kpefing 3:10

Ge modzotitia kpac serima kecnadeac edeguai, imoc seriangoc mekecnecac amma ni faitobannunac meicgubade. Faitobang imoc bangectoa bangecac ngicngac yenearu fingerudeac dedea fede. Nga imoc fingeru neng ifingoc hoangguma imohacnac meicgubesandua.’

Yohaneac kpefing 3:5

Ifi anu mong ye firang ande, ye wamba kongac kongac heimigecde. Nga ni yeac kpac kekecac kibiunac naric mi meickebade. Amma yeac kpara Manna nga angerofora yeneac kicfu dekperagibesandua.