Yohaneac kpefing 17:4 - Deduamiti

⁴ Ngac ye wamba giweng giweng nga kpauc kpauc nga gol nga hoc gombunga amma kubu buma kuneng heima kperagiagoc tarec. Nga ye kpakenec mong golngo memea, imohai kaiserofakaya wonongagoc wake wakea mariau metarec.

Yoak kekehagocac Dzadzahac gboria nga Mitiyegec

⁴ Ngac ye wamba giweng giweng nga kpauc kpauc nga gol nga hoc gombunga amma kubu buma kuneng heima kperagiagoc tarec. Nga ye kpakenec mong golngo memea, imohai kaiserofakaya wonongagoc wake wakea mariau metarec.

Yohaneac kpefing 17:4 Iomraidhean Croise

Danicel 11:38

Amma ye odaseriaac anutu mong eweheihei ammiude. Yeac esangabofora yeneng anutu imoc mong mi negemmigec ye anutu imoc gol, silwa nga hoc buma kuneng nga wiac hania hania buma kuneng, yeni wiac ifia mima eweheihei ammiude.

Yohaneac kpefing 14:8

Ifi deu angero mongngo ye modacma yofi deec, “Makpedacnoc, Babilon taongtoa imoc bic makpedac. Yennoc ngaba nga kaiserofakayaac waindoku seria ngicngac sasawa gumecyunuu nedacgec.”

Yohaneac kpefing 18:12

Finac goa, gol nga silwa amma hoc seria nga gombunga nga kubu buma kuneng amma wamba gombunga siricngina giweng giweng nga kpaua amma hiring harang. Nga ic sasawa homuna gombunga amma wiac sasawa erefanggac baihango memea nga wiac hania hania ic seria buma kunengngo memea amma kopango nga aiengngo memea nga hoc seria nga kibia gombunga wiac sasawa imocngo memea.

Yohaneac kpefing 18:16

Amma yofi degecde, ‘Taongtoa, ge wamba gombunga giweng giweng nga kpauc kpauc nga gol nga hoc seria buma kuneng, amma kubu buma kuneng, imocngo faifaia heidang ge ebicgagoc.

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 21:21

Ihai naguya 12 yeni kubu gbomea kuneng 12. Nga nagu tembuc tembuc imoc gbomea mocgu mocgungo memea. Amma taongtoaac sing imoc goltegengngo memea, garas isoc ngadeau naric hentegecnade.

Yohaneac kpefing 9:21

Nga ngicngac yeni ubangina mi dzigeneu yunukpebuc, dzinac nga mosoc faka amma kaiserofaka nga hamangecmeme, faka imoc sasawa hoanggema mekecma mong mi wagec.