Yohaneac kpefing 15:4 - Deduamiti

⁴ Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yoak kekehagocac Dzadzahac gboria nga Mitiyegec

⁴ Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 15:4 Iomraidhean Croise

Mitiyegec 105:7

Yennoc Kebu Anutunina nga yeng ngicngac yoacngina isinggema desiude, faka imoc bangecfu sokoma fede.

Mitiyegec 111:9

Yeng wiacfora sueyunuu yeneng ngicngacfora yungecyunugec. Ye dzadzaha feengkecbesandeac yoac seria edeyunuec. Yeac kpac imoc kpetiac nga bibiagoc.

Mitiyegec 22:23

Ngicngac Kebu ewea heiandae, ngeni ye eriendzong memibisia. Nga Yacakowac gboricfora sasawa, ngeni ye afehebisia. Nga Isracelac gboricfora sasawa, ngeni hemma yeac negenggec engena andeac kicngina yearu fima afehema nambisia.

Mitiyegec 22:27

Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Mitiyegec 22:3

Ge kpetiac, imoc fora. Isracel neneng eriendzong megenni, imocngo ngictau tatacga anude.

Mitiyegec 86:9

O Kebu, ge bangeha bangeha ngicngacareng meficyununec, yeneng gearu hadacma kicgau fafoc heigemma hama geac kpac kuneng heiwayong memigecde.

Mitiyegec 89:7

Kpetiac areng yeneac adzoc adzorou tacandae, yeneng yofi negengandae, Anutu ye damu damuyagoc. Ye engenatoa amma yeng kurumenggac areng ye yerecgema nandae, yeni feracyunuu yeneng yeac kengec homac angandae.

Mitiyegec 97:8

Ge anutu hania hania isingyunuma yoacngina desinadeac Tsion ye imoc negemma ubangerec meficgeu Yehudaac ngacnaroang yeni sogaigecde.

Mitiyegec 99:5

Kebu Anutunina ye kpetiac. Ngeni afehema yeac haniaac tatacfu ngonducnema numumibisia.

Mitiyegec 99:9

Kebu Anutunina ye kpetiac. Ngeni imocac amma afehema tiki kpetiacfu emma fafoc heimima numumibisia.

Dzekarya 14:16

Amma bangeha bangeha yeni wasaingicfocngina Yerusalaim taontoau dzikac kpegecdeac sueyunugec, yeni nga wasaingicfocngina dzikacfu tosea komoc kpema kecbesandae yeni yenahafoc sasawango kifasoc ngictau, kurumenggac wasaiareng habuya habuya yeneac Kebu ye fafoc heimima ngonducnemima eweheimigecdeac Yerusalaim taontoau enggecde. Emma bedzo bedzoac tatac nasoac hombang yeni imoc negensima hombanga tacbesandae.

Dzekarya 2:11

Naso imohai bangec homacngo kebuaru hama ngicngacforakecbesandae. Anu yeng botucnginau kecbesande. Naso imohai Kurumenggac wasaiareng habuya habuya yeneac Kebu yengenaocni suenuec imoc hentegecbesandae.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Roma 15:9

Ifi anu bangec monnunac ngicngac, yeneng ifingoc Anutu wosoefahaac amma dengeregec. Imocac yofi oho ohoya fede, “Imocac ni bangeha bangeha ngicngacareng tosea, yeneac botucfu dengereguma yegecfu kpacga afehebade.” (2Sm 22:50; Myeg 18:49)

1 Petoro 1:16

Imocac yofi oho ohoya fede, “Ni kpetiac, imocac amma ngeni kpetiacngoc kecbisia.” (Sese 11:44-45; 19:2; 20:7)

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 14:7

enacudumeng kunengngo yofi deec, “Ngeni Anutuac damungunuu eweheimibisia. Anutungo ngeneac yoac desiude imocac naso bic hadeac ngeni kurumeng nga bangec amma kondung nga dokukiwa meficyunuec, ye numumibisia.”

Yohaneac kpefing 16:5

Nga negemba dokuac angerongo deec, “Kebu kpetiac mingnina, ge bicngoc kecma yaguc kecnec. Geac fakaga imoc dindingac, ifi anu wiac yomoc sasawa yoacfu faiyununec.

Yohaneac kpefing 16:7

Ifi deu negemba aratango deec, “O Kebu Anutu kuctoa mingina, ge yoac fora dema ngicngac fakangina isinggema sing dindingacfu forayangina denec.”

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 19:8

Ifi anu wambaya gombunga kongaha nga kibikperagiagoc heiudeac migec. Wambaya gombunga imoc ngicngac kpetiac yeneac angammeme dindingac.”

Yohaneac kpefing 3:7

“Ge Firadefia kpebung yeneac angeroaru kibi yomoc ohoma faina kenu.” “Kpetiac kekec nga faka foraac mingina, yeng Dawidiac ki metacde. Ye nagu witiu ngic mongngo naric mi heiude nga nagu heiu mongngo naric mi witiude. Nga yeng ngeneac yofi dede,

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”

Yohaneac kpefing 6:10

Yeni ihai fema kucgoc arohoma yofi kpacgec, “O Kuctoa mingina, ge kpetiackekec nga yoac foraac mingina, ge nocac turung kpoukpou naso mehereema sacninaac kopocsic negemma ngic bangecfu kecdae, yeni kopocsicnginaaac turunga mi yemmenec.”