Yohaneac kpefing 15:3 - Deduamiti

³ Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yoak kekehagocac Dzadzahac gboria nga Mitiyegec

³ Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 15:3 Iomraidhean Croise

Fingec fingec 17:1

Anu Awram ye kifaya 99 ammanu Kebungo fingecmima yofi dema edeec, “Ni Anutu Kuctoa Mingina, ge neac kicfu kecengkecma hafoangoc ngic dindingac kecbesena.

Nehemia 9:14

Ge kpetiac nasoga Sabata, imocac nonoyoac nga singyoac nga dederecgeyoac imoc uangicga Mosearusing yemmenec.

Mitiyegec 100:5

Kebu ye gombunga. Yeng yoac dedzege amma imoc modackecde, fakaya imoc nasoya nasoya feengkefude. Ye yoara modackecde, imocngo fingecsahengina fekefudesoc, yenearu feengkecbesande.

Mitiyegec 105:5

Yeng ua bibiagoc amma kucfaka bibiagoc mekecma desi desiyoac enarango dekefec, ngeni imoc negenggec febeso.

Mitiyegec 111:2

Kebungo uaya mekecde, imoc wiac engena nga imocac songo negengandae, yeneng imoc negengising angkecdae.

Mitiyegec 111:7

Yeng wiac mariango meande, imoc yoara modacma faka dindingacgoc. Nenang yeac dederecgeyoac sasawa negenserima mekecbisina.

Mitiyegec 139:14

Ge meficnuma menunec imoc faka bibiagoc nga damuyagoc annecac dengeregubade. Geng uaga mekecnec, imoc wiac bibiagoc yombong, imoc negengyombonggeduae.

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 145:6

Ngic yeneng uaga damu damuyagoc nga kuhagoc mekecnec, imoc dekperagiyemmebisia. Nga ge engenatoa, imoc dekperagibade.

Mitiyegec 18:30

Anutu ye faka angammemea dindingac nga Kebungo yoac deserima deu fora fingerudenoc. Ngicngac yeneng yeac hoannu hama sufudacgec yeng kasongina amma mesufuyunuude.

Mitiyegec 78:12

Ye Aigita bangecac Tsoan yeneac bangec nobohau esangabo yeneac kicfu kucfakaya bibiagoc meec.

Mitiyegec 92:5

O Kebu, geng ua meannec, imoc bibiagoc nga geac negen negeng imoc engena nga keme kemea yombong.

Mitiyegec 99:4

Ngictau ye kuctoayagoc. Ye faka dindingac fingerudeac ammide. Geng faka mongang mongangga kpac, imoc faina seria fede. Ge Yacakowac areng yeneac botucfu faka angammemengina isinggema yoacfu desima sing dindingac modacma yoacngina desinec.

Danicel 6:20

Ye Danicel teng tarec imohai kensikema ubahodunggac ubaudumenggoc kpacma deec, “Danicel, Danicel, Anutu kekehagocac enactofoc tofohongic, ge Anutuga tatahoc eweheimima kecnec, yeng laion yenearunac mesiguudeacsoc andac me?”

Danicel 9:11

Isracel sasawa neni geac singyoac ferahema imoc wama monnu kening. Neni geac ubaudumenggac kedzac mi kpema kopocsic meficgeinggac amma enactofoc tofohongicga Mosengo sowecyoac deserima dedeseri kibiu ohoec, imocngo witininau hetinggegec enec.

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Tsefanya 3:5

Kebungo Yerusalaim yeneac botucfu dindingac kecma wiac mong mi angsufuande. Ye asoacsoc hengising uaya mema sege segea kpac fakangina meireckema desiude. Ammanu sifu yoackpekpengic yeni ine gamengina kpac kecdae.

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

1 Timoteo 1:17

Ngictau wisic wisickea nga home homea kpac nga mi hengena ye mocgungo Anutu kecde. Ye eweheimima yeac dedengerec nga dedengerec fekengkecbeso, imoc fora.

Hebiraio 3:5

Mose ye wiac ngadeau fingerudeac sosoha anec. Ye ifi kecma Anutuac amau kingangkpekpe kefec.

Yohaneac kpefing 1:8

Kebu Anutu ye kefec nga kecdenoc amma kecma habesande, ye Kucseri minginango yofi dede, “Ni neannaoc A nga Y, hanac hanahea nga wisic wisickea.”

Yohaneac kpefing 11:17

Afehema yofi degec, “Kebu Anutu Kuctoa mingina, neni dangge edegudimbe. Ge bicngoc kecnec nga yaguc kecnec, ge geangga kuctoa mema mekecma yaguc ngictau kecnec.

Yohaneac kpefing 14:3

Anu yeni ngictau tatacfu nga wiac kekecnginagoc 4 amma ngicenara yeneac kicfu namma yegec gboria mong heigec. Heigec ngic 144 tauseng bangecfunac bic bummeyunuyunua, yeneng yegec imoc naric negemma heigec.

Yohaneac kpefing 14:8

Ifi deu angero mongngo ye modacma yofi deec, “Makpedacnoc, Babilon taongtoa imoc bic makpedac. Yennoc ngaba nga kaiserofakayaac waindoku seria ngicngac sasawa gumecyunuu nedacgec.”

Yohaneac kpefing 17:14

Amma yeni ramamedahagoc ewemagec yeng firang anude. Imoc yofiac, ramamedaha ye kebu yeneac Kebu nga ngictau yeneac Ngictau. Nga ngicngac kpacyunuyunuya nga segec segereyunuya amma ngicngac ramamedaha negensinggema kecdae, yeni yegoc firang anggecde.”

Yohaneac kpefing 19:16

Kporuhau nga kopohau kpac mong yofi oho ohoya feec, “Ngictau yeneac Ngictau nga kebu yeneac Kebu.”

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”