Yohaneac kpefing 14:2 - Deduamiti

² Nga kurumennunac udumeng mong doku homac gbururungtoa yeneac udumeng isoc negemba imoc gita kpekpe yeneng gitangina kpegec udumeng fingecande, ifi isoc anec.

Yoak kekehagocac Dzadzahac gboria nga Mitiyegec

² Nga kurumennunac udumeng mong doku homac gbururungtoa yeneac udumeng isoc negemba imoc gita kpekpe yeneng gitangina kpegec udumeng fingecande, ifi isoc anec.

Yohaneac kpefing 14:2 Iomraidhean Croise

Mitiyegec 147:7

Kebu ubangerecac yegec heimima Anutuninaac gita kpema imocngo udumeng gombunga memini.

Mitiyegec 149:3

Ngeni yegec fedema yeac kpac kuneng heiwayong memibisia. Ngeni tambaring nga gita kpema udumeng gombunga meficgema oeha memibisia.

Mitiyegec 33:2

Ngeni kurerengo Kebu dengerema gita witiha 10 kpema yeac musi gombunga kpebisia.

Mitiyegec 43:4

Ifi anu ni Anutuac aratau kembade. O, sogac sogaitoaac Anutuna, ni gearu kemma gita kpema dengeregubade. O Anutu, ge Anutuna.

Mitiyegec 57:8

Ubaongana ge negengboribesena. Gitakurere ngeni gboribisia. Ni ama negemma yegec heima amabangecac kperagi midibade.

Mitiyegec 92:3

gita witiha tengngo kpema udumeng mema kurere hania hania kpema udumeng yumiango geac kpac kuneng heiwayong memibade, imocngo wiac ubangerehagoc ande.

Mitiyegec 93:4

Kebu wi kecde, ye damu damuyagoc. Ye doku dundung yeneac udumeng ferahama kondung siri yeneac kuc ifingoc ferahade.

Mitiyegec 98:5

Ngeni gita kpema Kebuac yegec heibisia. Ngeni gita kpegec yegec udumenga gombunga fingecbeso.

Makekeng 19:16

Anu wenac uameme kpete harebecac asoacfu piratac heiu ginggbururung heima femanu hoeng kundung dzicnambacngo mama tiki hedzidzickema feu trampettoa mong kunengngoc yombong arohou ngicngac sasawa kporucamabangecfu kecgec, yeni kengec anggec dzonongngina fedeec.

Makekeng 20:18

Anu ngicngac yeni sasawa ginggbururung, piratac nga trampet udumeng heima feu negemma henggec tiki hosuc kpeu wiac imoc sasawa hennegeng amma kengec kuneng yunuu dzonongngina fedeu monggoc kpesikehema nanggec.

Dzekarya 9:14

Ammanu witinginau wi sawau Kebu Anutungo fingecyemmema tebemedaha kpesaiu piratac isoc kembesande. Ammanu ye biunga fifima sautfunac firang murayowarec isoc kpefemanu imocac manau habesande.

1 Korinti 13:1

Ni Asuac kucfu yoac hania hania debai me Asuac kucfu angero yeneac yoac hania hania debade amma ngicngac yeni heresongogoc ine mi hoangyunuma kecbai, imohai ni gonggong isoc arohoma me tambaring isoc udumengtoasac angkecbade.

Yohaneac kpefing 1:10

Kebuac naso kereng monnu Asungo nearu ua meu ngadenau enacudumeng kunengtoa mong trampet udumeng isoc negembare yeng yofi deec,

Yohaneac kpefing 1:15

Nga aieng sacsac gerecfu ohogec wewengaima feande, ye hania imoc isoc anec. Nga enacudumenga, imoc doku homac yeneac udumeng isoc anec.

Yohaneac kpefing 11:12

Nga kurumennunac enacudumengtoa mong negenggec yofi edeyuruec, “Ngeri yei ereec!” Ifi deu yeri ngabafocngina yeneac kicfu hoeng manau kurumennu enoc.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 15:2

Ni kondung garas isoc mong gerecgoc yerec yerecgea henai. Hemba ngicngac yeni wasaipusi nga ongea nga kibia amma kpara imocac kpeteagoc, yeni areng imoc yenigoc ewema firang anggec yeneng kondung witiau Anutuac gita menanggec.

Yohaneac kpefing 18:22

Ukugec gitakpekpe nga yegec heihei nga kungac fifi fifi nga trampet fifi fifi, imoc geac manau naric monggoc mi negenggecde. Nga marikibi hania hania imocac uamemengic, yeni geac manau monggoc naric mi kecgecde. Nga hocfu flawa uuha hedzameandae, imocac udumeng geac manau monggoc naric mi negenggecde.

Yohaneac kpefing 5:8

Kibi imoc memanu kekecnginagoc 4 nga ngicenara 24 yeneng yeac kicfu makpegec. Yeni sasawa tembuc tembuc gita kurerenganoc nga sokoc golngo memea metacgec. Sokoc imohacnac hosuc homuna gombunga ereec. Wiac hosuhagoc sokocfu feec, imoc ngicngac kpetiac yeneac nunumungina, imocngo sokocnginau wake wakea feec.

Yohaneac kpefing 6:1

Ni imoc hembare ramamedahango kendokereha 7 ongayagoc warac warac kibi mendac mendanggeau tarec, imoc mekpacgeec. Nga wiac kekecnginagoc 4 yenearunac mongngo ubaudumenga parandanggac udumeng isocngo kpacma yofi deu negennai, “Ge hana!”

Yohaneac kpefing 8:7

Efaigec angero warac warac yeng trampeha fifiu nomang gbomea nga gerec, imoc sacgoc kpeturanggema imocngo fingecma bangecfu maec. Mau bangectoa bangec, imocac tegia harebec imohacnac noboha mocgu (⅓) dzeec nga ic sasawa bangectoa imocac manau nanggec, yenearunac harebecac noboha mocgu (⅓) dzeec amma kpindzing tengging tengging sasawa gerecngo dzedarec.