Yohaneac kpefing 14:1 - Deduamiti

¹ Ni ramamedaha hemba ye Siong tikiu ngicngac 144 tauseng yenigoc nanggec. Nanggec, yeni ramamedahaac kpackibi nga Manggacac kpackibi mesunginau mekecgec.

Yoak kekehagocac Dzadzahac gboria nga Mitiyegec

¹ Ni ramamedaha hemba ye Siong tikiu ngicngac 144 tauseng yenigoc nanggec. Nanggec, yeni ramamedahaac kpackibi nga Manggacac kpackibi mesunginau mekecgec.

Yohaneac kpefing 14:1 Iomraidhean Croise

Mitiyegec 2:6

“Foracngoc, ni ngictauna neac Tsion tiki kpetiacfu bic faiba tacde.”

Danicel 12:5

Anu ni Danicel, neng kic fima hemba ogohora yohockang, mong yeigeng doku tegiau nga mongngo edinoboc doku tegiau ifi nanoc.

Yoele 2:32

Nga damoc yeneng Kebuac kpac kpacgecde, yeni komockpegecde. Imocac Kebungo yofi deec; ngicngac goa Tsion tikiu nga Yerusalaimnu kecdae, yenearu yungecyungec fingerude nga ebic imocngo ine mi memayunuude. Kebungo ngicngac meisingyunuec, yenennoc komockpegecde.

Amosi 8:2

“Hembare yofi kpesinenec, Amosi ge noc wiac hennec?” Deu meremmiai, “Icgbomea kpaua sakahagoc taru henduae.” Ifi deba Kebungo yofi deec, “Isracel ngicngacfocna yeneac faka manganangina imocngo ic gbomea isoc kpauedeac amma naric mi orocyunubade.”

Mika 4:7

Anu neng ngicngacfocna hani mangang tosea damoc meicyunukenggec, yeni meseriyunuba bangecareng kucnginagoc anggecde. Nga Ni Kebu neannaoc Tsion tikiu ngictaungina amma nasoyakpac bubungyunuma kecengkecbesanduae.

Dzekarya 4:2

Midinuma kpesinenec, “Ge noc wiac henec.” deu deai, “Kifa nananga mong hafoangoc golngo memea nga imocac witiau sokohagoc memea. Sokoc ihacnac kpeng kpeng sewengngo kifa sewen yenearu enu henduae.

Ruka 12:8

Ngic mong ye ngic yeneac kicfu Ngicac Medac yeac deande, ‘Ni yeac areng anduae.’ ifi deu Ngicac Medacngo yeac ifingoc Anutuac angerofora yeneac kicfu yofi deude, ‘Ye neac ngic.’

Roma 9:33

Imocac yofi oho ohoya fede, “Negendae, ni Sionnu hoc mong faiba imohai yeni kpondzong heigecde nga peperandziu tifainggema negemmangang meficgegecde. Nga mongngo ye negensinggeudeu ye game kpekpeu mi embesande.” (Yes 8:14; 28:16)

Yohaneac kpefing 14:14

Anu ni hoeng mong kongac kongac henai. Hemba imocac witiau ngic mong siriha ngicac medac isoc tarec. Ye oruhau ira mong golngo memea heima mariau soe mong enaragoc witfora heiandae, ifia metarec.

Yohaneac kpefing 14:3

Anu yeni ngictau tatacfu nga wiac kekecnginagoc 4 amma ngicenara yeneac kicfu namma yegec gboria mong heigec. Heigec ngic 144 tauseng bangecfunac bic bummeyunuyunua, yeneng yegec imoc naric negemma heigec.

Yohaneac kpefing 15:5

Ifi heigec wisickeu hemba kurumennu Anutuac womonnu dzadzahac katapaac kporucwomong naguya megec.

Yohaneac kpefing 22:4

Yeni yeac kicmesuya henggecde nga yeac kpara mesunginau oho ohoya feude.

Yohaneac kpefing 3:12

Firang anude, neng ye gununggeba Anutunaac womong manaac wotung seria anude. Nga ye womong imoc monggoc mi waude. Nga ni yeac witiau Anutunaac kpac amma Anutunaac taongtoaac kpara nga neanna kpacna gboria ifingoc ohobade. Taongtoa imoc Anutunaac taong nga imoc Yerusaleng gboria amma kurumennunac neac Anutuarunac mabesande.’

Yohaneac kpefing 4:1

Anu ni nagu mong witi witia kurumennu henai. Amma ubaudumeng warac trampet isoc yoac edenuu negennai, yeng yofi deec, “Ge yei erena. Yomocac ngadeau noc faka fingecbesande, imoc edzacgubade.”

Yohaneac kpefing 6:8

Ifi deu hemba becosic meac meac mong amma ngic yeac witiu tarec, kpara homec, yeng homecama hesickeu haoc. Haec yereng bangectoa bangec tegia 4, imohacnac noboha mocgu (¼) imoc yereng wasai beang nga bodi amma homectoa nga kateyang mehaoc. Mehaec imocngo ngicngac yunuhomegecde, imocac uakibi nga kuc yemecyemera.