Yohaneac kpefing 13:6 - Deduamiti

⁶ Amma ye enara anggema Anutu desure ammima Anutu kpara nga womonga amma kurumennu kecdae, yeni desure ayemmeec.

Yoak kekehagocac Dzadzahac gboria nga Mitiyegec

⁶ Amma ye enara anggema Anutu desure ammima Anutu kpara nga amea amma kurumennu kecdae, yeni desure ayemmeec.

Yohaneac kpefing 13:6 Iomraidhean Croise

Mitiyegec 73:9

Yeni enacbibicnginango kurumeng demanganema nedzarangnginaunac yoacngo bangec ferecgema kenude.

Danicel 11:36

Anu ngictaungo songea modacma faka hania hania mema kecma anutu sasawa eyemmedacma anutu yeneac Anutu ifingoc emmi emmiyoac warac mi negen negena deude. Anu wiac fingerudeac dedea imoc fingecbesande imocac amma ye wiac hania hania meude imoc sasawa fingerude. Anu kecma herebuac nasoya wisickeude.

Danicel 7:25

Amma Engenatoa denggbaringgema Engenatoaac kpetiacareng kenghedzic hahedzic ayemmeude. Amma naso nga singyoac faifaia imoc meickema wiac siriha mong meudeac negenu imoc yeac mariu faigec naso mocgu nga naso yohockang nganoc amma naso mocguac noboha kecgecde.

Danicel 7:8

Ifi anu baic imoc hembareng baiha kapia mong imoc yeneac botucnginau erema harebec bic nanggec yeni kpefacyunuma meicyunuma tatacngina meec. Nga baiha imohai kiwa imoc ngic yeneac kic isoc amma enarango nendefeyoac wiac kuneng deec.

Mataio 12:34

Ngeni boidzocac fingecsaheunac. Nga wiac ubaherenginau wakema fede, imocnoc enacnginango dekperagiude. Ngeni ngic manganango yoac gombunga degecdeacsoc mi ande.

Mataio 15:19

Ubahereunac wiac yofia ereande, negen negeng magana nga ewekpekpe amma kaiserofaka nga eweeneng mewa amma hamangec faka nga ikoc yoacfu faifaiyunu amma desureyoac.

Yohane 1:14

Anu enacyoacngo sebifusiagoc amma botucninau kefec. Kefu medac mocgungo fingecma Manggacarunac kuc nga kibikperagia mekefec, kuc nga kibikperagia imocnoc hening. Henni yearu danggunuc nga yoac fora wake wakea fede.

Roma 3:13

“Yeni ubangina imoc kicsere angge anggea.” (Myeg 5:9) “Yeni nedzarangnginango ikoc ayemmeandae amma bibicnginau boidzocac marasing mekecdae.” (Myeg 140:3)

Kolosai 1:19

Anutungo yofi negensiu ngereec, “Yeac ubahereau hafoangoc tacbade.”

Kolosai 2:9

Imoc yofiac, Kristo yengena sebiu Anutu yengena kekeha hafoangoc fekecde.

Hebiraio 9:2

Anu kporucwomong mana warac warac feec, imocac kpara Mana kpetiac. Nga mana warac warac imohai kifanananga amma tebo icsogongagoc nanoc.

Hebiraio 9:24

Kristongo ama kpetiac maringo memea amma wiac fora fede imocac ongea ande, ama imohai mi enec, kpac. Yeng nenanggac amma Anutuac kicfu nanudeac kurumeng forau enec.

Yohaneac kpefing 11:12

Nga kurumennunac enacudumengtoa mong negenggec yofi edeyuruec, “Ngeri yei ereec!” Ifi deu yeri ngabafocngina yeneac kicfu hoeng manau kurumennu enoc.

Yohaneac kpefing 12:12

Kurumeng nga areng kurumennu kecdae, ngeni imocac amma ubangerec negembisia. Nga bangec nga kondung ngeri ebictoa meficgeecde. Mangana mingina ye nasoya wegeneu negemma ngabatoagoc yombong ngenearu haecac ngeri dafi anecde, imoc obohode.”

Yohaneac kpefing 15:5

Ifi heigec wisickeu hemba kurumennu Anutuac womonnu dzadzahac katapaac kporucwomong naguya megec.

Yohaneac kpefing 18:20

Anutungo ngeneac turunga yeac witiu faiecac amma kurumeng nga kpetiac areng kecdae nga aposoro amma profete, ngeni yeac amma sogaibisia.”

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.

Yohaneac kpefing 4:1

Anu ni nagu mong witi witia kurumennu henai. Amma ubaudumeng warac trampet isoc yoac edenuu negennai, yeng yofi deec, “Ge yei erena. Yomocac ngadeau noc faka fingecbesande, imoc edzacgubade.”

Yohaneac kpefing 4:4

Ni ngictau tatac goa, kpetengina 24, yenenai, imoc yeneng ngictau tatac yerecgema nanggec. Tatac imocac witiau ngicenara 24 tacgec. Ngicenara yeni ngakpingina kongac kongac heima orucngina witiau ira golngo memea heigec.

Yohaneac kpefing 5:13

Nga wiac sasawa Anutungo deu fingecdarec kurumennu nga bangecfu amma bangec bageau nga kondunnu, yeneac manau wiac sasawa kecdae, yeneng yoac yofi degec negennai, “Ngictau tatacfu tacde nga ramamedaha, yerearu kenec nga eweheihei amma kibikperagi nga kuc wisic wisickea kpac fekengkecbeso.”

Yohaneac kpefing 7:15

Imocac amma yeni hadzing tofocnac Anutuac womong manau ngictau tatacac kiwau namma yeac kingang kpema ua mekecdae. Megec Kebu ngictau tatacfu tacde, yeng yenigoc kecma kporucwomonga yeneac witiu faiu tarude.

Yohaneac kpefing 7:9

Imocac witiau habutoa yombong yenenai nga kpetengina imoc ngic mongngo naric mi osoude. Ngicngac yenenai, yeni bangeha bangeha nga fakaga fakangina amma yoacna yoacga nga sebi siric hania hania, yenearunac. Amma yeni ngakpingina herea kongac kongac heima maringinau pam icac maria mema ngictau tatacfu nga ramamedahaac kicfu nanggec.