Yohaneac kpefing 13:1 - Deduamiti

¹ Hemba kondung manaunac wasaiyang yeneac mimiha mong ereec. Ye baiha 10 nga oruha 7 amma baiha imocac witiau ira 10. Nga oruc imoc yeneac witinginau Anutuac desure kpac hania hania feec.

Yoak kekehagocac Dzadzahac gboria nga Mitiyegec

¹ Hemba kondung manaunac wasaiyang yeneac mimiha mong ereec. Ye baiha 10 nga oruha 7 amma baiha imocac witiau ira 10. Nga oruc imoc yeneac witinginau Anutuac desure kpac hania hania feec.

Yohaneac kpefing 13:1 Iomraidhean Croise

Danicel 11:36

Anu ngictaungo songea modacma faka hania hania mema kecma anutu sasawa eyemmedacma anutu yeneac Anutu ifingoc emmi emmiyoac warac mi negen negena deude. Anu wiac fingerudeac dedea imoc fingecbesande imocac amma ye wiac hania hania meude imoc sasawa fingerude. Anu kecma herebuac nasoya wisickeude.

Danicel 2:41

Amma hanitabehora nga gbongfora imoc aieng enangbangecgoc yerec yerecgea hennec imocac hania yofi, imoc eucerereng hendzic hendzira ambesande. Amma aieng andeac noboha kuhagoc feude. Imoc aieng nga enangbangecgoc kpetuc kpeturanggea, imoc bic hennec.

Yohaneac kpefing 11:7

Anu yeri dedekperagingira edeyunudarec wisickeu wasaiyangtoango teng buya kpac, imohacnac erema yerigoc ewema firang amma kpebucyuruude.

Yohaneac kpefing 12:3

Nga faka mong ifingoc kurumennu fingeru henggec. Imoc sekactoa sacsac mong kuneng yombong. Ye oruha 7 nga baiha 10 nga ye oruhau ira 7 heiu tarec.

Yohaneac kpefing 13:11

Ifi hemba wasaiyang mong bangec manaunac ereec. Ye rama isoc baiha yohockang metacma sekactoa yeneac faka modacma yoac deec.

Yohaneac kpefing 13:14

Mau ye wasaipusiac kicfu faka meudeac kuc migecac amma ngicngac bangecfu kecdae, yeni ikocfu wangecyunuu ye modacgecde. Modacgec ngicngac bangecfu kecdae, yeneac deu, wasaipusi wasai beangngo heigec monggoc gboriec, yeac onga mong megec.

Yohaneac kpefing 13:15

Megec yeng wasaipusiac ongea ongaasu miudeac kuc meec. Meu ongango ifingoc yoac dede negenec. Nga ngicngac sasawa onga mi numumigec, yeni kpebucyunuudeac kuc metarec.

Yohaneac kpefing 15:2

Ni kondung garas isoc mong gerecgoc yerec yerecgea henai. Hemba ngicngac yeni wasaipusi nga ongea nga kibia amma kpara imocac kpeteagoc, yeni areng imoc yenigoc ewema firang anggec yeneng kondung witiau Anutuac gita menanggec.

Yohaneac kpefing 16:13

Dzikeu hemba sekactoa nga wasaipusiac dumbengngiraunac amma profete ikoha, yeac enaraunac asu harebec wononginagoc erema magec nga yeni siricngina waborac isoc.

Yohaneac kpefing 17:16

Ge wasaiyanggac baiha 10 hennec, yeni wasaiyanggoc singtoangac ngadehema wiara megec ye senggang entegeng tarude. Taru yeni yeac fusia nema ngac imoc gerecfu ukugec dzeude.

Yohaneac kpefing 17:3

Nga angerongo Asuac kucfu menuu bangeckisiu dokuya kpacfu kenic. Kemma hemba ngac mong wasaiyang kpauc kpaucac witiu tarec. Nga wasaiyang ye oruha 7 nga baiha 10 amma sebia sasawa imoc desure kpacngo wake wakea.

Yohaneac kpefing 17:5

Amma yeac mesuyau kpac mong negensufuya oho ohoya feec. Kpac imoc Babilon taongtoa, ye bangecac singtoangac amma faka mangana yombong yeneac nonggongina ande.

Yohaneac kpefing 19:19

Anu ni wasaipusi nga bangecac ngictau wasaiarenginagoc yenenai. Yenemba yeni ngic becosic witiau tarec, ye nga wasaiarengfora yenigoc dzikac kpegecdeac kpedzucnegec.