Yohaneac kpefing 12:3 - Deduamiti

³ Nga faka mong ifingoc kurumennu fingeru henggec. Imoc sekactoa sacsac mong kuneng yombong. Ye oruha 7 nga baiha 10 nga ye oruhau ira 7 heiu tarec.

Yoak kekehagocac Dzadzahac gboria nga Mitiyegec

³ Nga faka mong ifingoc kurumennu fingeru henggec. Imoc sekactoa sacsac mong kuneng yombong. Ye oruha 7 nga baiha 10 nga ye oruhau ira 7 heiu tarec.

Yohaneac kpefing 12:3 Iomraidhean Croise

Danicel 2:41

Amma hanitabehora nga gbongfora imoc aieng enangbangecgoc yerec yerecgea hennec imocac hania yofi, imoc eucerereng hendzic hendzira ambesande. Amma aieng andeac noboha kuhagoc feude. Imoc aieng nga enangbangecgoc kpetuc kpeturanggea, imoc bic hennec.

Danicel 2:42

Amma haniaac gbongfora noboha aieng amma noboha enangbangec anec imocac hania yofi, eucerereng noboha imoc kuhagoc anude nga noboha imoc hendzirudeac siriha ambesande.

Danicel 7:20

Amma baic teng oruhau nammagec baic mong ngade ereu baic harebec yeni yeac kicfu fotockema magec, imocac hania fora yombong dekperaginenudeac negenai. Amma baic imoc kiwagoc nga enaragoc anu nendefeyoac homac deec amma yeng kuneng amma feracyunuec, imocac hania ifingoc negentegecbadeac negenai.

Danicel 7:24

Anu baiha teng imoc ngictau teng yeneng eucerereng imohai fingecgecde. Yeneac ngadeu ngictau mong fingerude, imoc ngictau warac kecgec yeni isoc kpac. Ye siriha mong yombong anude amma yeng ngictau harebec imoc yunuude.

Yohaneac kpefing 12:1

Anu soi engena mong kurumennu yofi fingeru henggec. Ngac mong tarec, ye wambaya wenac nga hania bageau afo amma oruhau ira mong asomeng 12ngo memea.

Yohaneac kpefing 12:13

Yeni sekactoa bangecfu ukugec, yeng imoc hentegecma ngac sabac medac meec, ye kisanec.

Yohaneac kpefing 12:17

Nedaru sekactoango ngacac amma herebu negemma kemma yeac arengfora tosea Anutuac singyoac modacma kecdae nga Yesu Kristoac dedekperagi mekecdae, yenearu dzikac kpeudeac kenec.

Yohaneac kpefing 12:4

Taru yeac dziango kurumenggac asomeng yenearunac harebecac noboha mocgu (⅓) taiyunuma bangecfu ukuyunuec. Nga ngacngo sabac meu sekactoa ye sabac gbokoudeac negemma ngac yeac kicfu nanec.

Yohaneac kpefing 12:7

Anu kurumennu dzikactoa fingerec. Imoc yofi, Mikae nga angerofora yeneng sekactoagoc ewegec sekac nga angerofora yeni turunga merenggec

Yohaneac kpefing 12:9

Ifi anu sekactoa, imoc boudzoc esea kpara mong Mangana mingina nga Satang, ye nga angerofora bangecfu ukuyunugec. Ukuyunugec yeng bangecngicngac sasawa ikocfu wangecyunuu yeni ye modacandae.

Yohaneac kpefing 13:1

Hemba kondung manaunac wasaiyang yeneac mimiha mong ereec. Ye baiha 10 nga oruha 7 amma baiha imocac witiau ira 10. Nga oruc imoc yeneac witinginau Anutuac desure kpac hania hania feec.

Yohaneac kpefing 13:2

Imocac sebia wasaipusitoaac sebi isoc anec nga enara imoc laion isoc amma ye bear isoc soriherehagoc. Anu sekactoango uakibi nga kuc nga ngictau tatac wasaipusitoa mima ngicngac homac garengyunuudeac uakibi miec.

Yohaneac kpefing 13:4

Modacma sekactoa numumigec nga sekactoa yeng wasaipusingo garengyunuudeac uayoac nga kuc miecac amma yeni wasaipusi numumima yofi degec, “Mongngo ye isoc amma yegoc naric mi eweude.”

Yohaneac kpefing 15:1

Ni kurumennu soi mong engena bibiagoc henai. Hemba angero 7 yeneng kpendzeng 7 wisic wisickea metacgec. Anutuac ngabaac kpendzeng 7ngo fingecma kpac andarude.

Yohaneac kpefing 16:13

Dzikeu hemba sekactoa nga wasaipusiac dumbengngiraunac amma profete ikoha, yeac enaraunac asu harebec wononginagoc erema magec nga yeni siricngina waborac isoc.

Yohaneac kpefing 17:12

Baiha 10 hennec, imoc ngictau 10 bangecac eucererengngina mi megecngoc, yeni ine aua mocguacsoc wasaiyanggoc ngictau ua megecdeac uayoac nga kuc yemmegec megecde.

Yohaneac kpefing 17:16

Ge wasaiyanggac baiha 10 hennec, yeni wasaiyanggoc singtoangac ngadehema wiara megec ye senggang entegeng tarude. Taru yeni yeac fusia nema ngac imoc gerecfu ukugec dzeude.

Yohaneac kpefing 17:7

Kpidohoba angerongo yofi edenuec, “Ge mi kpidohona. Ni ngac nga wasaiyang oruha 7 nga baiha 10 ngac atickekecde, yereac negensufu edegubade.

Yohaneac kpefing 19:12

Ye kiwa imoc gerec borang isoc nga oruhau ira homac heiec. Amma kpara mong oho ohoya, imoc mongngo mi negende, yengenaocsac negende.

Yohaneac kpefing 20:2

Metacma sekactoa, boudzoc esea kpara mong Mangana mingina nga Satang, ye mema kifa 1 tausenggacsoc tarudeac witickeec.