Yohaneac kpefing 11:8 - Deduamiti

⁸ Kpebucyuruu farengngira taonggac sinnu feecde. Taongtoa imocac kpara kpefing yoacfu Sodong nga Aigita nga bangec imohaingoc Kebunina mariponnu kpegec homeec.

Yoak kekehagocac Dzadzahac gboria nga Mitiyegec

⁸ Kpebucyuruu farengngira taonggac sinnu feecde. Taongtoa imocac kpara kpefing yoacfu Sodong nga Aigita nga bangec imohaingoc Kebunina mariponnu kpegec homeec.

Yohaneac kpefing 11:8 Iomraidhean Croise

Fingec fingec 13:13

Anu Sedom ama mingina yeni ine ngic mangana yombong nga yeni Kebuac kicfu kopocsic homac wiac engena yombong angkecgec.

Fingec fingec 19:24

Kensikemagec Kebungo deu Sedom nga Amora bangecfu sarfa nga gerec kurumennunac kia isoc maec.

Makekeng 20:2

“Neng Kebu geac Anutu. Ni Aigitabangecfunac wangecguyai. Aigita yeneng wanac meguma ua ebirau faigugec ama imohacnac wangecguyai.

Makekeng 3:7

Ifi anu Kebungo yofi edeec, “Ngicngacfocna Aigitabangecfu dzoicuau faiyunuma kenghedzic hahedzic ayemmekecdae imoc bic hendua nga uaac keracnatang mangana yeneng kpendzennu faiyunukecdae, imocac kiac arongina bic negendua. Yeni kpendzeng witiau kecdae imoc negenduaengoc.

Amosi 4:11

“Ni Sodom nga Gomora taong memanganeyuruai, ifi isoc ngenearunac goa ifingoc memanganeyunuyai. Ngeni gerec tofeasac isoc dzesibesonga ammagec kucgoc kpedzingunuba hemmaguc ngeneng nearu monggoc mi dzigenegec.” Kebungo ifi dekperagide.

Mataio 10:15

Foracngoc, kecma ising ising nasotoau taong imocac ngicngac yeneac ebicngo Sodong nga Gomora taong, yereac ebic ferahebesande, imoc edengunuduae.

Aposoro 9:4

Neraranggeu ye bangecfu todingge kpeu fema yoac mong yofi fingeru negenec, “Sauro, Sauro, ge nocac nukporac anemma kecannec?”

Hebiraio 13:12

Imocac Yesungo ifingoc yengena sawango ngicngac kpetiac meyunuudeac taong naguac ngadeau kpendzeng kpeec.

Hebiraio 6:6

Nga ngicngac imoc nehemma makpema ngadehegecde, yeni monggoc ubamereng meyunuma heitaiyununideac singa mong mi fede. Ifia yeneng Anutuac Medac didiu deengdema ammima mariponnu monggoc kpeandae.

2 Petoro 2:6

Anu Sodong nga Gomora taong, yeri desiyuruma memanganeyuruu hamangirasac feec. Nga ngicngac Anutuac sing kpema kecdae, yenearu kecma ifi isoc fingecbesandeac ongea edzacyunuma ifi anec.

Yuda 1:7

Yeneng warac Sodong nga Gomora ngicngac amma guruama yereac wegenacfu tackenec, yeneng faka angandae, ifi isoc anggec. Yeni kaisero amma sebinginaac songo sicsauc modacgec. Sodong nga Gomora ngicngac, yeni gerecfu yonohoec, yeneng gerec wisic wisickea kpac imocac ongea andae amma ihai yaguc kecma kopocsicnginaac turung mekecdaengoc.

Yohaneac kpefing 11:13

Enec naso imohaingoc usoctoa meu taongyada tegia 10 imohacnac noboha mocgu (1/10) barackeec. Usocyada meec, imocac manaunac ngicngac kpetengina 7 tauseng yeni homegec. Homegec ngicngac tosea yeni kengec amma Anutu kurumennu kecde, ye afehegec.

Yohaneac kpefing 11:9

Nga uameme harebec nga nobohaac manau ngicngac sebi siriha hania hania nga fakaga fakangina amma yoacga yoacna nga bangeha bangeha ngicngac yeneng farengngira hemma tonggogecdeac kpetariyemmegecde.

Yohaneac kpefing 14:20

Ukuyunuu waing tidzoc tidzohoac hoctoa taong ngadeau nanu tidzamegec. Nga waing tidzoc tidzohoac hoctoaunac sacngo enec, imoc becosic yeneac enacaieng kpeserema feu bangec 300 kiromitaacsoc mewakeec.

Yohaneac kpefing 14:8

Ifi deu angero mongngo ye modacma yofi deec, “Makpedacnoc, Babilon taongtoa imoc bic makpedac. Yennoc ngaba nga kaiserofakayaac waindoku seria ngicngac sasawa gumecyunuu nedacgec.”

Yohaneac kpefing 16:19

Usoc mema taongtoa mendziru harebec anec. Nga ye bangeha bangeha yeneac taong homac hembarackeec. Hembarackeu Anutungo Babilon taong negensiu ngaba nga herebuac waingsokoha miec.

Yohaneac kpefing 17:1

Angero 7 sokoc 7 mekecgec, yenearunac mongngo nearu hama nigoc denegeng amma yofi deec, “Singtoangac kuneng doku homac yeneac witinginau tacde, ye angammemeaac turunga migecde. Ge hana imoc edzacgubade.

Yohaneac kpefing 17:18

Anu ngac hennec yeng taongtoa nga bangecac ngictau yeneac witiu ngictau uaac kuc metacde.”

Yohaneac kpefing 17:5

Amma yeac mesuyau kpac mong negensufuya oho ohoya feec. Kpac imoc Babilon taongtoa, ye bangecac singtoangac amma faka mangana yombong yeneac nonggongina ande.

Yohaneac kpefing 18:10

Yeni yeac kpendzenggac kengec amma hereau yombong namma yofi degecde, ‘Ge aua mocguac manau hanahema yoacfu faifaiguac forayaga bic hadacde. Imocac Babilon, ge taongtoa nga taong kucgagoc ama sifu ge ebicgagoc.’

Yohaneac kpefing 18:18

yeac gerecac hosuc hemma yofi dema kpacgec, ‘Taongtoa ifia mong mi fede, kpac.’

Yohaneac kpefing 18:2

Mekperagiu enacudumengtoayango kucgoc yofi arohoec, “Babilontoa ye makpema hadehade yeneac amabangec nga asu wonongnginagoc sasawa amma neng sasawa mangac manganea wonongnginagoc, yeneac amabangec fingerec. Yeac kaiserofakayaac waindoku bangeha bangeha ngicngac sasawa yeni imoc negec. Bangecac ngictau yeni yegoc serofaka anggec nga bangecac emekeng emehaac ngickuneng yeni yeac kuc nga finactoa gombunga uaya kpac, ihacnac finactoanginagoc anggec.”

Yohaneac kpefing 18:21

Anu angero kuhagoc mong, yeng dzamandzingtoa mong mema kondunnu ukuma yofi deec, “Yeni Babilon taongtoa gereagoc kondunnu ifi ukugec monggoc naric mi meficgegecde.

Yohaneac kpefing 18:24

Nga taongtoa imocac manau profete nga ngicngac kpetiac amma ngicngac sasawa bangecfu yunuhomegec, yeneac sacngina meficgegec.”