Yohaneac kpefing 11:3 - Deduamiti

³ Anu ni enacdedehocna kuc yemecba yeri toruwamba heima uameme 1 tauseng 2 handret 60ac (1260) manau profeteyoac deecde.”

Yoak kekehagocac Dzadzahac gboria nga Mitiyegec

³ Anu ni enacdedehocna kuc yemecba yeri toruwamba heima uameme 1 tauseng 2 handret 60ac (1260) manau profeteyoac deecde.”

Yohaneac kpefing 11:3 Iomraidhean Croise

Fingec fingec 37:34

Ifi dema Yacakow ye ngakpia mesuckema ubamanganggac toruwamba heima uameme homac yombong medahaac kiac ubahodung amma kefec.

Nehemia 9:1

Anu afo imocac uameme 24 imohai Isracel ngicngac yeni kpedzucnema yakasege amma yukung heima mateng nadzicma tacgec.

Mitiyegec 69:11

nga ubamanganggac wamba heiba desusuic anenggec.

Danicel 12:7

Anu ni kedzac kpema ngic wamba linenkporucngo memea heima dokuac witiau wi sawau nanecmoc yoara negemba yeng maria foiya nga kanaya kurumennubigeng miacma deserima Kebu kecengkecbesande yeac kpara kpacma yofi deec, “Naso mocguacsoc nga naso yohockang nganoc nga naso noboha wisickeu ngicngacareng kpetiac yeneac maringinaac kuc monggoc mi kpedzamegecde, imohai imoc sasawa mesidacgec wisickeude.”

Danicel 7:25

Amma Engenatoa denggbaringgema Engenatoaac kpetiacareng kenghedzic hahedzic ayemmeude. Amma naso nga singyoac faifaia imoc meickema wiac siriha mong meudeac negenu imoc yeac mariu faigec naso mocgu nga naso yohockang nganoc amma naso mocguac noboha kecgecde.

Danicel 8:14

Ifi kpesimiba yofi edenuec, “Tofocnac nga asoac 2 300 wisickeu wiac sasawa imoc kpac anude. Anu imocac witiau kpetiac womong monggoc mengerema kpetiac monggoc anudeac desibesandae.”

Yoele 1:13

Womonggareng arata kiwau waraiyemmema sese meandae, ngeni yukung heima arohoma torengkpegec. Amma Anutunaac hoannu wit nga baliac sese nga waing dokuac sese faiandae, imocngo Anutunginaac amau monggoc mi faigecac amma toforecfu hamma yukunggoc kecbisia.

Yona 3:5

Ifi deu Ninewe ngicngac yeni Anutu negengsinggegec. Amma ngicngac kunennunac makecma kapia yeni sasawango yakasege anggecdeac dekperagigec kendarec. Anu yeni toruwamba heigec kemeec.

Yona 3:8

Amma ngicngac ngenang nga yangfocngina ifingoc toruwamba heima kecma Anutuaru heregoc yombong kpacsambic ammibisia. Tembuc tembuc sasawango faka mangana angkecdae imocac sing wama godzufakangina wayombonggebisia.

Bangec kisiu 11:26

Nga ngic yohockang kpacngira Eldad nga Medad yeri ifingoc ngicenaraac kpacngira oho ohoya nga yeri ngadeau mi maoc. Yeri ine wama kporucamangiraungoc tarec Asungo witingirau mau kporucamabangecfungoc profeteyoac deoc.

Mataio 11:21

“Koradzing nga Besaida ngicngac, ngeni sowecnginagoc. Ngenearu kucfaka homac bic fingerec, kucfaka ifia Tiro nga Sidong taonnu fingecbac dede ngicngac yeni kopocsicnginaac amma ubamanganggac wamba bic heima hama nadzicma ubamereng ambau.

Mataio 18:16

Nga ye yoacga mi negenudeu geng ine ngic mocgu me yohockang meyuruna ngenahafoc ebic imoc mengeregecdeac tacbisia. Ifi amma ngic yohockang me harebec dede sasawa demeseri ambisia.

Ruka 10:13

Korasing nga Besaida ngicngac, ngeni sowecnginagoc. Ngenearu kucfaka homac bic fingerec. Amma kucfaka ifia Tiro nga Sidong taonnu fingecbacfu yeni kopocsicnginaac ubahodunggac wamba bic heima hama nadzicma tacma ubamereng ambau.

Ruka 24:48

Faka yomocnoc kicnginau fingecdacmoc imoc dekperagibisia.

Yohane 15:27

Nga ngeneng hanac hanaheaunacngoc nigoc kecgec, imocac ngeni ifingoc naric dekperaginugecde.”

Yohane 3:27

Ifi degec Yohanengo yofi merengyemmeec, “Anutungo kurumennunac wiac mi miudeu ngicngo imoc naric mi meude.

Aposoro 1:8

Negenggec, Tiri Asungo ngenearu mama kuc ngemmeu ngeni siducdedefocna anggecde. Nga ngeni Yerusaleng amma Yudaia nga Samaria bangec sasawa yerecgema yoacna dekenggec bangeha bangeha sokodacbeso.”

Aposoro 13:31

Yacma ye ngicngac yegoc Gariraia bangecfunac Yerusaleng taonnu yenahafoc kenggec, yeni uameme homac fingecyemmeec. Fingecyemmeu henggec, yenennoc siducdedefora anggec kecdae.

Aposoro 2:32

Anu Yesu yenoc Anutungo homecfunac midiu yaru neni kicninango fora hendaring.

Aposoro 3:15

kekecac enarameme kpegec. Nga Anutungo ye homecfunac megboriu yarec, neni imocac hepuc aning.

1 Korinti 12:28

Amma Anutungo kpebunnu ngicngac goa yofi faiyunuec, warac warac aposoro nga yeneac ngadeau profete amma yeneac ngadeu mitiac kpoukpou faiyunuec. Ifi faiyunumaguc goa faka kuhagoc megecdeac faiyunuec. Ngicngac goa yeni hafei ua hania hania megecdeac Asungo imocac kuc yemmeec. Amma ngicngac meficyunugecdeac areng goa faiyunuec nga wiac garenggegecdeac ngicngac ifia faiyunuec amma goa nedzarangyoac hania hania degecdeac faiyunuec.

2 Korinti 13:1

Ni monggoc ngenearu habeso negenduae, imoc haba nasona harebec anude. Yoac yofi oho ohoya fede, “Ngic yohockang me harebec yoacngina mocgu anudeu ngeni kopocsicmeme yoara naric isinggema foraya degecde.” (Dser 19:15)

Efeso 4:11

Amma yennoc ua yofi denemmeec, goa aposoro nga goa profete amma goa siduc gombung dedekperagi areng nga goa kpebung yeneac gareng amma goa miti kpoukpou, ifi denemmeec.

Yohaneac kpefing 1:5

Nga Yesu Kristoarunac ifingoc. Yeng yoac modac modac seria amma ye siducdedengic fora. Ye fingecma, homegec yeneac waracmedac anec. Amma bangecac ngictau yeneac kunengngina kecde. Amma ye nenang songo negemma sawango kopocsicninaunac mesinunuec.

Yohaneac kpefing 11:2

Nga sobeng odayagoc amakiwau fede, imoc bangec monnunac ngicngac yemmeyemmea. Imocac amma ge imocac kpete mi mebesena. Yeni afo 42ac manau taong kpetiac tidzamema memanganegecde.

Yohaneac kpefing 11:6

Enacdedehocna yeri profeteyoac dekecma kurumeng heiec kia mong mi kpeude, yeri uayoac nga kuc ifia mekecdape. Amma yeri yeraoc naso dema doku heimerenec sac anudeac uayoac nga kuc mekecdape. Amma yeri kpendzeng hania hania bangecfu faiecdeac uayoac nga kuc ifingoc mekecdape.

Yohaneac kpefing 12:6

Nga ngac ye worama bangeckisiu dokuya kpacfu kenec. Kenu yeneng ye uameme 2 tauseng 2 handred 60ac (2260) manau nenesemeng mima henggareng ammigecde. Anutungo yeac tatac ihai bic mengereec.

Yohaneac kpefing 13:5

Enara migec ye dearogoc sicsauc amma Anutu desure ammiec. Nga yeni kuc yofi migec, yeng afo 42ac manau ngicngac garengyunuudeac uayoac nga kuc mekefec.

Yohaneac kpefing 19:10

Ifi deu ye numumibadeac haniau makpeai. Makpeba yeng yofi edenuec, “Ifi mi anna! Ni ge nga tosofocga Yesuac dedekperagi metacdae, ngeneac wanac ogongina. Yesuac dedekperagi imoc profeteyoacac asu. Imocac amma ge Anutu numumina.”

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.