Yohaneac kpefing 11:2 - Deduamiti

² Nga sobeng odayagoc amakiwau fede, imoc bangec monnunac ngicngac yemmeyemmea. Imocac amma ge imocac kpete mi mebesena. Yeni afo 42ac manau taong kpetiac tidzamema memanganegecde.

Yoak kekehagocac Dzadzahac gboria nga Mitiyegec

² Nga sobeng odayagoc amakiwau fede, imoc bangec monnunac ngicngac yemmeyemmea. Imocac amma ge imocac kpete mi mebesena. Yeni afo 42ac manau taong kpetiac tidzamema memanganegecde.

Yohaneac kpefing 11:2 Iomraidhean Croise

Mitiyegec 79:1

O Anutu, bangec monnunac ngicngac mi negenggudae, yeneng meisingbangecgau eredau. Yeni eweheihei faka mi amma womongga kpetiacfu eregec imoc gotengagoc anu Yerusalaim ama kpedzamedacgec amabangec sesuhasac ande.

Danicel 12:7

Anu ni kedzac kpema ngic wamba linenkporucngo memea heima dokuac witiau wi sawau nanecmoc yoara negemba yeng maria foiya nga kanaya kurumennubigeng miacma deserima Kebu kecengkecbesande yeac kpara kpacma yofi deec, “Naso mocguacsoc nga naso yohockang nganoc nga naso noboha wisickeu ngicngacareng kpetiac yeneac maringinaac kuc monggoc mi kpedzamegecde, imohai imoc sasawa mesidacgec wisickeude.”

Danicel 7:19

Ifi edenuu ni yang kpete neackpac yeac hania fora yombong negembeso anenec. Imoc yofiac sasawa yenearunac siriha mong anec. Amma ebic kengehagoc meficgeyemmeudeac siric yombong anec. Enara imoc aiengngo memea amma soria imoc aieng sacsacngo memea nga wiac goa gbokoma wiac goa medzamema tosea imoc haniango titackema tidzameec.

Danicel 7:25

Amma Engenatoa denggbaringgema Engenatoaac kpetiacareng kenghedzic hahedzic ayemmeude. Amma naso nga singyoac faifaia imoc meickema wiac siriha mong meudeac negenu imoc yeac mariu faigec naso mocgu nga naso yohockang nganoc amma naso mocguac noboha kecgecde.

Danicel 8:10

Anu yeng yadiengkecma kurumenga kurumengaac wasaiareng yeni meficyunuma areng imoc yenearunac goa nga asomeng yenearunac goa mayunuudeac ayemmema bangecfu ukuyunuu magec tidzameyunuec.

Danicel 8:13

Anu negemba kpetiacngic mongngo yoac deu kpetiacngic ogeango meremma yofi edeec, “Kpefinnu wiac yofi henai, wenaha wenaha sese faifai imocac meic meickeyoac nga Anutu ngadehema wagecac bangec manganeyombonggeudeac amma wasaiarengtoa nga Anutuac kpetiac womong tidzamegec, faka imoc hanaheu naso dafiguc ifi angkecmagec faka imoc wisickebesande?”

Danicel 8:14

Ifi kpesimiba yofi edenuec, “Tofocnac nga asoac 2 300 wisickeu wiac sasawa imoc kpac anude. Anu imocac witiau kpetiac womong monggoc mengerema kpetiac monggoc anudeac desibesandae.”

Bangec kisiu 14:34

Ngeni wenac foti sufu sufu kengkecma bangec hennegeng angkecgec, ifi isoc wenac mocgu mocguac turunga kifa mocgu mocgu kopocsicnginaac ebic tofohogecde, imoc kifa foti ifi kecgecde. Ifi kecma yofi negentegecgecde, neng marina meickema warac angemmekefai, ifi isoc monggoc mi ambade.’

Mataio 27:53

Yesungo kicsereaunac gborima yaru yeni ngade kicserenginaunac erema taong kpetiac, imohai hama ngic homac fingecyemmegec.

Mataio 4:5

Ifi deu mangana minginango Yesu hesickema taong kpetiacfu kemma Anutuac womong witiau wi yombong, ihai faiu nanu edeec,

Mataio 5:13

Ngeni bangecngicngac yeneac kondung. Kondungngo kiacma songea kpac anudeu songea monggoc naric mi meficgeude. Kondung ifia, imoc uaya kpac. Imoc eng bangecfu ukuni ngic yeneng haningo tigecde.

Ruka 21:24

Nga ngaba yeneng dzikacac beangngo ngic noboha yunuhomema noboha witicyunuma bangeha bangeha meyunuma kemma faiyunugecde. Amma bangeha bangeha ngicngacareng Anutu mi negemmidae, yeneng hama Yerusaleng haninginango tima kecmagec nasongina dedea, imoc wisickeu kenggecde.

Hebiraio 10:29

Anu dzadzahacac sacngo ngic mong bic dzuarec, yeng ngade sac imoc ongea kpac dema Anutuac Medac witiau goteng tima Danggunucac Asu demanganeudeu, yearu turunga noc efea fingecmiude, imoc bic negendae.

Yohaneac kpefing 11:11

Anu uameme harebec nga noboha wisickemanu kekecac asungo Anutuarunac hama yerearu kemeu yeri yacma nanoc. Nanec yeremma yeni damu kuneng yunuec.

Yohaneac kpefing 11:3

Anu ni enacdedehocna kuc yemecba yeri toruwamba heima uameme 1 tauseng 2 handret 60ac (1260) manau profeteyoac deecde.”

Yohaneac kpefing 12:6

Nga ngac ye worama bangeckisiu dokuya kpacfu kenec. Kenu yeneng ye uameme 2 tauseng 2 handred 60ac (2260) manau nenesemeng mima henggareng ammigecde. Anutungo yeac tatac ihai bic mengereec.

Yohaneac kpefing 21:10

Ifi deu Asungo nearu ua meu tiki kuneng nga herea, imocac bumau menu emma kpetiac taongtoa Yerusaleng, kurumennunac Anutuarunac maecmoc, imoc edzacnuec.

Yohaneac kpefing 21:2

Ni Yohanengo taongtoa kpetiac, Yerusaleng gboria hemba Anutuarunac kurumennunac maec. Mama efaima ngac ngicfu kende, ifi isoc ewebingehaac amma siriha gombunga yombong anudeac memengere ammigec tarec.

Yohaneac kpefing 22:19

Amma mongngo yoac yomoc nande, imohacnac profeteyoac mong meickeudeu Anutungo kekecac icfunac yeac noboha nga taongtoa kpetiacac manaunac noboha amma wiac sasawa kibi yomohai oho ohoya fede, imohacnac meickeude.”