Yohaneac kpefing 11:18 - Deduamiti

¹⁸ Ngicngac bangeha bangeha kecdae, yeni herebu anggec geac herebuac naso ine yofinenggac hau geng homegec yeni yoacngina isinggema desinade. Wanacngicfocga profete nga kpetiac arengfocga kuneng nga kapiango geac kpacga eweheiandae, yeni angammemenginaac turunga megecde. Nga ngicngac bangec memanganegec geng memanganeyunubesannec.”

Yoak kekehagocac Dzadzahac gboria nga Mitiyegec

¹⁸ Ngicngac bangeha bangeha kecdae, yeni herebu anggec geac herebuac naso ine yofinenggac hau geng homegec yeni yoacngina isinggema desinade. Wanacngicfocga profete nga kpetiac arengfocga kuneng nga kapiango geac kpacga eweheiandae, yeni angammemenginaac turunga megecde. Nga ngicngac bangec memanganegec geng memanganeyununade.”

Yohaneac kpefing 11:18 Iomraidhean Croise

Mitiyegec 103:11

Ngicngac yeneng eweheimigec yeng yoac yenigoc dedzege amma imoc modarude. Yeac faka siriha yofi, kurumenga kurumenga yeni bangec ferahama wi enggec fedae, ye ifi isoc ngicngacfora yeneac songo efea kpac negenude.

Mitiyegec 110:5

Kebu foigaugeng nande, ye herebunasoya hau ngictau kpedzameyunuude.

Mitiyegec 147:11

Ngicngac ye eweheiheigoc hoangeandae, yeng yenemma nengenu ngereeude. Yeng yoac dedzege amma imoc modarude. Nga ngicngac yeneng imocac negensima fora fingerudeac tomai kecandae, ye yeneac negenu ngereeu sogaiude.

Mitiyegec 2:5

yoac ngabayagoc deu herebuyango kengec meficgeyemmema yofi deude,

Mitiyegec 85:9

Foracngoc, yeac kuc kibikperagiagoc bangecninau fekefudeac amma yeng ngicngac yeac eweheiandae, yeni yenemma ebicfunac mesiyunuude.

Danicel 11:44

Anu wenac ere ereaunac nga notbigennunac imocac yoacsiduc kedzahau kemeu kengec kuneng kpeude. Amma ye herebutoa kuneng negemma homac kpetotieyunuu kpac anggecdeac efaima dzikac kpeudeac kenude.

Danicel 7:26

Anu wisickeu yeac desi desinaso fingeru ngictauac kuc meickebesandae amma ye kpetotiegec kpac ambesande.

Danicel 8:25

Ye wiac memanganeudeac negen negentegehagoc yombong anudeac ikocfakayango kicngina mesufuyombonggeude. Anu yeac ubahereau nendefeyoac monggoc yombong yadiude. Amma ngicngac ebic mong mi fingecyemmeudeac negemma kecgec yeng ngicngacareng homac kpetotieyunudarude. Amma ye ngictau yeneac Ngictau emmiude. Ifi anu ngicngo faka mong mi meu eng hetackegec kpac ambesande.

Mataio 5:12

Bungngina kunengngo kurumennu tomaingina fede. Ngeni imocac ubangerec negemma sogaibisia. Ngicngac yeneng warac profete yunukporac ayemmegec, yeni ifi isoc angemmegecdenoc.

Ruka 1:50

Kisicfunac kisic yeac ewea heimiandae, yeneac witiu yeac ubamangangngo feengkefude nga feengkecbesande.

Hebiraio 9:27

Anu ngicngac sasawa naso mocgusac homenideac dedea nga ngadeau kecma yoacfu nambesonga.

Yohaneac kpefing 10:7

Angero wisic wisickeango trampeha fifibeso ammanu udumeng negenggecde, imohai yofi negembisia. Anutungo wanacngicfora profete yoac bic edeyunuec nga Anutuac negen negeng sufu sufuya feec, imocngo naso imohai fingectegerude.”

Yohaneac kpefing 11:2

Nga sobeng odayagoc amakiwau fede, imoc bangec monnunac ngicngac yemmeyemmea. Imocac amma ge imocac kpete mi mebesena. Yeni afo 42ac manau taong kpetiac tidzamema memanganegecde.

Yohaneac kpefing 13:10

Ngic mong megec witicamau faigecdeac degecdeu ye witicamau kembeso. Ngicngac wasai beangngo yunuhomegecdeac degecdeu imocngo yunuhomebisia. Anu ngicngac kpetiac yeni modzotitia kpac nga negen negensinggoc kecbisia.

Yohaneac kpefing 13:16

Metacma ye ngicngac sasawa kuneng nga kapia, finacgoc nga finaha kpac, wanacngic nga ngicngac yengenaoc kecde, yeni kibi mong sebikibi isoc marifoinginau me mesunginau mekecgecdeac deseriyemmeec.

Yohaneac kpefing 14:10

ye Anutuac ngabaac waindoku seria nebeso. Waing imoc seria yombong dokugoc mi yerec yerecgea yeac ngabaac taseu kpakegec. Kpakemigec, yeng angero kpetiac amma ramamedaha, yeneac kicfu gerec nga sarafa manau kpendzeng kpeude.

Yohaneac kpefing 15:1

Ni kurumennu soi mong engena bibiagoc henai. Hemba angero 7 yeneng kpendzeng 7 wisic wisickea metacgec. Anutuac ngabaac kpendzeng 7ngo fingecma kpac andarude.

Yohaneac kpefing 15:7

Magec wiac kekecnginagoc 4 yenearunac mongngo angero 7 sokoc 7 yemmeec. Sokoc imoc golngo memea nga Anutu kecde nga kecengkefude, yeac herebungo imohai wakema feec.

Yohaneac kpefing 18:6

Nga yeng ngeni ngemmeec, ngeni imocac turunga ifi meremmima angammemeyaacsoc naso yohockang amma migec. Nga ye kpakenec yerecgeec, imohai noc wiac tarec negemma ngeneng naso yohockang yerecgemigec.

Yohaneac kpefing 19:15

Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yohaneac kpefing 19:18

ngictau nga wasaienara amma ngic kucnginagoc sebifusingina negec. Ngeni becosic nga ngicngac yeneac witiau tacdae, yeneac sebifusingina negec. Ngeni ngicngac witicngina kpac nga wanac meyunuyunuya amma ngicngac kuneng nga kapia, yeneac sebifusingina ifingoc negec.”

Yohaneac kpefing 19:5

Ifi degec enacudumeng mong ngictau tatacfunac erema yofi deec, “Anutuac wanacarengfora nga ngicngac kuneng nga kapia amma ngicngac eweheimidae, ngeni dengeregec.”

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.

Yohaneac kpefing 20:15

Nga mongngo kpara kekecac kibiu oho ohoya mi feec, ye kondunggac gerecfu ukugec.

Yohaneac kpefing 22:12

“Henggec, ni A nga Y, warac warac nga ngade amma hanac hanahea nga wisic wisickea. Ni naso mi ukuma hama ngicngac tembuc tembuc angammemenginaacsoc turunga yemmebadeac mehabesandua.