Yohaneac kpefing 11:10 - Deduamiti

¹⁰ Kpetariyemmegec ngicngac bangeha bangeha kecdae, yeni sasawango songo nga ubangerec negemma ubangerecac iwai goa emegecde. Profete yohockang yereng bangeha bangeha ngicngac kpendzennu faiyunuocac ifi ayecmegecde.

Yoak kekehagocac Dzadzahac gboria nga Mitiyegec

¹⁰ Kpetariyemmegec ngicngac bangeha bangeha kecdae, yeni sasawango songo nga ubangerec negemma ubangerecac iwai goa emegecde. Profete yohockang yereng bangeha bangeha ngicngac kpendzennu faiyunuocac ifi ayecmegecde.

Yohaneac kpefing 11:10 Iomraidhean Croise

Mitiyegec 13:4

Nocac ngabangicnango yofi debacac, “Ni firang bic andua.” ifi deu ni goroc goroc amma manubeso anu ye imocac sogaibacac meficnuna.

Mitiyegec 35:19

Anu ngabafocna yeneng hania kpacfu ngaba anemma dedzomoc anembauac kpae heiyemmebesena. Yeni hania kpacfu neac modzongina tiu ebic imocac ubangerec negemma kicparac kpounembauac kpae heiyemmebesena.

Mitiyegec 89:42

Ge ngabafora marifoingina memiacna dzikacfu serigec ngabafora sasawa sogaigecdeac sing meficgeyemmenec.

Owadya 1:12

Ngeni namafocngina yehudangicngac yeneac naso manganau ngeni feac feac anggec. Amma ngabafocngina yeneng amabangecngina memanganegec ngeni naso manganggac ebic imoc hemma sogac sogai nga dearogoc dzomoreyemmegec. Faka ifia imoc mi anganggacsoc anggec.

Mika 7:8

Ngabafocna ngeni sogaima tenicfagoc mi anenggec! Ni makpema kundunnu kecduae nga Kebungo kperagina anu monggoc yacbade.

Mataio 10:22

Nga neac kpacac amma ngicngac sasawa yeneng ubango ukungunugecde. Nga ngic mong ye seserigoc kecmanu nasotoa haude, yeng komoc kpebesande.

Yohane 16:20

Foracngoc, ngeni kiac songgong ammagec bangectoa bangec yomocac ngicngac yeneng sogaigecde, imoc edengunuduae. Nga ngeni ubahodung anggec ubahodungngina imocngo merennu ngeni ubangerec monggoc meficgegecde.

Yohane 7:7

Ngicngac yeni ubango naric mi ukungunugecde. Nga neng ine angammemengina mangana dekperagianduaeac ubango ukunukecdae.

Aposoro 5:33

Yoac ifi edeyunuu wosongina meu aposoro yunuhomegecdeac degec.

1 Korinti 13:6

Ye faka manganaac amma ubangerec mong mi negenude, kpac. Ye faka foraac ine sogaiude.

Yohaneac kpefing 12:13

Yeni sekactoa bangecfu ukugec, yeng imoc hentegecma ngac sabac medac meec, ye kisanec.

Yohaneac kpefing 13:14

Mau ye wasaipusiac kicfu faka meudeac kuc migecac amma ngicngac bangecfu kecdae, yeni ikocfu wangecyunuu ye modacgecde. Modacgec ngicngac bangecfu kecdae, yeneac deu, wasaipusi wasai beangngo heigec monggoc gboriec, yeac onga mong megec.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.

Yohaneac kpefing 16:10

Anu angero 5ngo sokoha wasaipusiac tatacfu kpakeu yeac eucerereng kundung kpeec. Kundung kpeu ngicngac yeni asira kuneng negemma nedzarangngina kirecgegec.

Yohaneac kpefing 3:10

Ge modzotitia kpac serima kecnadeac edeguai, imoc seriangoc mekecnecac amma ni faitobannunac meicgubade. Faitobang imoc bangectoa bangecac ngicngac yenearu fingerudeac dedea fede. Nga imoc fingeru neng ifingoc hoangguma imohacnac meicgubesandua.’