Yohaneac kpefing 1:8 - Deduamiti

⁸ Kebu Anutu ye kefec nga kecdenoc amma kecma habesande, ye Kucseri minginango yofi dede, “Ni neannaoc A nga Y, hanac hanahea nga wisic wisickea.”

Yoak kekehagocac Dzadzahac gboria nga Mitiyegec

⁸ Kebu Anutu ye kefec nga kecdenoc amma kecma habesande, ye Kucseri minginango yofi dede, “Ni neannaoc A nga Y, hanac hanahea nga wisic wisickea.”

Yohaneac kpefing 1:8 Iomraidhean Croise

Fingec fingec 17:1

Anu Awram ye kifaya 99 ammanu Kebungo fingecmima yofi dema edeec, “Ni Anutu Kuctoa Mingina, ge neac kicfu kecengkecma hafoangoc ngic dindingac kecbesena.

Fingec fingec 28:3

Nga Anutu Kuctoa minginango kenecguma meficguu fingecsahe amma seregurutoa ambesena. Ifi amma ngicngacareng habuya habuya ambesannec.

Fingec fingec 35:11

Anu Anutungo yofi dema edeec, “Ni Anutu Kuctoa mingina. Ge fingecsahe amma seregurutoa ambesena. Nga gearunac ngicngacareng mong fingecma ngicngacareng habuya habuya fingeckenggecde. Amma gearunac ngictau fingecbesandae.

Fingec fingec 43:14

Anutu Kuctoa mingina yeng ngic imocac negen negennu ua meu ye ngeneac ubia manganebeso. Amma dacngina nga Benyamin merengyuruu ngenahafocngoc habisia. Kebungo nambarachocna kpac anecdeac negenecfu ifi fingerude.”

Fingec fingec 48:3

Tacma Yosef yofi dema edeec, “Anutu Kuctoa Minginango Ludzi amau Kenacan bangecfu fingecnemma kenecnuma

Fingec fingec 49:25

Geac manggaac Anutu Kuc Mingina yeng meficguma yofi kenecguude. Ye wi kurumenggac nga bangec keme kemeaac kenecngo kenecguude. Amma geac arennunac ngac herenginaunac sabac fingecgecde amma namungina ifingoc fingerudeac kenecgoc anggecde.

Makekeng 3:14

Ifi deu Anutungo Mose yofi edeec, “Ni Kecduaengoc, ni imocnoc.” Dema yofi deec, “Ge Isracelngicngac yoac yofi edeyunubesena, ‘Ni Kecduaengoc yeng ngenearu suenude.’ ”

Makekeng 6:3

Nga ni Awraham, Itsak nga Yacakow fingecyemmeba yeni Anutu kuctoa mingina, kpacna imoc negenggec. Kpacna Kebu imoc mekperagima haniana mi deficgeyemmeai.

Bangec kisiu 24:4

Yeng Anutuac yoac negende, ye Kuctoa Mingina yeac dedekperagiyoacac kpefing hennegengande. Ye bangecfu ngonducnemanu kiwa tegeru wiac hengande.

2 Korinti 6:18

Amma ni ngeneac Mangngina nga ngeneng neac naroang medacfocna anggecde, Kebu Kuctoa Minginango ifi dede.’ ” (2Sm 7:14)

Yohaneac kpefing 1:11

“Ge wiac hennecmoc, imoc kibiu ohona. Ohoma kpebung 7 Efeso nga Simirna amma Peagamong nga Tiatira amma Sarde nga Firadefia amma Raodikea, ge kibi imoc yenearu faina kenu.”

Yohaneac kpefing 1:17

Nga ye hemma haniau manuu homemea isoc febare yeng marifoiango witinau faima deec, “Ge mi kengecguu, ni hanac hanahea nga wisic wisickea amma kekecnagoc.

Yohaneac kpefing 1:4

Ni Yohanengo Asia provins manau kpebung 7 kecdae, ngeneac kibi yomoc ohoduae. Anutu kefec nga kecde amma kecma habesande. Ye nga asu 7 yeac ngictau tatacac hoangau kecdae, yenearunac ruae nga danggunuc imocngo ngenigoc febeso.

Yohaneac kpefing 11:17

Afehema yofi degec, “Kebu Anutu Kuctoa mingina, neni dangge edegudimbe. Ge bicngoc kecnec nga yaguc kecnec, ge geangga kuctoa mema mekecma yaguc ngictau kecnec.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 16:14

Asu imoc yeni hadehade mangana yombong amma negensinggegecdeac faka kuhagoc meandae. Nga yeneng bangec sasawaac ngictau Anutu kuctoa mingina, yeac uamemetoa, naso imocac dzikacfu kpedzucyunudacgecac yenearu kenggecde.

Yohaneac kpefing 16:7

Ifi deu negemba aratango deec, “O Kebu Anutu kuctoa mingina, ge yoac fora dema ngicngac fakangina isinggema sing dindingacfu forayangina denec.”

Yohaneac kpefing 19:15

Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yohaneac kpefing 19:6

Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yohaneac kpefing 2:8

“Ge Simirna kpebung yeneac angeroaru kibi yomoc ohoma faina kenu,” “Ngic homema gboriec kecde, ye hanac hanahea nga wisic wisickea, yeng ngeneac yofi dede,

Yohaneac kpefing 21:22

Nga imocac manau womong mong mi henai. Imoc yofiac, Kebu Anutu kuctoa mingina nga ramamedahango womonga andape.

Yohaneac kpefing 21:6

Dema monggoc edenuec, “Imoc bic fingecdac. Ni A nga Y, hanac hanahea nga wisic wisickea. Ngicngac mongngo dokuac ammide, ye dokukiwaunac kekecac doku eng neudeac mibade.

Yohaneac kpefing 4:8

Wiac kekecnginagoc 4 yeni tembuc tembuc kpegangngina 6. Nga sebingina imoc kicngo sasawa soko sokoya amma kpegangngina bageau, imoc ifingoc kiwagoc anec. Amma yeni wenac nga tofocnasoc kecnegenga kpac yofi dema kecgec, “Kebu Anutu Kuctoa mingina ye kpetiac, kpetiac nga kpetiac. Ye kefec nga kecde amma kecma habesande.”