Nehemia 8:3 - Deduamiti

³ Mehama kiwa Doku Naguugeng fima ngic nga ngac sasawa amma damocngo naric negen tegecgecdeacsoc andae, yeneac kicfu namma ubia miacma kunengngoc osoec. Ye asoacngoc hanahema osokecmanu wenackiwa merenec. Anu ngicngac yeni singyoacac kibi imohai kedzac gombunga yombong faigec.

Nehemia 8:3 Iomraidhean Croise

Nehemia 10:29

Amma yeni sasawango Isracelareng ngickiwafocngina torokpeyunugec kpeturanggema Anutuac singyoac nga dedeseriyoac nga nonoyoac amma dederecgeyoac uangiha Mosearu faiec, imoc gombunga henanggema modacgecdeac deserigec, amma yofi degec mongngo yoac yomoc mi modarudeu ye homebeso. Ifi demaKebu nenang Kebu, yeac singseria kengecgoc yombong modacgecdeac deserigec.

Nehemia 13:1

Anu naso imohai lewiareng yeneng ubangina miacma Moseac kibi imoc ngicngac osoyemmegec negenggec. Nga kibi imocac manau yofi meficgegec, Amongareng nga Mocawareng yeneng Anutuac habu yeneac botucfu mi yombong kecbisia.

Nehemia 8:1

Ifi amma ngicngac sasawa yeni Doku Naguu ihai adzoc adzoroho sobennu hama kpedzucnedacma habu mocgu anggec. Amma singyoacac kpoukpou Edzera ye Isracel yeneac singyoac KebungoMosearu faiec, kibi imoc mehaudeac edegec.

Nehemia 8:18

Anu Edzerango uameme hanahegec ihacnacngoc Anutuac singyoac imocac kibi imoc osoyemmekecmanu uameme sewennu wisickeec. Anu uameme 8 imohai singyoac modacma kpekpedzuc kuneng megec.

Nehemia 8:4

Singyoacac kpoukpou Edzerango kandze mong kpougec imocac witiau emma nanec. Yeac foiyau bigeng imoc Matitia, Sema, Anaia, Uria, Hirkia, Maseia, yeneng nanggec nga kanayau bigeng ine Pedaia, Miser, Markiya, Hatsum, Hatsbadana, Dzekaria nga Mesurang yeneng nanggec.

Nehemia 8:5

Anu Edzera ye kibi mema kandze witiau nanecac amma ngicngac sasawango kibi kparatiu hemma imohaingoc yenahafoc yacma nandacgec.

Mareko 12:37

Dawidi yengenaoc ‘Neac Kebu,’ kparec. Nga Messia ye dafiu Dawidiac bangeha ande?” Ifi deu ngicngac habutoa yeneng negendzidziegec.

Ruka 19:48

Nga ngicngac yeni yeac yoac negengyombonggema kecgec nga yoara mong wagecdeac mi negenggec. Imocac amma ngaba yeneng ye meickegecdeac sing mong mi meficgegec.

Ruka 8:18

Ngic mong ye wiac goa femide, ye wiac monggoc migecde nga mong ye wiac mong mi femide, yearunac wiac fenende dema negende, imoc ifingoc wangecgec eng kefude. Imocac amma ngeni yoac negendae, imoc henghomema negemma kecbisia.”

Aposoro 13:15

Tacgec gareng yeneng Anutuac dedeseriyoac nga profete yeneac yoackibi goa oso wisickema yofi edeyunugec, “Tosohocnina ngereng Anutuac enacyoac mong negendape isoc demeseri anemmeec negenni.”

Aposoro 13:27

Nga Yerusaleng ngic engena mamea, yeneng Yesu mi hentegecma ye kpegecdeac desigec. Yoacfu ifi faima desigec nga sabata tatac nasosoc profete yeneac kpefingyoac osonegeng angandimbe, imoc seriec.

Aposoro 15:21

Yeni Moseac yoac bic negendae. Nga imoc esea bicngoc yuda yeneng hanahema taonsoc osohakecgec. Amma imoc yofinenggac ifingoc sabata tatac nasoyau kpekpeturang amanginasoc osonegeng angandae.”

Aposoro 16:14

Yeneac botucfunac ngac mong Tiatira taonnunac kpara Ridia, ye finacama mingina nga kporuc sacsac faikefec. Ye Anutu eweheimima kefu Kebungo ubea mekperagiu Pauroac yoac kedzac kpema negenec.

Aposoro 17:11

Deec taong imocac yudangic yeni fakangina nga angammemengina kpacgoc nga Tesaronike yeneac faka isoc kpahac, imocac enacyoac ubaefac hafoangoc negemma hoanggegec. Amma yoacngira ikoha me fora dema wenaha wenaha mitikibi osoma deusu anggec.

Aposoro 20:11

Ifi dema ama manau emma maung gumecyunuma yenigoc yaka neec. Neu wisickeu yenigoc mitiac denegeng amma kecmanu ama wereckenu wayunuma kenec.

Aposoro 20:7

Anu neni sondau maung nenideac kpedzucneni Paurongo wereckengau kenudeac negemma Anutuac enacyoac edeyunuma kefec.

Aposoro 28:23

Ifi dema tutumanggac naso mong degec naso imoc hau yudangic kpetengina homacngo Pauroac amau kpeturanggegec. Kpeturanggemagec, yeng Anutuac eucererenggac hania edeyunuec. Amma ye Moseac dedeseriyoac nga profete yeneac yoac, imoc osoma yenang negen negengngina wama Yesu negensinggegecdeac deireckeyemmeudeac ua meec. Ye asoacngoc hanahema ifi dema kecmanu ama toforeyemmeec.

1 Tesaronike 2:13

Anu ngenearu hama Anutuac yoac dekperagini negemma degec, “Imoc Anutuac yoac, imoc ngicyoac kpac.” Ifi dema yoara hoanggegec. Imocac amma neneng nasosoc Anutu dangge edekecdimbe. Anutuac yoac deing, yoara imoc fora yombong, imoc negensinggegec nga imocngo ubaherenginau uaya mekecde.

Yohaneac kpefing 2:29

Kedzahagoc yeng Asungo kpebung yoac edeyunude, imoc negembeso.”

Yohaneac kpefing 3:22

Kedzahagoc yeng Asungo kpebung yoac edeyunude, imoc negembeso.’ ”