Nehemia 7:3 - Deduamiti

³ Ifiac amma ni faiyuruma yofi dema edeyuruyai, “Odagareng yeni gareng kecgecde nga Yerusalaimgac nagungo ine heiheia nammanu wenac seriuguc nagu witibisia. Amma maraiac ifingoc nagu heima aiengngo faima kpetingnga meseribisia. Nga Yerusalaim manaunac ngic meisingyunuec yeneng gareng ua mebisia amma goa nanangngina dedea, imohai nanggec goango ine yenang amangina wegenac namma garenggegecdeac ifingoc edeyunubesera.”

Nehemia 7:3 Iomraidhean Croise

Nehemia 13:19

Ifi dema wenackiwango siroronggeu Sabata tatac naso mi ammanu Yerusalaimgac oda naguya heima mi witiwiti wagec nammanungoc Sabata tatac naso wisickeudeac edeyunuyai. Amma ni neanna ngicfocna goa faiyunuba Sabatau finac ebiria mi meenggecdeac gareng nanggec.

Nehemia 3:23

Ifi anggec Binyamin nga Hasub yeri amangira kiwaugeng oda imoc memengere anoc. Nga yereac ngadeu womongareng Adzaria ye Maseiaac medac Anania esea, yeng amea nobohau oda ifingoc mengereec.

Nehemia 7:2

Amma ni Yerusalaim taong garenggeecdeac ngic yohockang, neanna munana Hanani nga wasaingic yeneac kpekpeturang amatoa monggac dederecgengic Hanania yeri faiyuruyai. Nga ngicngac homac yenearunac Hanania ye Anutuac kicfu memaemema kengecgoc kekec, fakaya imocngo ngic goa homac feracyunnuec.

Nehemia 7:4

Yerusalaim taontoa sawea kuneng nga hereaherec yombong. Anu ngicngac efeanecngo kecgecac amma amagerecngina monggoc mi medzuacgecngoc.

Mitiyegec 127:1

Kebungo ama mi meudeu ngic yeneng uatoa mema ama mekecdae, imocngo memefihagoc mong mi anude, kpac. Kebungo amabangec mi garenggeudeu ama gareng yeni gaugbori anggec uangina sifu memefihagoc mi anude.

Mitiyegec 147:13

Ye taongga oda mengerema naguyaac aieng meseriu seria monggoc nanude. Yeng amaga manau medacfocga kenecyunuude.

Mataio 10:16

Negendae, rama yeneng katekasi yeneac botucfu kecdae, ni siriha imocacsoc suengunuduae. Imocac ngeni boidzoc isoc negen negentegecnginagoc kecbisia nga kebesac neng, yeni isoc manganangina kpac kecbisia.