Nehemia 7:2 - Deduamiti

² Amma ni Yerusalaim taong garenggeecdeac ngic yohockang, neanna munana Hanani nga wasaingic yeneac kpekpeturang amatoa monggac dederecgengic Hanania yeri faiyuruyai. Nga ngicngac homac yenearunac Hanania ye Anutuac kicfu memaemema kengecgoc kekec, fakaya imocngo ngic goa homac feracyunnuec.

Nehemia 7:2 Iomraidhean Croise

Fingec fingec 42:18

Anu uameme harebec ammanu Yosefngo yofi dema edeyunuec, “Ni Anutu eweheimianduae imocac ngeni kekecngina onggonggegecdeac yofi ambisia.

Nehemia 1:2

sactosofocna yenearunac mong kpara Hananingo Yehudanac ngicareng goa yenigoc hagec. Hagec neng Yehudaareng tosea witicuaunac woragec yeneac nga Yerusalaimgac dekpesi ifingoc ayemmeai.

Nehemia 10:23

Hotsea, Hanania, Hatsub,

Nehemia 13:13

Anu womonggareng Tselemia nga singyoaac kpoukpou Dzadok amma Lewiarennunac Pedaia yeneng yakaamaac gareng faiyunuyai. Amma Dzakurac medac Hanang, Mataniaac esea yeng marimeficngina kefudeac faiyai. Anu ngicngac yeneng yeni negeng ngereeyunugecac amma yeni semeng hendzicma Lewiareng ogofocngina yemmegecdeac faiyunuai.

Nehemia 2:8

Amma geng naric ichasaac gareng Asafac kibi mong ohonenna yeng Yerusalaimgac nagu sasawa imocac icsira nga nagu gareng yeneac ama seriaac ic amma neanna tacyac ambadeac amana imocac ifingoc nembeso.” Anu Anutunaac mariseriango nearu feecac amma ngictaungo kpesikpesinaac turunga merenec.

Nehemia 5:15

Nga warac gawana keceregec yeni ine ngicngac yenearunac waing nga semeng amma silwa dzo 40ac torokpema mema ngicngac ebic kuneng yemmekecgec. Amma yeneac uamedacfocngina yeneng ine ngicngacfocngina yenearu siric ifiugeng wangecyunugec. Nga neng faka ifia mi angang Anutuac kicfu kengec nga eweheiheigoc kefai.

Nehemia 7:3

Ifiac amma ni faiyuruma yofi dema edeyuruyai, “Odagareng yeni gareng kecgecde nga Yerusalaimgac nagungo ine heiheia nammanu wenac seriuguc nagu witibisia. Amma maraiac ifingoc nagu heima aiengngo faima kpetingnga meseribisia. Nga Yerusalaim manaunac ngic meisingyunuec yeneng gareng ua mebisia amma goa nanangngina dedea, imohai nanggec goango ine yenang amangina wegenac namma garenggegecdeac ifingoc edeyunubesera.”

Mitiyegec 101:6

Bangecnau yoac modac modac ngic nigoc kecgecdeac kicna yenearu fima negemba ngereeude. Mong ye kopocsiha kpac kecande, yeng neac kingang ngic amma uana mebeso.

Makekeng 18:21

Nga mong yofi, ge ngicngac sasawa yeneac botucfunac ngic yofia segereyunuma meisingyununa, ngic negen negentegec nga angammemengina gombunga feyemmede amma Anutuac damuyunude. Yoac edeyunugec imoc modacyombonggegecde nga goa yeneng wiac ikoc amma megec yeni imocac modzongina tiande. Ngic ifia meisingyunuma ngicngac yeneac enarafocngina faiyunubesena. Goa yeni ngicngac tauseng dafiguc garengyunubisia, goa yeni handred dafiguc yeneac gareng kecbisia nga goa yeni fifti dafiguc garengyunubisia amma goa yeni ten dafiguc yeneac enara kecbisia.

Danicel 6:4

Anu Danicel ye eucererenggac ua mekecfu eucererenggac ngickuneng tosea nga satrap yeni yofi negemma yeac uaya piti hennegeng angkecma degec, “Ye uaya gombunga mi meudeu ye yoacfu fainide.” Anu ye yoac modac modacngic yombong amma uaya mong mi memanganeec nga yeac uaac mongngo modzotitiyoac mong mi degecac ngic yeni yoacfu faigecdeac hania obohogec.

Bangec kisiu 12:7

Nga enactofoc tofohongicna Mose ye ifi mi ammianduae, ye amana hafoangoc imocac manau naric kecde.

Mataio 24:45

Wanacngic mongngo negen negentegehagoc kefec. Nga minginango ye wanacngic ogofora yeneac gareng amma yakangina nasoyau modacma yemmeudeac demiec.

Mataio 25:21

minginango yofi edeec, ‘Wanacngic gombunga yombong. Ge fakaga dindingac amma yoac modac modacfakaga soronga. Nga geng yoac modacma wiac kapia kpacgoc garenggedanggac wiac ebiriangoc garenggenadeac faigubade. Hana kunenggaac sogac sogaiu nerahafoc kecdede.’

1 Korinti 4:2

Ngic mong ye gareng ua mekecde, ye enaraac yoac modacma sing naric mi segebeso.

2 Timoteo 2:2

Ge nga ngicngac homac ngeni ngenahafoc yoacna negenggec. Yoac imoc ngic sing mi segeandae, yeneac mariu faina yeneng mitiu yadima ngicngac tosea torokpema edekpou ayemmegecde.