Nehemia 4:7 - Deduamiti

⁷ Anu neneng ine Yerusalaim oda monggoc mema titinga sasawa hedzickedacni Sanbalat nga Tobia, Arabareng, Amongareng amma Asodongic yeneng ine siduc imoc negemma herebu kuneng negenggec.

Nehemia 4:7 Iomraidhean Croise

Fingec fingec 3:15

Anu ni ge anggemba ngacac ngabaya annade nga ngac ye ifingoc geac ngabaga kefude. Amma geac fingecsahe yeni ngacac bangecfora yeneac ngabafocngina anggecde. Amma yeac bangecfora yeni geac fingecsahegaac ngabafocngina anggecde. Amma ye geac orucga tidzameu geng meremma hania kinade.”

Nehemia 2:10

Anu naso imohai Horoningic Sanbalat nga Among areng yeneac garengenara Tobia, yereng siduc yofi negenoc: Ngic goa yeneng Isracelareng meficyunugecdeac kendae ifi negemma herebacngira sicsauc anec.

Nehemia 2:19

Anu Horoningic Sanbalat nga Among arennunac garengenara Tobia amma Arabangic Gesem yeneng siduc imoc negemma deendema anemmema memanunuma yofi degec, “Ngeni imoc noc ua medae? Ngeni ngictauac here miac miac faka andae me?”

Nehemia 4:1

Naso imohai Sanbalatngo oda memengere aning, imocac siduc negemma herea buyombonggeu Yehudangic deendema anemmeec.

Nehemia 4:6

Anu neni heregoc seseemema ua meinggac amma naso mi hereemanu odango bic yombong dzongiau enec.

Nehemia 4:8

Negemma Yerusalaimnu hama nenigoc dzikac kpema ebic meficgegecdeac sasawango kpedzucnema yoac dedzege anggec.

Nehemia 6:16

Anu ngabafocnina sasawa nga bangec noboc noboc neneac wegenac tackenggec, yeni Anutuninango meficnunumanu oda medaring yeneng imoc negenggemma damuyunuu kerectegec anggec.

Amosi 1:13

Kebungo monggoc yofi dede: “Amongngo kopocsic homac yombong meficgema yengena bangec kpetea meyadiudeac Gilecad ngac herenginagoc kecgec yeneac godongngina hepusuckecgec, imocac amma mi onggonggebade.

Amosi 1:8

Ni Asidoac ngictau nga Askeronnu ngic merang yasu kapong mekecde, ye memanganebade. Amma marina miacba Ekerong kpefahakecmanu Perestia yeneac ngic wisic wisickea yeneng homedacgecde.” Kebungo ifi dede.

Amosi 3:9

Ngeni yoac yomoc Asido taonnu nga Aigita bangecfu amagerecngina seriau kecdae yenearu dekperagibisia. “Ngeni Samaria tikiu kpedzucnedacma Isracel ngicngac yenearu yare nga faka mangana fede, imoc hennegeng ambisia.”

Aposoro 5:33

Yoac ifi edeyunuu wosongina meu aposoro yunuhomegecdeac degec.

Yohaneac kpefing 12:17

Nedaru sekactoango ngacac amma herebu negemma kemma yeac arengfora tosea Anutuac singyoac modacma kecdae nga Yesu Kristoac dedekperagi mekecdae, yenearu dzikac kpeudeac kenec.