Nehemia 3:1 - Deduamiti

¹ Womonggarengtoa kpara Eriatsib, ye womonggareng ogofora goa yenigoc odanagu kpara Rama, oda imoc monggoc memengere anggecdeac oda imocac wegenahau kenggec, amma oda mengeregecsoc Kebuac mariu faigec. Faima imocac naguya sasawa mengeredacma oda torokpegec kemma, ngic handret yeneac kicfifi amaherec wegenahau geng kemma Hananelac kicfifiac amaherec imohai kensikeec.

Nehemia 3:1 Iomraidhean Croise

Nehemia 12:10

Yesuha ye Yoiakimgac mama nga Yoiakim ye Eriatsibiac mama, Eriatsibi ye Yoiadaac mama,

Nehemia 12:30

Anu womonggareng nga Lewiareng yeni yenang nasotoaac heitigogong meemegec. Amma ngicngac nga oda amma odanaguyasoc dzuacdzuac ua medacgec.

Nehemia 12:39

Kemma torokpema Efrayimgac Nagu witiau ferecgema, Yetsanataac Nagu, Kondungyang Nagu, Hananeac Amaherec nga Handeretac Amaherec amma Rama Nagu ferecgema nagu kpara Gareng imohai kengsikeing.

Nehemia 13:28

Womonggareng Eriatsibiac medac Yoiada, yeac medac mong ye Horoni yenearunac Sanbalatac kpegea anecac amma kporarai.

Nehemia 13:4

Yomoc mi fingecmanu womonggareng Eriatsibngo Anutuninaac seseac amamana nanec, imocac gareng kefudeac meisinggegec nga yeng ine Tobiagoc emenegengngira feecngoc.

Nehemia 3:20

Anu Dzabaiac medac Baruk yeng tuturunga imohacnac kucmamea kpac oda meu ferecgema womonggarengtoa Eriatsib, yeac amau engenggac nagu imohai kensikeec.

Nehemia 3:21

Meraimotngo Eriatsibac amanaguunaac torokpema memengere anu kemma womonggac oda wisickede ihai sikeec. Meraimot ye Uriaac medac nga Uria ye Hakosac medac.

Nehemia 3:32

Anu wiac golgoc meandae yeni nga emekpesingic yeneng oda dzongia wisic wisickeaac mana wigenggac tuturunga, imohacnac memengere anggec kemma Nagu kpara Rama imohai wisickeec.

Nehemia 6:1

Anu Arabngic amma ngabafocnina yeni neng oda memengere anai, imoc titinga mong mi nande nga nagusac mi faifaiya, yoac imocngo Sanbalat, Tobia nga Gesem yeneac kedzacfu kemeec.

Nehemia 7:1

Anu oda me-mengere uango wisickedaru nagu sasawa tatacnginau faidacma, odagareng nga yegec heiheingic amma Lewiareng yeni uayoac yemmeai.

Mitiyegec 30:1

Kebu ge keme kemeaunac tainuna ereduaac afegubade. Geng ngabafocna kpae heiyemmena yeneng neac amma ubangerec mi meficgebisia.

Mitiyegec 48:12

Ngeni Tsion yerecgema yeac odaac ama herec herec osoma kpetengina mebisia.

Danicel 9:25

Imocac amma ge yomoc negemma negentegecna, Yerusalaim ama monggoc mengere mebesonga yoac ifi fingec fingera erema Ngictaumedac kerecdokungo nadzicmimia yeng habeso ande, naso imoc yereac botucngirau sonda sewen nga sonda 62 anude. Naso imohai ebicnginagoc kecma taonnu sing gboria megecde amma ngaba yeneac kasoac dokuac sing keme kemea momoc usugecde.

Dzekarya 14:10

Amma Yerusalaim taong imoc nortbigengau Gewa taonnunac kengkecma Rimmon taonnu wisickebesande bangec imocngo tumiatoa fingecma febesande amma bumau tatahaungoc tacbesande. Amma imocac kpetea yofi febesande. Wenac ere ereaubigeng Benyaminggac hocodaac nagutoaunac kengkecma warac warac nagu ferecgema tuturunggaac naguu wenac keme kemeaubigennu kemma wisickebesande amma notfubigeng imoc Hananecelac amaherecfunac kengkecma sautfubigeng ngictauac waing tidzoc tidzohoac teng memea ihai wisickebesande.

Yohane 5:2

Emma Yerusaleng taonnu nagutoa mong kpara Ramaac nagu, imocac nobohau dzohong mong feec. Imoc hebiraio yoacfu Betesida deandae, imocac tegiau firangama 5 tackenec.