Wafilipi 4:8 - Dilagano Disha ku Wanhu wose

⁸ Kumalagisa, wandugusangu, simbuli sose se chawelu, simbuli sose se chogoho, simbuli sose sichaka koneligwa, simbuli sose selile, simbuli sose so uyendo, simbuli sose se ditunyo diswamu, inghowa kwina chinhu chochose cha kutunya, dogeni simbuli senele siso.

Wafilipi 4:8 Iomraidhean Croise

Matayo 22:16

Howotuma ukwakwe awefusa wawo hamwedu na Mahelodi, hawagamba, “Mwalimu, chimanya agweye kwa munhu wa chawelu ne injila ya Mulungu ukuifusa mu chawelu kahi nghukogoha ukulu we munhu wowose, kosoko nghukulanga sifuta sa wanhu.

Maluko 6:20

kosoko Helode yendeyomwogoha Yohana; hakamanya fina ni munhu we chawelu na musunhile, na hakamwika hanhu haswanu. Foyamuhuwile hakakisina lugano, kahi hakenda kumuhulikisa kwa chinyemi.

Luka 16:15

Ninga hakawagamba, “Anye nomukiyonesa kumwande ya wanhu, amba Imulungu kamanya imimoyo yenu, kosoko ikwinuligwa mugati ya wanhu ni lubeso kwe Mulungu.

Luka 2:25

Ugele wuwo akuya Yelusalemu hakuwa na munhu wa chelu na yekumogoha Mulungu, disina dyakwe Simioni. Yendeyogojela kwa nghwina uhonya wa Isilaeli. Hakalongosigwa ne Muhe Musunhile.

Luka 23:50

Hahowa na munhu disina dyakwe Yusufu kulawa mukaya ye Chiyahudi ya Alimataya. Hakowa yumwedu wa wasehe we dibalasa, munhu muswanu na muchawelu,

Yohana 7:18

Iyakulanga mu udaha wakwe imwecho yakuhananga kutunyigwa imwene, ninga ayuya iyakuhananga ditunyo dya yuya yamutumile, mugati yakwe mwechaka udasi.

Sinhenda 10:22

Awene howomubidula, Imukulu we chikosi cha wasilikali, Kolinelio; munhu muswanu, yakumogoha Mulungu na yakutunyigwa na Wayahudi wose, kachituma. Hakagambigwa na malaika Musunhile yakwinange ukaya ukwake uleke yategelese chochose chiwinacho cho kulonga.

Sinhenda 22:12

Uko hakuwa na munhu yakwinangigwa Ananiya, munhu yakumogoha Mulungu, yakwandamila malagiso getu, imwene yuyo hakowa munhu muswanu hakendigwa naWayahudi wose awekale uko,

Sinhenda 6:3

Kosoko iyo, wandugu setu, saguleni wanhu mufungate, awakoneka wanhu waswanu, wamemile Muhe na misungu, uleke chiwenghe u mulimo uwo.

Waloma 13:13

chigendeni kwa uswanu kifana wanhu wa hemisi, siyo kwa ukobo na ulefi wa gimbi, siyo kwa mbuli sihile na dihabwa, na kugomba na finju.

Waloma 13:3

Kosoko awakulongosa hawakutowa wanhu kosoko ya nhenda swanu, ninga sihile. Ukuhananga uwe munhu yechaka chogoho ne wasilikali? Golosa maswanu na kohokela ditunyo dyakwe;

Waloma 14:18

Kosoko iyakumutogomela Kilisito mugago, ayo kahokeligwa ne Mulungu na kufumiligwa na wanhu.

Waloma 2:29

iMuyahudi wa chawelu no yuya iMuyahudi kwa kugati, na dikumbi dye chawelu dyuwa mumoyo, ayi ni mbuli ya chimuhe na siyo mawandiko du. Uleke munhu yahokele ditunyo siyo kulawa kuwanhu, ninga kwe Mulungu.

1 Wakolinto 4:5

Amba nyeye munghalamule mbuli ugele usinati wije, mpaka yeje iMundewa, imwene kogamulika gafisigwe muchisa, na kogubula uwendo wa umoyo. Na chila munhu kohokela igeleko yakwe kwe Mulungu.

2 Wakolinto 13:7

Chikumutasa Mulungu munghadahe kugolosa wihi, siyo kosoko choneka fina chifulusa kusuma, ninga mugolose maswanu hata inghowa aseye chikoneka fina chisumwa.

2 Wakolinto 6:8

mu chogoho na kubesigwa ugele umonga wanhu wakuchitunya ugele umonga wakuchibesa. Wanhu wakuchilamula fina cha wadasi, ninga ugele wose chikulonga chawelu,

2 Wakolinto 8:18

Hamwedu naye chikumwigala imundugu setu iyasoweleke mumakanisa gose kosoko yo kuhubili mbuli swamu,

2 Wakolinto 8:21

Kosoko iniya yetu ikugolosa achiya ichiswamu siyo kwa Mulungu du, amba kwa wanhu nheifiya.

Wagalatiya 5:22

Ninga Dimudyo dye uMuhe we Mulungu nodi: Uwendo, ichinyemi, digoya, ufinyilisi, uunhu uswanu, kitasa, uchawelu,

Waefeso 4:25

Kulawa hambiya nhafi lekeni udasi kamei chila munhu yalonge ichawelu ne miyagwe, kosoko cha filungo chila chilungo chikuhuwila miyagwe.

Waefeso 5:9

(kosoko dimudyo dye ujelu dikoneka nadyo ni; uswanu, haki ne chawelu)

Waefeso 6:14

Hambiya mukwima nako imeni akuno mukifasa mukanda we ichawelu muchuno na kufala ngulo ye chuma ye chawelu muchifa,

Wafilipi 3:1

Kumalagisa, wandugusangu, bwedeleleni mwi Mundewa. Kuwawandikilani simbuli sisiya sonawandikile sikusoka kosoko sowatasa nyeye.

Wakolosai 4:5

Muwe wabala na wose awowile kunje, na kugolosela digoya ichigele chomwinghigwe.

1 Wasesalonike 4:12

uleke muwe wanhu waswanu kuwanhu woile kunje na uleke munghamwegamile munhu wowose.

1 Timoseyo 2:2

kosoko ya wandewa na wose awena udaha, uleke chikale mikalile ye toyoyo ye chimulungu ne migendele miswanu

1 Timoseyo 3:11

Awake sawo nawo, wowe wasindamafu, si wasigilaji, wanhu we digoya, wahuwiligwe musimbuli sose.

1 Timoseyo 3:4

Yowe iyekwimila inyumba yakwe fiswanu, iyamanyile kuwajama awanagwe wowe wasindamafu na chogoho mumikalile yose;

1 Timoseyo 4:12

Imunhu wowose yanghaubese ujelelo wako, ninga uwe chinhu cha kifusila kuwahuwile mu nonga na mumigendele na muwendo na mwihuwi na mumikalile miswanu.

1 Timoseyo 5:10

naye yowe kahomelelwa sinhenda siswanu, yanghowa kakusa wanagwe fiswanu, iyawagolosele ihewa wageni, yanghowa kawanasha wasunhile migulu, yanghowa kawatasa awekudumangiswa, kahi iyakilafile kugolosa sinhenda siswanu.

1 Timoseyo 5:2

awadala kifana wang'inasako, awanawake wadodo kifana welumbuso muuya wose.

Tito 1:8

ninga yowe mundewa, iyekwenda uswanu, iyekiimila imwenyecho;

Tito 2:14

iyakilafa imwenyecho kosoko yetu kuchihula seye kulawa mu wihi wose na kisunhila imwenyecho wanhu wakwe awekupiligala musinhenda siswanu.

Tito 2:2

Uwalagise awasehe wanghowe na makulu, ninga wowe wasindamafu, wowe na mahala, womi mwihuwi na muuwendo na mungojela.

Tito 2:7

Kiyonese gomwenyecho musimbuli sose chinhu cha kifusila sinhenda siswanu, kahi mumafuso gako yonesa uchawelu na usito,

Tito 3:14

Leka awanhu wetu wefuse kusigala musinhenda siswanu, wadahe kuwatasa awechaka ichawelu, wanghaleke kulela mamudyo maswanu.

Waebulaniya 11:2

kosoko kwa didyo awanhu wa katali hawafumiligwa ne Mulungu.

Waebulaniya 13:18

Chitasileni; chimanya fina china fidoga fiswanu, chikuhananga kuwa na migendele miswanu kusimbuli sose.

Yakobo 1:27

Idini iswanu iichaka dilema hamwende ye Mulungu Baba no iyino: Kuwalangilila yatima na wegane mungaya yao na kinega na wihi we chilunga.

Yakobo 3:17

Ninga ubala uwukulawa kuchanhya, bosi ni swanu, kahi ni wa digoya, wa uholo, tayali kutegelesa simhuli sa wanhu, wina ubasi na mamudyo maswanu, wichaka, finju, wichaka unafiki.

1 Petulo 1:22

Hambiya musunhigwa fidoga fyenu kwa njila ya kuhulika kwenu ichawelu kwa wendo mujelu we chindugu, kiyendeni nyenye kwa nyenye kwa moyo mujelu.

1 Petulo 2:12

Muwe na igendele miswanu mugati ya wamembe uleke inghowa wakulonga gehile muchanhya yenu, fowakona sinhenda senu siswanu wamutunye Mulungu mwijuwa dyo kwija kwakwe Mundewa.

1 Petulo 4:8

Kwa kongesa mwikale muwendo kiyendeni nyeye kwa nyenye, kosoko uwendo ukugubika masambi mengi.

2 Petulo 3:1

Aino hambiya, no baluwa ya keli yonimwandikilileni wendigwa, na musose simbili nikwinusa misungu yenu kwa kuwagelegesa;

1 Yohana 3:18

Wana wadodogi, chinghende kwa kulonga kwa mulomo du, ninaga kwa nhenda na kwa chawelu.

1 Yohana 3:3

Na wose awena dihuwi dino umwakwe wakisunha awenyecho, fina imwene fonimusunhile.

1 Yohana 4:1

Wendigwa, munghamuhuwile chila muhe, ninga igeseni imimuhe, kona nghona ni ya Mulungu; kosoko wagonesi wengi wo udasi wenela muchilunga.