Wafilipi 3:9 - Dilagano Disha ku Wanhu wose

⁹ na koneka mwe imwene, nechaka chawelu yangu nimwenyecho, iikupatigwa kwa kwandamila sheliya, ninga iikupatigwa kwa kumuhuwila Kilisito, ichawelu iikulawa kwe Mulungu iihuwile dihuwi;

Wafilipi 3:9 Iomraidhean Croise

Matayo 9:13

Ninga luteni mukakifuse isoko ye simbuli sino: “Nikuhananga ubasi, ninga si igelo. Kosoko sijile nikwinanga awanhu awaswamu, ninga awena uwihi.”

Waloma 1:17

Kosoko kwa iyo ichawelu ye Mulungu igubuligwa kugendela dihuwi kwa dihuwi fina foitulumigwe kugamba; “Imuchawelu kokwikala kwa kulokela dihuwi.”

Waloma 10:10

Kosoko kwa moyo munhu yakuhuwila na kupata ichawelu, na kwa mulomo yakulamba na kuhonyigwa.

Waloma 16:7

Mulamuseni kahi na Aduloniko na Juliya, awano hawowa na niye kuchifungo, ni wanhu wamanyike lugano mugati ya watumigwa, nawo hawanilongolela kuwa mugati ya Kilisito.

Waloma 5:21

uleke kifana, wihi foukulongosa mudifa, nheifo dihewa nadyo dilongose mukutaliligwa chawelu, kwingila kuwumi wa majuwa gose kulokela Yesu Kilisito Mundewa wetu.

Waloma 8:1

Hambiya hechaka uliganiso kwa waya woile mugati ya Kilisito Yesu.

Waloma 8:3

Kosoko Mulungu kagolosa gahunguligwe ne dilagiso kosoko ye umutufi we chimunhu kwa njila ya kumwigala Mwanagwe imwecho kwa futa ya uunhu une wihi uleke yauleuse wihi na kuuliganisa chimutufi.

1 Wakolinto 1:30

Mulungu kenda ugima wetu uwe hamwedu na Kilisito Yesu, na kupulutila Yesu hachingha ubala wakwe. Imulungu kachisunha, na kwa njila ya Kilisito chigaluka wanhu wakwe wasaguligwe na kachileusa wihi.

2 Wakolinto 5:17

Kosoko yo nghona yumonga yowile mu Kilisito, ni chumbigwe kasha, gakatali gapuluta langa! Amasha geja.

2 Wakolinto 5:21

Kilisito nghowile na wihi, ninga kosoko yetu Mulungu kamugolosa yahange uwihi wetu, na kosoko yo chidahe hamwedu naye kuhanga uchawelu we Mulungu.

Wagalatiya 2:16

Kahi wamanyile fina imunhu nghekulaliligwanhenda sa chawelu kosoko yasinhenda sa malogiso ninga kosoko ya dihuwi mu Yesu Kilisito, hata na seye chihuwila mu Kilisito uleke chiteliligwe ichawelu kwa dihuwi mu Yesu, ninga si kwa sinhenda sa Malagiso, kosoko kwa sinhenda sa malagiso hechaka munhu wowose yakudaha kutaliligwa fina kena nhenda sa chewelu.

Wafilipi 3:6

kunyituma nadidumangisage dikanisa, muchawelu ye itolati hanyuwa namunjelu. Ninga amabuli gose gonyonage gena faida ukwangu, hanigawala hasala kosoko ya Kilisito.

2 Timoseyo 1:9

iyachihonya seye na kuchinanga seye mu lwinango umusunhile, siyo kosoko ya sinhenda setu, amba kwasoko yo uwendo wakwe ne simboto soyachingha seye mugati ya Kilisito Yesu minyaka itewe iilongole.

Tito 3:5

hakachihonya seye, si kwa sinhenda setu, so uchawelu sochigolose, ninga kwa ubasi wakwe, kwa kusunhwa kwa kwelekigwa keli na kugoloswa usha ne Muhe Musunhile;

Waebulaniya 6:18

uleke kwa finhu fili ifisikudaha kubiduka mufifyo Mulungu nghodaha kulonga udasi, uleke aseye chibilimile chuwe na ludole lukangale kudikola dihuwi dikigwe hamwande yetu.

Yakobo 3:2

Kosoko chose chikugolosa matoso mengi, na inghowa hechaka munhu yakulosa matoso munonga yakwe, ayo ni munhu yaliganile, iyekudaha kisisa umutufi wakwe.

2 Petulo 1:1

Simoni Petulo imutumwa na Mutumigwa wa Yesu Kilisito, kuwose wena dihuwi fina idyetu duwile muchawelu ye Mulungu wetu ne Mundewa wetu Yesu Kilisito:

1 Yohana 3:4

Chila munhu yakugolosa wihi yakubana amalagiso ge Mulungu; uwihi ni kuleka kwandamila amalagiso.