Wafilipi 3:10 - Dilagano Disha ku Wanhu wose

¹⁰ uleke nimumanye imwene na uludole wo kwinuka kwakwe muchilalo, na ulugota wa magayo gakwe, na kuliganiswa ne difa yakwe,

Wafilipi 3:10 Iomraidhean Croise

Matayo 20:23

Hoyowagamba, “Chawelu mokunywila ichikombe changu; ninga kwikala umukono wangu wo kulume na mukono wangu wo kumoso, nechaka udaha wa kuwengha, ninga wakwinghigwa wekiligwe ne Babangu.”

Yohana 10:18

Hachaka munhu yekudaha kunihoka, ninga nina udaha wa kuulafa, na kuulonda hahi; dilagiso dino nidihokela kulawa kwa Baba.”

Yohana 17:3

Na uno no uwumi wa majuwa gose, fina wakumanye gweye go Mulungu yumwedu we chawelu ne Yesu Kilisito imwene wo umutumile.

Waloma 8:17

na inghowa cha wana kahi cha wahasi, wahasi we Mulungu hamwedu na Kilisito, inghowa chikusambasika ni uleke chije chitunyigwe hamwedu na imwene.

Waloma 8:29

Kosoko awaya yawamanyile kulawa katali, hakawasagula, wowe futa kifana ye Mwanagwe, uleke yowe Nghulahanju mugati ya wandugu wengi.

Waloma 8:36

Fina foitulumigwe kugamba, “Kosoko yako chikukomigwa chilo na misi; chikoneka kifana ngholo sa kuchinjigwa.”

2 Wakolinto 1:10

imwene hakachihonya kulawa muhatali inghulu ye difa, na kuchihonya, mwi mwene chika dihuwi dyetu fina kochihonya keli.

2 Wakolinto 1:5

Kosoko fina amagayo ga Kilisito fogekongeseka; no nhaifo chikuhosigwa lugano ne imwene.

2 Wakolinto 13:4

Kosoko awanhu hawamukoma kwa kumutungika mumusalaba kosoko yo kuleka kuwa na ludole, ninga hambiya yakwikala kwe ludole lwe Mulungu. Kosoko nichaka ludole kwi mwene, amba ukenu nogendelela kuwa hamwedu naye kwa udaha we Mulungu.

Wagalatiya 2:20

Nisambasigwa hamwedu na Kilisito kahi siniye ni mumi ninga Kilisito no mumi mugati yangu. Na uumi wo ninawo hambiya mumutufi, ninawo mwihuwi dye mwana we Mulungu, imwene yanyendile na kulafa chidoga chakwe kosoko yangu.

Wagalatiya 6:17

Nikumalagisa kwa Kugamba: Kukongela hambiya nhafi munhu yanghanidase, fina nikulonda lubonoto lwa Yesu mumutufi wangu.

Waefeso 4:13

mpaka chose fochikuhokela umwedu we dihuwi na umanyi we Mwana we Mulungu na kukula kuunhu we chipimo che disika dye umememelesi wa Kilisito;

Wafilipi 3:8

Chawelu nikugatala amabuli gose kefana hasala kosoko yo uswamu wichaka muliganyo wo kumumanya Kilisito Yesu Mundewa wangu. Kosoko yakwe mhata hasala ya mabuli gose, nikugatala kefana chinhu chilemigwe uleke nimupate Kilisito

Wakolosai 1:24

Hambiya nina chinyemi mu magayo goninago kosoko yenu; kahe nikugamemelesa mumutufi wangu amagayo agahunguke mumutufi wa Kilisito, kosoko yo umutufi wakwe, dikanisa,

Wakolosai 2:13

Nanye fomofile muwihi kuleka kufinigwa mumitufi yenu, hakawagolosa mwawomi hamwedu naye foyamalile kuchilekelela uwihi wetu wose;

Wakolosai 3:1

Hambiya halika mwinuka muchilalo hamwedu na Kilisito, galangiseni agowile kuchanhya, koyowile Kilisito, kekala ku mukono wo kulume we Mulungu.

1 Petulo 1:3

Yatunyigwe Mulungu Baba we Mundewa wetu Yesu Kilisito! Iyacheleke lwa keli kwa kuchonela ubasi lugano uleke chuwe na ihuwi dine uumi wo kulawa kwakwe Yesu Kilisito muchilalo,

2 Petulo 1:13

Nani nikona fiswanu, muchigele nuwile mumutufi uno kuwagelegesa,

1 Yohana 2:3

Kwa njila ino chikuwa fina chawelu chimumanya, nghona chikolile amalagiso gakwe.

1 Yohana 2:5

ninga iyekogoha imbuli yakwe, chawelu mwi munhu yuno uwendo we Mungu umemelekela. Kwa nheifo chikumanya chawelu fina chuwa umwakwe.

Ugubulo 1:18

na ni mumu. Hanyufa, na langa, Namumi sakalakale, na nenaso sifunguo se Difa na se Kusimu.