Wafilipi 2:8 - Dilagano Disha ku Wanhu wose

⁸ Kahe foyoneke kena futa ya munhu, hakakidulisa na kuwa muholo hata mwifa, mwifa dyo musalaba.

Wafilipi 2:8 Iomraidhean Croise

Matayo 17:2

Hakabiduka ichihanga chakwe, kumwande yawo, ichihanga chakwe hachikonga kwakaika fina dijuwa.

Matayo 26:39

Hakaluta kumwande chidodogi, na kugwa chifunhifunhi, hoyotasa, yakugamba, “Baba, inghadahika, unileusile ichikombe chino cha magayo dino! Ninga si fina fonikuhananga niye, ninga foukuhananga agweye.”

Matayo 26:42

Hakaluta kahi, keli, yakutasa, yakugamba, “Baba nghonaga isikudahika kunileusila ichikombe chino cha magayo, ninghachunywe, foukwenda gweye nofoyuwe.”

Luka 9:29

Ugele woyatasage inyoneka ye chihanga chakwe haibiduka na sisuke sakwe hosikwakaika swee!

Yohana 10:18

Hachaka munhu yekudaha kunihoka, ninga nina udaha wa kuulafa, na kuulonda hahi; dilagiso dino nidihokela kulawa kwa Baba.”

Yohana 14:31

ninga nikugolosa fina iBaba foyanilagise, uleke ichilunga chimanye fina nikumwenda iBaba. Inukeni, chigendeni kuya.”

Yohana 15:10

Munghagakola amalagiso gangu, mwukwenda mugendelele kwikala mu wendo wangu, fina niye fonikolile amalagiso ga Baba na kwikala mu wendo wakwe.

Yohana 4:34

Yesu kawagamba, “I chakudiya changu ni kugolosa ifyene foyakwenda ayuya yanitumile, na kumalagisa ikasi yakwe.

Sinhenda 8:33

Hakagumigwa chinyala na koneligwa. Hachaka yakudaha kulonga muchanhya ye cheleko chakwe, kosoko uumi wakwe ulewusigwa muchilunga. Imwene naye nghalafile dijwi dyakwe hata chidodogi.

Waloma 5:19

Kosoko ya kuleka kuwa na chogoho kwe munhu yumwedu wengi hawagolosa wihi, nheifiya kosoko ya chogoho cha munhu yumwedu wengi wokuwa wachawelu.

2 Wakolinto 8:9

Kosoko mumanya dihewa dye Mundewa wetu Yesu Kilisito, mugoli fina foyowile, kosoko yenu hakegolosa mukiwa, kosoko yawagolose wagoli kwa ukiwa wakwe.

Wagalatiya 3:13

Ninga kwa kugoloseka kuwa iligito iKilisito kachilegusa seye kulawa mwiligito, ligito dikwigaligwa ne malagiso; kosoko matulumo gagamba fina, Kaligitisigwa ne Mulungu imunhu yatungikigwe mwibiki.

Tito 2:14

iyakilafa imwenyecho kosoko yetu kuchihula seye kulawa mu wihi wose na kisunhila imwenyecho wanhu wakwe awekupiligala musinhenda siswanu.

Waebulaniya 12:2

Chimulangisise lugano Yesu, wochichimwikile duhuwi dyetun kulawa ngonga na ku ndumiliso, imwene hakaufinyilisa umusalaba kosoko ye chinyemi ichikigwe kumwande yakwe na kubesa ichinyala, naye kekala mukono wa kulume wa digoda dye ditunyo dye Mulungu.

Waebulaniya 12:4

Muupiligasi wenu kosoko yo wihi simukitowile hata kwitila sakame.

1 Petulo 2:24

Imwene imwecho hakenula sisambi setu mumutufi wakwe mumusalaba, uleke chufe musisambi na chuwe womi munhenda swanu. Kwa kutoigwa kwakwe anye muhona.

1 Petulo 3:18

Soko Kilisito naye hakofa lumwedu du soko ya sambi, iyechaka wihi kosoko ya wene wihi uleke yachigale kwe Mulung, hakofa chimutufi ninga mumi chimuhe.