Wafilipi 2:12 - Dilagano Disha ku Wanhu wose

¹² Hambiya, wendigwa wangu, fina amajuwa gose fomugendelele kuwa na moyo wa chogoho, siyo ichigele chonyowile nanyeye du, amba hambiya lugano ichigele chosuwile nanye, togomeni kwa kogoha na kutetema kosoko yo uhonya wenu;

Wafilipi 2:12 Iomraidhean Croise

Matayo 11:12

Kulawa ugele wa Yohana Mubatisaji mpaka hambiya undewa wa kulanga ukulondigwa kwa ludole, nawo awena ludole wakuwulonda.

Matayo 11:29

Faleni umugwato, mukifuse ukwangu; kosoko niye na muholo munhu we digoya dye chidoga, nanye mukwenda muwe na kubwihila mufidoga fyenu.

Sinhenda 16:29

Yakamale kumwinanga munhu yegale taa aye msilikali hoyobilimila kugati, hoyokugwa hasi ha migulu ya Paulo na Sila akuno yakutetema kwa chogoho.

Sinhenda 9:6

Ninga hambiya Inuka, wingile mukaya, na uko ukwende utamiligwe dyokugolosa.

Waloma 2:7

Kuwanya awakufinyilisa mukugolosa maswanu wahananga kumutunya Mulungu na kumogoha na kowengha uumi wa majuwa gose;

1 Wakolinto 15:58

Kosoko yo Wakilisito wendigwa wangu, mwime nghwingwingwi na munghasingisike, mugendelele kukonya mu mulimo we Mundewa, mumanye fina mwe Mundewa, imilimo yenu siyo ya chaka.

1 Wakolinto 2:3

Fonejile ukwenu hanyuwa nichaka ludole na hanyijiligwa na chogoho,

1 Wakolinto 4:14

Sikuwandikila gano soko ya kuwaguma chinyala, amba ni soko ya kuwafunda fina wanangu wendigwa wangu.

2 Wakolinto 7:15

Tito yakumwendani lugano anyeye mose, fina foyakugelegela ichogoho chenu mose, fomwamuhokele kwa chogoho na kuchichima.

Waefeso 6:5

Anye muwatumwa wahulikeni awandewa wenu we chilunga kwa kogoha na kuchichima kwa chidoga chose fina fomukumugolosela Kilisito;

Wafilipi 1:27

Ninga sinhenda senu suwe kifana Imbuli swanu ya Kilisito foikulagisa, uleke ningheja na kumonani anyeye, kahi nghona sijile, nihulike sinhenda senu, fina mwima ngwingwingwi mu Muhe yumwedu, na chidoga chimwedu kosoko ye dihuwi dye imbuli swanu,

Wafilipi 1:29

Kosoko mwinghigwa anyeye kosoko ya Kilisito si kumuhuwila du, ninga na kudumangiswa kosoko yakwe,

Wafilipi 1:5

nikulumba kosoko ya ulugota lwenu mung'endelesa imbuli swanu kulawa dijuwa dya bosi mpaka hambiya.

Wafilipi 1:6

Na dyonihuwile fina chawelu nodino, iyakongese umulimo umuswamu mumimoyo yenu kowigala ku ndumiliso hata mwijuwa dya Yesu Kilisito.

Wafilipi 2:19

Mundewa Yesu yanghenda, nikuhuwila kumutuma Timoseyo ukwenu chimwande, nidahe kugumigwa moyo nani ne simbuli se inyuwa yenu.

Wafilipi 4:1

Hambiya, wandugusangu, wonikumwendani na kumonelani ngwina, inyemo yangu ne nghofiya yangu, gendeleleni kwima ngwingwingwimwe Mundewa wendigwa wangu.

Wafilipi 4:15

Kahe anyeye mo Wafilipi mowenyecho mumanya fina mu nghonga ye Injili, fonaleguke Makedoniya, hasowile na ikanisa dingi idyowile hamwedu nani mu ndafa na kuhokela ninga anyeye mwiwene;

1 Wasesalonike 1:3

Ninga chikugelegela dihuwi ne milimo yenu ye uwendo kamei na kufinyilisa kwenu ne dihuwilo dyenu mwiMundewa wetu Yesu Kilisito.

2 Timoseyo 2:10

Kosoko iyo nikufinyilisa simbuli sose, kosoko ya wanu wasagulwe, uleke nawo wapate uhonya uwuwile mugati ya Kilisito.

Waebulaniya 12:1

Hambiya, kosoko chisungulutigwa na ifunde ikulu dya wahomelesi, chike hanghanda chila ikanda isito, na idikuchikindisa chimwande, kahi chibilime munyisuma iya ikigwe hamwande yetu.

Waebulaniya 4:1

Hambiya kosoko dihuwilo dyo kwingila muchinyemi chakwe dinghali baho, chogohe uleke yanghowe yumwedu wenu yaliganiswe kosoko ya kusuma kudifikila.

Waebulaniya 4:11

Lekeni hambiya chipiligale chingile kuubwihilo uya, uleke hanghowe na yumwedu wetu yogwe kosoko yo ufuti uno.

Waebulaniya 5:9

naye foyakangasigwe hakagaluka chotoko cha uhonya wa majuwa gose kuwose awekumuhulika,

1 Petulo 2:11

Wandugu sangu nikuwatasani nyeye muwageni na wagendaji mwikale kutali ne sinhenda so umelo wo mutufi isikulemana na chidoga.

2 Petulo 3:18

Ninga kulileni mwihewa na umanyi we Mundewa wetu ne Muhonya Yesu Kilisito. Ukwakwe kuwe itunyo hambiya na majuwa gose. Hano.