Wafilipi 2:1 - Dilagano Disha ku Wanhu wose

¹ Hambiya inghowa kwina sindamiko yoyose mugati ya Kilisito, ganghowa baho mahoso gogose ga wendo, unghowa baho lugota wowose we Muhe, nghona kwina ndekelela yoyose no ubasi,

Wafilipi 2:1 Iomraidhean Croise

Luka 2:25

Ugele wuwo akuya Yelusalemu hakuwa na munhu wa chelu na yekumogoha Mulungu, disina dyakwe Simioni. Yendeyogojela kwa nghwina uhonya wa Isilaeli. Hakalongosigwa ne Muhe Musunhile.

Yohana 14:18

Sikumulekani mwi wemwene; mukumwijilani.

Yohana 14:27

“Digoya nikumulekelani; digoya dyangu nikumwinghani; sifina ichilunga fochikulafa; aniye nikumwinghani fidoga fyenu finghedasike, kahi finghogohe.

Yohana 17:13

Ninga hambiya nikwija ukwako; na simbuli sino nikusilonga muchilunga, uleke ichinyemi changu chimemelesigwe mugati yako.

Sinhenda 2:46

Na chila ijuwa hawagendelela kitang'anyila mwihekalu kwa moyo umwedu na mega umukate musinyumba sawo, wakudiya chakudiya chawo kwa chinyemi na kwa moyo mujelu,

Sinhenda 4:32

Na awanhu awahuwile hawowa na moyo umwedu na chidoga chimwedu; hachaka munhu wowose yagambile fina ichinhu chochose cho yenacho ni mali yakwe imwecho; ninga hawowa ne finhu fyose muhangi;

Waloma 5:5

na dihuwi hadikudaha kumuleka munhu, kosoko wendo lwe Mulungu witiligwa mumimoyo yetu kwa njila ya Muhe Musunhile wochinghigwe.

Waloma 8:26

No nheifo na Muhe naye yakuchitasa mukuhungukiligwa kwetu; kosoko chisidahile kutasa ifene fo ikuhanangigwa, ninga Muhe imwecho yakuchitasila mbuli nghugutu na hata kwa kulila.

1 Wakolinto 12:13

Kosoko kwa Muhe yumwedu wose hachibatisigwa mu mutufi umwedu, chuwe Wayahudi ama Wayunani, watumwa ama walekeleligwe, na wose hachigoloseka chung'we mu Muhe yumwedu.

1 Wakolinto 15:31

Wakililito wayangu, nikudikabili difa chila ijuwa! Inyiyona yoninayo ukwenu, munyikala yetu hamwedu na Kilisito Yesu Mundewa wetu, ikunigolosa niye nhyanjase imbuli ayi.

1 Wakolinto 3:16

Musimanyile fina nyeye mwa dihekalu dye Mulungu kahi Muhe we Mulungu yakwikala ukwenu?

2 Wakolinto 2:14

Ninga malumbo kwe Mulungu, iyakuchilongosa majuwa gose ku nhambo yo usumi wa Kilisito, na kupulutila ukwetu yakwenesa uchawelu wa Kilisito fina mhungile swanuchila hanhu.

Wagalatiya 4:6

Na kosoko nyeye mwa wana wakwe, Mulungu hakamutuma Muhe we Mwanagwe kufidoga fyetu iyakulila Aba! Agwe Baba.

Wagalatiya 5:22

Ninga Dimudyo dye uMuhe we Mulungu nodi: Uwendo, ichinyemi, digoya, ufinyilisi, uunhu uswanu, kitasa, uchawelu,

Waefeso 4:4

Kwina mutufi umwedu na Muhe nawo umwedu, kifana fomwinangigwe chila munhu mwihuwi dimwedu dye lwinango lwenu,

Wafilipi 1:8

Kosoko iMulungu no muhomelesi wangu, ifene fonikumonelani nghwina anyeye mose muwendo wakwe Kilisito Yesu.

Wafilipi 3:3

Kosoko aseye chawalami we chawelu, ichikumufuga Mulungu mu muye, ne ditunyo dya Kilisito Yesu, na wanhu wesikihuwisila simbuli se chimutufi.

Wakolosai 2:2

uleke wahongesigwe mufidoga fyao, wakuhanganisigwa na uwendo, wakapate ugoli wose wa kumanya kwa chawelu, wamanye imbuli ifisigwe ye Mulungu na Kilisito imwenyecho,

Wakolosai 3:12

Hambiya, kosoko mugaluka wanhu musaguligwe ne Mulungu, wasunhile umukwendigwa, faleni moyo wa ubasi, uswamu, unenenghesi, chogoho, uholo, na ufinyilisi,

Waebulaniya 6:18

uleke kwa finhu fili ifisikudaha kubiduka mufifyo Mulungu nghodaha kulonga udasi, uleke aseye chibilimile chuwe na ludole lukangale kudikola dihuwi dikigwe hamwande yetu.

1 Petulo 1:2

awasaguligwe na kumanyigwa na Mulungu Baba na kusunhigwa na Muhe uleke wamuhulike Yesu Kilisito na kutwekeseligwa sakame yakwe: Mboto ne dihewa dimemelekele nanye.

1 Yohana 3:24

Wose awakwandamila malagiso gakwe, wakwikala mugati yakwe, na imwene naye mugati yawo. Kwa njila iyo chimanya fina yakwikala mugati yetu, kwa njila ya Muhe woyachinghile.

1 Yohana 4:12

Kwichaka munhu yamonile Mulungu; chinghakiyenda, iMulungu yakwikala kugati yetu na uwendo wakwe ukumemelekela umwetu.

1 Yohana 4:16

Hambiya chimanya na kuhuwila uwendo woyenawo iMulungu ukwetu. Mulungu ni wendo, na yuya iyakwikala mu wendo yakwikala mwi Mulungu na iMulungu yakwikala mugati yakwe.