Wafilipi 1:9 - Dilagano Disha ku Wanhu wose

⁹ Diwombi dyangu nodino, uwendo wenu wongesekele kahi lugano, muumanyi ne misungu yose,

Wafilipi 1:9 Iomraidhean Croise

1 Wakolinto 14:20

Wakilisito wayangu, munghowe wanike mumadoga genu, muwe wana ku uwihi, amba mumadoga mukule.

2 Wakolinto 8:7

Mwina ugoli wa chila chinhu, mu dihuwi, udaha wo kulinga, umanyi, inghonya yose yakugolosa amaswanu, na uwendo wenu ukwetu kosoko mudihewa adi mudahe kupulutisa nheifiya.

Waefeso 5:17

Ninga munghowe wabwalasi bali tangeni agaya Mundewa goyakwenda.

Wakolosai 1:9

Kosoko yiyo, kukongela dijuwa dyochawahulike, chisilekile kumutasilani, kumutasa iMulungu yamumemeseni umanyi we isinhenda sakwe, no ubala womukwinghigwa ne Muhe wakwe.

Wakolosai 3:10

na kuufala uunhu musha, uukugolosigwa musha noho upate umanyi kifana imwenyecho iyawombile.

1 Wasesalonike 3:12

Mundewa yawongese na kuwamemelesa uwendo wakwe nyenye kwa nyenye na kwa wose, kifana seye fochimemile wendo ukwenu.

1 Wasesalonike 4:1

Hambiya ichisigale wandugu sangu chikuwatasani dedede mwisina dye Mundewa Yesu kifana fomukifusile kulawa ukwetu fina mukonye kwikala imikalile iyo ikumubwedesa Mulungu.

2 Wasesalonike 1:3

Chikulumba Mulungu majuwa gose kosoko yenu, wandugu setu kosoko dihuwi dyenu dikukula lugano na fina wendo we chila munhu ne miyagwe ukugendelela.

Filemoni 1:6

Kahi nikutasa fina uumwedu wochinawo mwihui dyako dyongesele udaha wo kumanya maswanu gose muumi wetu mundugusangu mugati ya Kilisito.

Waebulaniya 5:14

Ninga chakudiya chigugutu ni cha wakulu wagima, kosoko wose awene imisungu wakudaha kusagula diswanu na dihile.

1 Petulo 1:22

Hambiya musunhigwa fidoga fyenu kwa njila ya kuhulika kwenu ichawelu kwa wendo mujelu we chindugu, kiyendeni nyenye kwa nyenye kwa moyo mujelu.

2 Petulo 3:18

Ninga kulileni mwihewa na umanyi we Mundewa wetu ne Muhonya Yesu Kilisito. Ukwakwe kuwe itunyo hambiya na majuwa gose. Hano.