Wafilipi 1:27 - Dilagano Disha ku Wanhu wose

²⁷ Ninga sinhenda senu suwe kifana Imbuli swanu ya Kilisito foikulagisa, uleke ningheja na kumonani anyeye, kahi nghona sijile, nihulike sinhenda senu, fina mwima ngwingwingwi mu Muhe yumwedu, na chidoga chimwedu kosoko ye dihuwi dye imbuli swanu,

Wafilipi 1:27 Iomraidhean Croise

Matayo 12:25

Kamei Yesu yakamanye fowakudoga, yawagamba, “Chila undewa ukigawile uwecho kwa uwecho, ukwenda ubanike; na kwachaka kaya iikitemanula iyenyecho ikudaha kwima.

Sinhenda 2:46

Na chila ijuwa hawagendelela kitang'anyila mwihekalu kwa moyo umwedu na mega umukate musinyumba sawo, wakudiya chakudiya chawo kwa chinyemi na kwa moyo mujelu,

Sinhenda 24:24

Gakaloke majuwa makefu, Felisi hoyofika hamwedu ne muke Dlusila, yowile Muyahudi. Holagisa Paulo yegaligwe, hoyomutegelesa yakulonga muchanhya ya kumuhuwila Yesu Kilisito.

Sinhenda 4:32

Na awanhu awahuwile hawowa na moyo umwedu na chidoga chimwedu; hachaka munhu wowose yagambile fina ichinhu chochose cho yenacho ni mali yakwe imwecho; ninga hawowa ne finhu fyose muhangi;

Waloma 1:16

Kosoko sikuyonela chinyala Imbuli swanu; ni ludole lwa Mulungu kwa uhonya wa chila munhu yene dihuwi, kwa Muyahudi kunghonga na kahi kwa Muyunani.

Waloma 1:5

kulokela imwene chihokela dihewa, na utumigwa wo kwigala habehi ichihuliko che dihuwi mugati ya wose Amataifa kosoko ye disina dyakwe,

Waloma 1:9

kosoko iMulungu no muhomesi wangu, wonikumutogomela hamwedu ne muhe kwa kutamila imbuli swanu ye Mwanagwe, bila kuleka nigendelela kuwagelegela kwa kuwatasilani majuwa gose munhasa yangu,

Waloma 10:8

Ninga igambigwaki? “Imbuli yahabehi nagwe, mumilomo yako na mumoyo wako.” (nong'amba, imbuli aiya ye dihuwi yochikutagusa);

Waloma 15:16

kuwa mutogomi wa Kilisito Yesu Kuwamembe muutambiki nimugolosele milimo imbuli swanu ye Mulungu, uleke filafwa fya Wamembe fidahe kuhokeligwa, kwa kutambikiligwa na Muhe Musunhile.

Waloma 15:29

Nani nimanya fina ningheja ukwenu nokwija na umemelesi wose we simboto sa Kilisito.

1 Wakolinto 1:10

Dededeni wandugu sangu nikumutasani mwisina dya Mundewa wetu Yesu Kilisito, mwifumilise kwa gaya gomukulonga na kunghowe na matemanuko mugati yenu, ninga wandugu sangu.

1 Wakolinto 15:58

Kosoko yo Wakilisito wendigwa wangu, mwime nghwingwingwi na munghasingisike, mugendelele kukonya mu mulimo we Mundewa, mumanye fina mwe Mundewa, imilimo yenu siyo ya chaka.

2 Wakolinto 13:11

Hambiya lekeni nimalagise ibaluwa yangu kwa kumulagani. Goloseni sinjila senu, muhulikise amaloleso gangu, mukifumilise munhu ne miyagwe, ne iMulungu wo wendo ne digoya kukuwa hamwedu na nyeye.

2 Wakolinto 4:4

Awene wasikuhuwila kosoko iMulungu we chilunga achi kagaguma chisa amahala gawo wanghadahe kona chalinse ujelu we Imbuli swanu ye ditunyo dya Kilisito, iyakifane Mulungu.

2 Wakolinto 9:13

Na kosoko yo ulomelesi awu, momutunya Mulungu kwa kuihuwila mbuli swamu yaKilisito kahi kosoko yo undewa wo mukuwengha wanhu wa Yelusalemu na wanhu wamonga.

Wagalatiya 1:7

Na ninga siyo fina kwina mbuli swanu ingi, ninga nikulonga nhafi kosoko kuna wanhu wakumwidasani na kuibidula Imbuli swanu ya Kilisito.

Waefeso 1:13

Kulokela muimwene anye nanye hamuhulika imbuli ye chawelu, aiya mbuli swanu imwigalileni Uhonya wenu, kahi homuhuwila ninga homutoigwa lubonoto we dilagano dye Muhe musunhile,

Waefeso 1:15

Kosoko yo ninga hanihulika dihuwi dyenu mu Mundewa Yesu na wendo wenu kuwasunhile wose we Mulungu,

Waefeso 4:1

Aniye hambiya nimohigwa kosoko ye Mundewa, nikuwatasani mwikale mikalile kifana ya wanhu wenangigwe mulwinango womwinangwe,

Wafilipi 1:5

nikulumba kosoko ya ulugota lwenu mung'endelesa imbuli swanu kulawa dijuwa dya bosi mpaka hambiya.

Wafilipi 2:12

Hambiya, wendigwa wangu, fina amajuwa gose fomugendelele kuwa na moyo wa chogoho, siyo ichigele chonyowile nanyeye du, amba hambiya lugano ichigele chosuwile nanye, togomeni kwa kogoha na kutetema kosoko yo uhonya wenu;

Wafilipi 2:24

nani nimuhuwila Mundewa fina nokwija nimwenecho chimwande kahe.

Wafilipi 3:18

Kosoko awengi, wa awenele nigendelele kumutamilani kahe hambiya nikumutamilalani kwa masosi, wakwila kefana wanghondo wo musalaba wa Kilisito.

Wafilipi 3:20

Ninga ukaya wetu aseye wuwa kulanga, kahi kulawa uko chikumugojela iMwihula, iMundewa Yesu Kilisito,

Wafilipi 4:1

Hambiya, wandugusangu, wonikumwendani na kumonelani ngwina, inyemo yangu ne nghofiya yangu, gendeleleni kwima ngwingwingwimwe Mundewa wendigwa wangu.

Wakolosai 1:10

Mugendelele kwikala ifene iMundewa foyakwenda na kugolosa gose agekumwendesa. Inyikala yenu yeleke mamudyo ge milimo yenu imiswamu kugendelela mu umanyi we Mulungu.

Wakolosai 1:4

kosoko hachihulika dihuwi dyenu kwa Kilisito Yesu na uwendo womwinawo kuwasunhile wose,

1 Wasesalonike 3:6

Ninga hambiya Timoseyo koya kulawa uko ukwenu na kuchitamilani mbuli swanu muchanhya ye dihuwi dyenu na wendo wenu. Kachitamila fina mukuchigelegela chila ijuwa na kuhananga kuchona kifana seye fochikwanga kumonani nyeye.

1 Wasesalonike 4:1

Hambiya ichisigale wandugu sangu chikuwatasani dedede mwisina dye Mundewa Yesu kifana fomukifusile kulawa ukwetu fina mukonye kwikala imikalile iyo ikumubwedesa Mulungu.

1 Timoseyo 1:11

ifene foilongingwe mu Mbuli Iswanu ye ditunyo ye Mulungu we imboto yonyikiligwe.

1 Timoseyo 1:19

uwe na dihuwi na chidoga chiswamu. Kwa kuleka ichidoga chiswamu, awanhu wamonga wogwa na kwagilisa dihuwi,

2 Timoseyo 4:7

Nilewa inghondo fiswamu, inhambo niimala, dihuwi nidimilisa;

Tito 2:10

wanghowe wahiji, ninga wonese uchawelu wose, wagahambe amafuso fe Mwihula wetu Mulungu musimbuli sose.

Filemoni 1:5

Ifene fonikuhulika isimbuli so uwendo wako, ne dihuwi dowinadyo mwe Mundewa Yesu na wasunhile wose.

Yakobo 3:18

Na dimudyo dyo uchawelu dikuhandigwa mu digoya na waya awekugolosa digoya.

2 Petulo 3:11

Hambiya kosoko finhu fino fyose fikwija fibanigwa kwa nheifo, anyeye mukuhanangigwa muwe wanhu wa migendele ya usunhile na ya chimulungu,

2 Petulo 3:14

Hambiya wendigwa wangu kosoko mukugojela mbuli siso, konyeni monekane ne imwene fina muwa mudiigoya, mwichaka wihi;

Yuda 1:3

Wendigwa fonahanangage lugano kuwaandikila imbuli ya uhonyi hanyona ihanangigwa niwaandikile kosoko ya dihuwi dilafigwe kuwasunhile wose.