Wafilipi 1:20 - Dilagano Disha ku Wanhu wose

²⁰ ifene fonigojele na kuhuwila lugano fina sidaha kupata chinyala ng'o, amba kwa usindamiki mukulu fina majuwa gose Kilisito yakutunyigwa mumutufi wangu, inghowa kwa uwumi kahi kwa difa.

Wafilipi 1:20 Iomraidhean Croise

Yohana 21:19

(Hakalonga nheifo konesa ni kwa difa dya nhani doyakayomutunyila Mulungu.) Sikahele siso hoyomugamba, “Nyandamile!”

Sinhenda 20:24

Ninga, sikona fina uwumi wangu ni chinhu lugano ukwangu muladi nimemelese kutumigwa kwangu na kumala umulimo uya woyaninghile Mundewa niugolose, wokuhubili imbuli swanu ye dihewa dya Mulungu.

Sinhenda 21:13

Ninga imwene hoyobidula, Mukuhanga kutenda nhani? Natayali si kugumigwa kugati du akuya Yelusalemu, ninga hata kufa kosoko ye Mundewa Yesu.

Sinhenda 4:31

Wakamale kumutasa Mulungu, ahanhu haya howakitang'anyile hohosingisika wose howomemesigwa na Muhe Musunhile, howolonga imbuli ya Mulungu kwa ludole.

Waloma 12:1

Hambiya nikuwatasani wandugu sangu, kwa ubasi wa Mulungu, lafeni mitufi yenu yuwe kifana nhambiko imumi isunhile, kahi ikuhokeligwa kwe Mulungu, ayo no ifuga yenu ye chimuhe.

Waloma 5:5

na dihuwi hadikudaha kumuleka munhu, kosoko wendo lwe Mulungu witiligwa mumimoyo yetu kwa njila ya Muhe Musunhile wochinghigwe.

Waloma 6:13

Munghagendelele kahi kulafa filungo fyenu fyuwe fiya fya kugolosa wihi, ninga kilafeni muwecho kwe Mulungu kifana wanhu walawile kudifa kwija kuwumi, na kulafa filungo fyenu kwe Mulungu fyuwe fiya fye ichawelu.

Waloma 6:19

Nikulonga chimunhumunhu kosoko ye inyuwa yenu ye chimutufi. Kifana fomwakilafile filungo fyenu kuwa watumwa wa kugolosa mbuli so wihi mukulu na mukulusi, nheifo lafeni filungo fyenu fyuwe watumwa we kugolosa ichawelu kwa usunhile.

Waloma 8:19

Kosoko fyumbe fyose fikugojela kwa nghwina lugano ulugubulo lwe wana we Mulungu;

Waloma 9:33

fina foitulumwe, “Langeni nikwika diwe Musayuni, iwe dikutowesa wanhu nghwalo, ikangalawe dikuwagolosa wogwe, kahi wowose yakumuhuwila imwene nghegumigwa chinyala.”

1 Wakolinto 15:31

Wakililito wayangu, nikudikabili difa chila ijuwa! Inyiyona yoninayo ukwenu, munyikala yetu hamwedu na Kilisito Yesu Mundewa wetu, ikunigolosa niye nhyanjase imbuli ayi.

1 Wakolinto 6:20

hamuguligwa kwa beyi nghulu, kosoko yo tumiyeni mitufi yenu kumutunya Imulungu.

1 Wakolinto 7:34

Kahi kagawanyika. Imwanamuke nghatoligwe ama bikila yakiidasika ne simbuli se Mundewa, yakuwaje musunhile mumutufi ne chimuhe, ninga imwanamuke yatoligwe yakidasika ne mbuli se chilunga, kosoko yakuhananga yamwendese imugosi wakwe.

2 Wakolinto 10:8

Hata inghowa nipulutise mukiyona kwangu kosoko yo udaha uya woyachinghile iMundewa siyo wa kudimola dihuwi dyenu ninga kudijenga, sigumigwa chinyala kosoko yakwe.

2 Wakolinto 3:12

Kosoko china ihuwi dinhaifo, nochonghonechikulonga bila kogoha,

2 Wakolinto 4:10

Chila fonikugenda nikukomigwa chimutufi fina Yesu foyakomigwe, kosoko yo ugima wa Yesu udahe nawo kiyonesa mumitufi yetu.

2 Wakolinto 5:15

Hakofa kosoko ya wose, kahi awaya iwomi wanghekale kahi kosoko yawo, ninga kosoko ye imwene du yafile na kwinuligwa kosoko yawo.

2 Wakolinto 7:14

Aniye hanikiyona lugano kosoko yenu na sagumigwe chinyala, ninga fina chila chinhu chochawatamile fochowile chawelu, nonhaifo inyiyona yetu kwa Tito foni chawelu muhala.

2 Wakolinto 7:4

Nina ng'inyo nghulu ukwenu, nikiyona kosoko yenu, mumagayo getu chihokela ihoso ikulu na ninyemuka lugano.

Wafilipi 1:14

na wengi wa wandugusangu wasindamikwa mugati ye Mundewa kosoko ye nyohigwa yangu na kugendelela kuwa wakangasi mu imbuli ye Mulungu wechaka chogoho.

Wafilipi 2:17

Hata ninghalafigwa uumi wangu kefana sadaka kosoko ye dihuwi dyenu kwe Mulungu, nokuwa na nyemo lugano, kahe nosangalala hamwedu nanye mu nyemo yiyo.

Wakolosai 1:24

Hambiya nina chinyemi mu magayo goninago kosoko yenu; kahe nikugamemelesa mumutufi wangu amagayo agahunguke mumutufi wa Kilisito, kosoko yo umutufi wakwe, dikanisa,

1 Wasesalonike 5:23

Mulungu we digoya imwecho yawasunhe lugano fidoga na mimoyo yenu na mitufi muwe waswanu chigele cho kwija kwakwe Mundewa wetu Yesu Kilisito.

1 Petulo 4:16

Ninga inghowa yakutabika kosoko ni muKilisito basi yanghone chinyala, mutunye Mulungu kosoko nokwinula disina dyakwe uko.

1 Yohana 2:28

Na hambiya mowana wadodogi, ikaleni mugati yakwe, uleke nghona yakwija yolawanisa chuwe na ng'inyo na si kumutija kosoko ya chinyala cho kwija kwakwe.