Wafilipi 1:11 - Dilagano Disha ku Wanhu wose

¹¹ mumemesigwe mamudyo ge chelu, agekwija kwa njila ya Yesu Kilisito, kwa kutogolwa na kutunyigwa kwe Mulungu.

Wafilipi 1:11 Iomraidhean Croise

Matayo 5:16

Nheifo ujelu wenu umulike kumwande ya wanhu, uleke wone sinhenda senu si swanu, uleke wamutunye iBaba yenu yowile kulanga.”

Yohana 15:16

Sinyeye mwanisagule, ninga aniye nonawasaguleni na kuwegala mulute mukeleke mamudyo na mamudyo genu gagendelele, uleke chochose chomukumutasa iBaba mudisina dyangu yamwingheni.

Yohana 15:2

Chila inhambi idisikweleka, yakudileusa, na chila inhambi idikweleka mamudyo yakudihungulila uleke digendelele kweleka lugano.

Yohana 15:8

Kwa nheifo iBaba yakutunyigwa, kosoko mukweleka mamudyo mengi, mukiyonesa chawelu fina mwa wefusa wangu.

Waloma 15:28

Hambiya fonikumala mulimo uno, na kuwengha gose na kuhokela achiya chilafigwe, nolokela ukwenu, kuluta Hisipaniya.

Waloma 6:22

Ninga hambiya mulekeleligwa kulawa wihi na kugolosigwa watumwa we Mulungu, chotoko cho mukupata ni usunhile. Na indumo yakwe uwumi wa majuwa gose.

1 Wakolinto 10:31

Kahi nghona mukudiya ama mukunywa, ama chochose chomukugolosa, goloseni fyose kuditunyo dye Mulungu.

2 Wakolinto 9:10

Na iMulungu iyakulafa mbeyu kwe Muhandi ne chakudiya ku wanhu, kolafa nheifiya na kongesa kukugola kwenu kosoko muwatase awaya wakuhananga.

Waefeso 1:12

Aseye chi wanghonga mwihuwi dya Kilisito chasaguligwa na kwikigwa chikale chimutunye mwitunyo dyakwe.

Waefeso 1:14

iyo no dihuwiso dyo uhasi wetu, mpaka kuuhonya we wanhu wakwe Mulungu kunhogolwa ye ditunyo dyakwe.

Waefeso 2:10

Kosoko seye no mulimo wakwe hachumbigwa mu Kilisito Yesu kosoko yo mulimo muswanu utandiligwe ne Mulungu kulawa kunghonga uleke chigende umo.

Waefeso 5:9

(kosoko dimudyo dye ujelu dikoneka nadyo ni; uswanu, haki ne chawelu)

Wafilipi 4:17

Munghagambe nikusulumila ifinhu fomwanyingile du; amba nikusulumila amamudyo ge nyongeseka yenu.

Wakolosai 1:10

Mugendelele kwikala ifene iMundewa foyakwenda na kugolosa gose agekumwendesa. Inyikala yenu yeleke mamudyo ge milimo yenu imiswamu kugendelela mu umanyi we Mulungu.

Wakolosai 1:6

iyafikile ukwenu, kifana foyowile muyisi yose, ikweleka mamudyo na kukula, kifana foyikukula ukwenu nako, kulawa dijuwa dyomwahulike na kumanya dihewa dye Mulungu muchawelu,

2 Wasesalonike 1:12

uleke disina dye Mundewa wetu Yesu Kilisito ditunyigwe.

Tito 3:14

Leka awanhu wetu wefuse kusigala musinhenda siswanu, wadahe kuwatasa awechaka ichawelu, wanghaleke kulela mamudyo maswanu.

Waebulaniya 12:11

Kosoko chila ijamo ku chigele chakwe dikutama kahi si iswanu, ninge ku chigele chikwija dikuwegalila, mamudyo ge digoha go uchawelu ku wose awafusigwe nadyo.

1 Petulo 2:12

Muwe na igendele miswanu mugati ya wamembe uleke inghowa wakulonga gehile muchanhya yenu, fowakona sinhenda senu siswanu wamutunye Mulungu mwijuwa dyo kwija kwakwe Mundewa.

1 Petulo 2:5

Nanye kifana mawe ge mumi mujengigwa muwe nyumba ya Muhe ukuhani usunhile, mulafe sadaka sa Muhe sikwendigwa ne Mulungu kulokela Yesu Kilisito.

1 Petulo 2:9

Ninga nyeye musaguligwa, lukolo lwe Undewa we chikuhani, ditaifa disunhile, mwa wanhu we Mulungu uleke mutamilise nhenda singhulu isakwe imwene yawenangileni kulawa mulwisa kwija kumwanga wakwe mukulu.

1 Petulo 4:14

Inghowa mukuligigwa soko ye disina dya Kilisito, mwina ibeka, kosoko iMuhe we ditunyo imwene we Mulungu yakwikala muchanhya yenu. Ukwawo wene keha, ninga ukwenu, kena itunyo.