Ugubulo 8:11 - Dilagano Disha ku Wanhu wose

¹¹ Disina dye dinyelesi diya ni Sungwi. Ameji kalibu gose hogagaluka sungwi na wengi howokufa kosoko ya meji gago kosoko hagowa ga usungu lugano.

Ugubulo 8:11 Iomraidhean Croise

Waebulaniya 12:15

Langisiseni hanghowe na munhu wowose iyodaha kuswela dihewa dye Mulungu; uleke disina dyo usungu dingheje dituguta na kuwedasa, na wanhu wengi wagumigwe wihi kosoko ya didyo.

Ugubulo 12:4

umukila wakwe houkwelegeta kalibu sinyelesi sose sa kulanga na kusilagasa hasi, na dijoka diya hadima habehi ne mwanamuke yuya yowile habehi na kweleka uleke dichimese ichali.

Ugubulo 8:7

Imalaika we nghonga hoyotowa digunda dyakwe kame haitonya fula ya mawe na moto ihasile ne sakame, hoitonya muchilunga kamei isehemu inghulu ye chilunga hailakala, na ulwandi lwa mabiki gago hogatikitila, ne nyasi yose ikwani hoyilakala fibi.

Ugubulo 9:15

Kamei malaika waya wane howalekeligwa, awafuluse kwikigwa kosoko ye chipisi, dijuwa, na mwesi, na mwaka, wakome cheleko kalibu chose cha wanhu.

Ugubulo 9:18

Kwa magayo gano madatu sehemu nghulu ya wanhu haikomigwa, kwa umoto na umosi na chibiliti fikulawa kumilomo ye sifalasi siso.