Ugubulo 7:3 - Dilagano Disha ku Wanhu wose

³ wakugamba, “Munghabane iisi hegu ibahali hegu mabiki, mpaka niwagume ifitangilo fye fikanhamiso awatumigwa we Mulungu mufihanga fyawo.”

Ugubulo 7:3 Iomraidhean Croise

Matayo 24:22

Nhanga amajuwa gago woile gasahunguligwe, nghowile yakuhona munhu wowose yuya; ninga kosoko ya wasaguligwe majuwa ago gohunguligwa.

Matayo 24:31

Yakwija yowatuma malaika wakwe ne dijwi dikulu dyo lwinango nawo wakwenda wawakonghole awasagulwe kulawa si sandi sose ine, we digunda kulawa ulwandi luno lwe ndumo yo ulanga mpaka ulwandi luya lwe indumo yo ulanga.”

Yohana 12:26

munhu wowose yanghanitogomela, imwagila yanyandamile; na honuwile niye, baho noho yakwenda yowe imutogomi wangu, imunhu yanghanitogemela, iBabangu yakwenda yalumbe kosoko yakwe.”

Yohana 3:33

Iyakuhokela uhomelesi wakwe yakufumilisa fina Mulungu ni chawelu.

Waloma 6:22

Ninga hambiya mulekeleligwa kulawa wihi na kugolosigwa watumwa we Mulungu, chotoko cho mukupata ni usunhile. Na indumo yakwe uwumi wa majuwa gose.

Ugubulo 13:16

Na kuwagolosa wanhu wose wadodogi na wakulu, awagoli na wakiwa awaya awatumwa na awasiwetumwa kugumigwa chitangilo mumukono wo kulume ama muchihanga,

Ugubulo 13:17

uleke munhu wowose yanghadahe kugula hegu kwambasa, ninga ayuya du yene ichitangilo chicho che dikala diya ama ihesabu ye disina dyakwe.

Ugubulo 14:1

Kamei hanilanga, na hahowa na Mwanangholo, yemile Mwitunda dya Sayuni! Hamwedu ne mwene wema wanhu figulu igana dimwedu na makumi mane na ine awowile ne disina dyakwe kamei ne disina dye Babakwe diwandikigwe mufihanga fyawo.

Ugubulo 14:9

Kamei malaika yungi wa kadatu, hakawandamila, yakujoja kwa ijwi ikulu lugano yakugamba, “Imunhu wowose yakudaha kudifuga, dikala ne isanamu yakwe na kuhokela ichitangilo muchihanga chakwe ama mumukono wakwe,

Ugubulo 19:2

kosoko uliganisi wakwe ni wa chawelu na uliganila, kumuliganisa iwe dihabwa dikulu, iyabanile iisi yose ne dihabwa dyakwe, na kumulamula imwene kuligana ne isakame ya watumigwa wakwe.”

Ugubulo 20:4

Kamei hanyona magoda ga undewa na wekale umo no waya aweli wenghigwe mulimo wo ulamusi, kahi haniwona waya wadumuligwe amatwi gawo kosoko yo uhomelesi wawo muchanhya ya Yesu na kuimbuli ye Mulungu, na awene wo wasadifugile dikala diya ne isanamu yakwe kahi wasagumigwe ichitangilo chakwe muchihanga chawo hegu mumikono yawo. Howokwinuka kulawa mudifa, na kutawala hamwedu na Kilisito minyaka chigulu chimwedu.

Ugubulo 22:4

Wakwenda wachone ichihanga chakwe na disina dyakwe dyokuwa diwandikigwe mufihanaga fyawo.

Ugubulo 6:6

Kahi hanihulika chinhu kifana ijwi mugati ye fiyumbe fyumi ifine, ikugamba, “Chibaba chimwedu che usage we ngano kwa dinali na fibaba fidatu fye usage we shaili kwa dinali, ninga wanghabane mafuta ne difayi.”

Ugubulo 7:1

Ichinhu chandamile chonyonile hachuwa malaika wane wemile kulwandi sose ine se chilunga, waikolelese imheho inghapumunhe muchilunga na mubahali na mumabiki.

Ugubulo 7:2

Honikona malaika yungi kulawa kulwandi we dijuwa kena chikanhamiso che Mulungu imumi. Hoyokwinanga kwa ijwi ikulu kumalaika awaya wane awenghigwe udaha wo kubana iisi ne bahali,

Ugubulo 9:4

Hosigambigwa singhabane imbago hegu chinhu chochose, ama mabiki ninga awanhu waya wechaka ichitangilo che chikanhamiso che Mulungu mufihanga fyawo.