Ugubulo 7:15 - Dilagano Disha ku Wanhu wose

¹⁵ Kosoko iyo wowe kumwande ye digoda dyo undewa dye Mulungu, na wakumutogomela chilo ne imisi mwi hekalu dyakwe na yuyo yekale mwigoda dya undewa yakuwagubika na nyuwa yakwe baho.

Ugubulo 7:15 Iomraidhean Croise

Yohana 1:14

Imbuli hoikuwa mutufi, hoyokwikala muchilagati yetu, kamema dihewa ne chawelu; chidilanga ditunyo dyakwe, ditunyo fina dye imwana yemwene kulawa kwe Baba.

1 Wakolinto 3:16

Musimanyile fina nyeye mwa dihekalu dye Mulungu kahi Muhe we Mulungu yakwikala ukwenu?

2 Wakolinto 6:16

Dihekalu dye Mulungu dina uhamwedu waki ne Milungu yo udasi? Kosoko aseye cha dihekalu dye Mulungu imumi, “Fina iMulungu foyagambile nokwikala na kuwa hamwedu nawo, na nokuwa Mulungu wawo na wene wokuwa wanhu wangu.

Waebulaniya 12:2

Chimulangisise lugano Yesu, wochichimwikile duhuwi dyetun kulawa ngonga na ku ndumiliso, imwene hakaufinyilisa umusalaba kosoko ye chinyemi ichikigwe kumwande yakwe na kubesa ichinyala, naye kekala mukono wa kulume wa digoda dye ditunyo dye Mulungu.

Waebulaniya 8:1

Hambiya imbuli inghulu musose sochikulonga no ino: China mutambiki mukulu iyefane yuyo yekale mumukono wo kulume we digoda dye Undewa Mukulu ako kulanga,

Ugubulo 11:19

Kamei dihekalu dye Mulungu kulanga hodikumuka kumu! Kamei disafina dye dilagano dyakwe hadyoneka mugati ye dihekalu; kahi hakuwa na fimuli fikumulika, na majwi kudidima, ne dimasingisa, na fula nghulu ya mawe.

Ugubulo 13:6

Hadigubula mulomo wakwe na kulonga matofulo kwe Mulungu, na kutofula disina dyakwe na wikalo wakwe na waya wakwikala kulanga.

Ugubulo 20:10

Na iluhoma iyawadanhilise hoyogumigwa mudibwawa dyo umoto ne chibiliti, ukowile ne dikala duya ne mugonesi wa udasi, nawo wakwenda wagaye no usungu chilo ne misi majuwa gose.

Ugubulo 21:22

Sonile ihekalu mukaya iyo, kosoko dihekalu dyakwe ni Mulungu imwecho we udaha wose ne Mwanangholo.

Ugubulo 22:3

Kusikuwa na chochose chiligitigwa, ninga kukuwa na digoda dya undewa wa Mulungu na dye Mwanangholo na gawaumo, na awatumigwa wakwe womufuga.

Ugubulo 22:5

Kusikuwa na chilo, wasikuhanga ujelu wa taa hegu dijuwa kosoko Mulungu wawo no ujelu nawo wakwenda watawale ugele wose.

Ugubulo 4:4

Kusunguluta digoda dye undewa kwina magoda ge undewa makumi meli na mane na wekale mumagoda gago wasehe makumi meli na wane, wafasigwa makasu majelu na nghofiya sa chindewa sa sahabu mumatwi gawo.

Ugubulo 4:8

Na ifyumbe fiya fine chila chimwedu china mabawa mutandatu fimema meso kunje na kugati na fisikuleka kwimba misi na chilo, kugamba, “Musunhile, musunhile, musunhile, ni Mundewa Mulungu wetu yena udaha wose, yowile baho, iyebaho na yekwija.”

Ugubulo 4:9

Na chila ugele ifyumbe ifyumi fiya fikulafa ditunyo na chogoho kugamba, kwimange kwa ayuya yekale mwigoda dya undewa iyakwikala majuwa gose,

Ugubulo 7:9

Chikaloke chino hanilanga ditewa dya wanhu awasikudaha kutalika fonu wengi, kulawa chila itaifa na makabila gose na kumwande ya digoda dya undewa na kumwande ye Mwana ngholo, wafasigwa nghasu njelu swee na matambi ge mitende mumikono yawo.