Ugubulo 5:8 - Dilagano Disha ku Wanhu wose

⁸ Yakafuluse kuchilonda ichitabu ifiyumbe ifine na waya wasehe makumi na wane howomugwila yuya Mwana ngholo, chila yumwedu kakola ibwalimbwa na mabakuli ge sahabu gamemila ufumba na kutasa kwa wasunhile.

Ugubulo 5:8 Iomraidhean Croise

Yohana 1:29

Dijuwa dya keli yakwe hakamona Yesu yakwija ukwakwe; hakagamba, “Langeni iMwana Ngholo we Mulungu, iyakulewusa uwihi we chilunga!

Yohana 5:23

Wose wamogohe iMwana, fina fowakumogoha iBabamunhu. Wowose inghakumogoha iMwana nghakumogoha Baba iyamwigale.

Waebulaniya 1:6

Na kahi, ugele foyekumwigala inhula hanju muchilunga, yekugamba, “Leka awamalaika we Mulungu wose wamufuge imwene.”

Ugubulo 13:8

na wose woile muchilunga wakwija wadifuga, chila munhu imwene disina dyakwe disiwandikigwe muchitabu che Mwana ngholo iyachinjigwe.

Ugubulo 15:2

Na hanyona chinhu kifana bahali ifanile chiyoo chihangile na umoto, na awaya wadisumile dikala diya ne sanamu yakwe ne hesabu ye disina dyakwe, hawema munghingi ye bahali ye chiyoo wena fibwalimbwa fye Mulungu mumikono yawo.

Ugubulo 15:7

Na yumwendu we fiyumbe ifyumi hakawengha malaika mufungate mabakuli ga sahabu gamemile inyono ye Mulungu ye kwikala majuwa gose,

Ugubulo 19:4

Na wasehe makumi meli na ine na ifyumbigwe fine ifyumi hawogwa hasi kumufuga Mulungu, yekale mwigoda dye undewa wakugamba, “Hano. Haleluya!”

Ugubulo 4:10

awaya wasehe makumi meli na wane wakugwa kumwande yakwe ayuya yekale mwigoda na kumufuga ayuya iyakwikala majuwa gose, aku wakutaga singhofiya sawo kumwande ye digoda dyo undewa na kwimba,

Ugubulo 4:4

Kusunguluta digoda dye undewa kwina magoda ge undewa makumi meli na mane na wekale mumagoda gago wasehe makumi meli na wane, wafasigwa makasu majelu na nghofiya sa chindewa sa sahabu mumatwi gawo.

Ugubulo 4:6

kahi kumwande ye digoda dye undewa kwina chinhu chifanile bahali ya chikombe cha chiyoo, hameso ikoneka kifana meji gagandile na kusunguluta digoda dyo undewa chila ulwandi kwina fiyumbe fyumi fina meso kumwande na kunyuma:

Ugubulo 4:8

Na ifyumbe fiya fine chila chimwedu china mabawa mutandatu fimema meso kunje na kugati na fisikuleka kwimba misi na chilo, kugamba, “Musunhile, musunhile, musunhile, ni Mundewa Mulungu wetu yena udaha wose, yowile baho, iyebaho na yekwija.”

Ugubulo 5:11

Kamei honilanga na kuhulika ijwi dya malaika matewa wakusunguluta digoda dye undewa na fiya fiyumbe ifyumi na wasehe; wasikudaha kutalika, figulu na figulu,

Ugubulo 5:12

wakwimba kwa ijwi dya muchanhya lugano, “Kagiligwa Imwana ngholo iyachinjigwe kuhokela udaha na ugoli na ubala na kusuma chogoho na itunyo na mboto!”

Ugubulo 5:14

Kamei ifiyumbe fiya fine hofigamba, “Hano!” Kamei na wasehe wakugwa hasi na kufuga.

Ugubulo 5:6

Hagati ye digoda dye undewa na fiya ifiyumbe fyumi mugati ya wasehe, honikona Mwana ngholo yemile kifana kachinjigwa kena mahembe mufungate na meso mufungate, isene so no mimuhe mufungate ye Mulungu itumigwe muchilunga chose.

Ugubulo 6:1

Kamei honikona Mwana ngholo yakukubula chimwedu che fikanhamiso mufungate, na kuhulika yumwedu wa fiyumbe ifine yakwinanga kwa ijwi ikulu ijwi kifa dya ibumo, “Wije!”