Ugubulo 5:6 - Dilagano Disha ku Wanhu wose

⁶ Hagati ye digoda dye undewa na fiya ifiyumbe fyumi mugati ya wasehe, honikona Mwana ngholo yemile kifana kachinjigwa kena mahembe mufungate na meso mufungate, isene so no mimuhe mufungate ye Mulungu itumigwe muchilunga chose.

Ugubulo 5:6 Iomraidhean Croise

Luka 1:69

Kachingha ihembe dya uhonya mwelekwa wa Daudi mutogomo wakwe.

Yohana 1:29

Dijuwa dya keli yakwe hakamona Yesu yakwija ukwakwe; hakagamba, “Langeni iMwana Ngholo we Mulungu, iyakulewusa uwihi we chilunga!

Yohana 1:36

Kamulanga iYesu foyagendage hoyogamba, “Langeni iMwana Ngholo we Mulungu!”

Sinhenda 8:32

Hambiya, difungu dya matulumo masunhile dyoyasomage hadyuwa dino: Hakowa kifana ngholo ikwigaligwa kuchinjigwa; fina ichana che ingholo fochikunyamala posi ugele chikugetigwa, nghagubule mulomo wakwe.

Ugubulo 1:4

Yohana kumakanisa mufungate agowile ako Asia: Dihewa ukwenu ne digoya kulawa ukwakwe iyebaho, iyowile baho na iyekwija kahi kulawa kumimuhe mufungate wowile kumwande ye digoda dyakwe dye undewa,

Ugubulo 12:11

Ninga howomusuma kwa sakame ye Mwanangholo na kwa mbuli ya uhomelesi wawo, kosoko hawendile nyikala yawo mpaka kufa.

Ugubulo 13:8

na wose woile muchilunga wakwija wadifuga, chila munhu imwene disina dyakwe disiwandikigwe muchitabu che Mwana ngholo iyachinjigwe.

Ugubulo 14:1

Kamei hanilanga, na hahowa na Mwanangholo, yemile Mwitunda dya Sayuni! Hamwedu ne mwene wema wanhu figulu igana dimwedu na makumi mane na ine awowile ne disina dyakwe kamei ne disina dye Babakwe diwandikigwe mufihanga fyawo.

Ugubulo 17:14

wakwenda wagolose nghondo ne Mwanangholo, ne Mwanangholo yakwenda yawasume, kosoko imwene ni Mundewa wa wandewa wose na Mukulu wa wakulu wose, na waya woile ne mwene wakwinangwa wasaguligwe na awakuhuwilika.”

Ugubulo 21:22

Sonile ihekalu mukaya iyo, kosoko dihekalu dyakwe ni Mulungu imwecho we udaha wose ne Mwanangholo.

Ugubulo 21:23

Ikaya yo isikuhananga ijuwa hegu mwesi kwalika umo, kosoko ditunyo dye Mulungu no ujelu wakwe no itaa yakwe ne Mwana we ngholo.

Ugubulo 22:1

Kamei hoyanyonesa ulwanda wa meji ga uwumi lukwakaika kifana chilole, gakudulika kulawa kudigoda dya undewa wa Mulungu na dya Mwanagholo.

Ugubulo 22:3

Kusikuwa na chochose chiligitigwa, ninga kukuwa na digoda dya undewa wa Mulungu na dye Mwanangholo na gawaumo, na awatumigwa wakwe womufuga.

Ugubulo 4:8

Na ifyumbe fiya fine chila chimwedu china mabawa mutandatu fimema meso kunje na kugati na fisikuleka kwimba misi na chilo, kugamba, “Musunhile, musunhile, musunhile, ni Mundewa Mulungu wetu yena udaha wose, yowile baho, iyebaho na yekwija.”

Ugubulo 5:11

Kamei honilanga na kuhulika ijwi dya malaika matewa wakusunguluta digoda dye undewa na fiya fiyumbe ifyumi na wasehe; wasikudaha kutalika, figulu na figulu,

Ugubulo 5:12

wakwimba kwa ijwi dya muchanhya lugano, “Kagiligwa Imwana ngholo iyachinjigwe kuhokela udaha na ugoli na ubala na kusuma chogoho na itunyo na mboto!”

Ugubulo 5:13

Hanihulika chila chiyumbe kulanga na hasi ye iisi hata kubahali kose uko fikugamba, “Kwayuyo yekale mwigoda dye chindewa na kwe Mwana ngholo yuwe mboto na chogoho na itunyo na ludole majuwa gose hano!”

Ugubulo 5:14

Kamei ifiyumbe fiya fine hofigamba, “Hano!” Kamei na wasehe wakugwa hasi na kufuga.

Ugubulo 6:16

wakugamba amatunda na mawe, “Chugwileni ma muchifise kumwande ye chihanga chakwe ayuya yekale mwigoda dya undewa na inyono ye Mwana ngholo;