Ugubulo 4:4 - Dilagano Disha ku Wanhu wose

⁴ Kusunguluta digoda dye undewa kwina magoda ge undewa makumi meli na mane na wekale mumagoda gago wasehe makumi meli na wane, wafasigwa makasu majelu na nghofiya sa chindewa sa sahabu mumatwi gawo.

Ugubulo 4:4 Iomraidhean Croise

Matayo 19:28

Yesu hoyowagamba, “Chawelu, nikumutamilani, fina anyeye munyandamile niye, muchilunga ichisha, nghona yakayokwija Imwana we Munhu mu digoda dye ditunyo dyakwe, anye nanye mukwikala mumagoda ikumi na meli, mowaliganisa amakabila ikumi na meli ga Isilaeli.

Luka 22:30

Mudahe kudiya na kunywa mumesa yangu mu undewa wangu, na kwikala mwigoda dyo undewa na kuwaliganisa amakabila ikumi na meli ga Isilaeli.”

2 Timoseyo 4:8

kulawa baho nyikilwa mhongesi yo kusuma kwangu, yonikanikwinghigwa ne Mundewa, imulamusi we chawelu mwijuwa diya, kahe siyo niye muhala amba na wose awendile kwija ukwakwe.

Ugubulo 11:16

Kamei wasehe waya makumi meli na wane awakwima hegoda dye undewa hamwande ye Mulungu wogwa wose hasi na kumufuga Mulungu,

Ugubulo 14:3

wakwimba lwimbo lusha kumwande ye fiyumbe fine ifyumi na kumwande ya wasehe. Kwichaka munhu wowose yadahile kifusa kwimba ulwimbo uya ninga awaya du figulu igana dimwedu na makumi mane na wane awene awahonyigwe kulawa kuyisi.

Ugubulo 19:14

Na matewa ga wasilikali wa kulanga wafalile suke sa bafuta njelu na swanu, wakumwandamila woile musifalasi sinjelu.

Ugubulo 19:4

Na wasehe makumi meli na ine na ifyumbigwe fine ifyumi hawogwa hasi kumufuga Mulungu, yekale mwigoda dye undewa wakugamba, “Hano. Haleluya!”

Ugubulo 2:10

Unghogohe amagayo agakukwijila chimwande, langa diluhoma dikwenda dimugumeni wamonga wenu mwigelesa na kwa majuwa ikumi mukuwa mumagayo, muwe wanhu we dihuwi mpaka kufa, nani nomwinghani ikofiya ye chindewa ye wumi, ya usumi wenhu.

Ugubulo 20:4

Kamei hanyona magoda ga undewa na wekale umo no waya aweli wenghigwe mulimo wo ulamusi, kahi haniwona waya wadumuligwe amatwi gawo kosoko yo uhomelesi wawo muchanhya ya Yesu na kuimbuli ye Mulungu, na awene wo wasadifugile dikala diya ne isanamu yakwe kahi wasagumigwe ichitangilo chakwe muchihanga chawo hegu mumikono yawo. Howokwinuka kulawa mudifa, na kutawala hamwedu na Kilisito minyaka chigulu chimwedu.

Ugubulo 3:18

Ani nikukusugula ugule ukwangu, shabu isunhigwe ne moto uleke uwe mugoli na ufale suke njelu na kukuleusila chinyala chokuwa mwasi kwako koneka na kukubaka miti mumeso gako udahe kona.

Ugubulo 4:10

awaya wasehe makumi meli na wane wakugwa kumwande yakwe ayuya yekale mwigoda na kumufuga ayuya iyakwikala majuwa gose, aku wakutaga singhofiya sawo kumwande ye digoda dyo undewa na kwimba,

Ugubulo 4:6

kahi kumwande ye digoda dye undewa kwina chinhu chifanile bahali ya chikombe cha chiyoo, hameso ikoneka kifana meji gagandile na kusunguluta digoda dyo undewa chila ulwandi kwina fiyumbe fyumi fina meso kumwande na kunyuma:

Ugubulo 5:11

Kamei honilanga na kuhulika ijwi dya malaika matewa wakusunguluta digoda dye undewa na fiya fiyumbe ifyumi na wasehe; wasikudaha kutalika, figulu na figulu,

Ugubulo 5:14

Kamei ifiyumbe fiya fine hofigamba, “Hano!” Kamei na wasehe wakugwa hasi na kufuga.

Ugubulo 5:6

Hagati ye digoda dye undewa na fiya ifiyumbe fyumi mugati ya wasehe, honikona Mwana ngholo yemile kifana kachinjigwa kena mahembe mufungate na meso mufungate, isene so no mimuhe mufungate ye Mulungu itumigwe muchilunga chose.

Ugubulo 5:8

Yakafuluse kuchilonda ichitabu ifiyumbe ifine na waya wasehe makumi na wane howomugwila yuya Mwana ngholo, chila yumwedu kakola ibwalimbwa na mabakuli ge sahabu gamemila ufumba na kutasa kwa wasunhile.

Ugubulo 6:11

Kamei chila yumwedu hakenghigwa nghasu njelu na kugambigwa wagojele chidodogi, mpaka ifike inhala ya wayawo watumigwa fina wene, yuwe imemelekela, awene awakwenda wakomigwe fina awene fowakomigwe.

Ugubulo 7:11

Kamei malaika wose howokwima kusunguluta digoda dye undewa na wasehe ne fiyumbe fyose, howokugwa chifunhifunhi na kumufuga Mulungu,

Ugubulo 7:9

Chikaloke chino hanilanga ditewa dya wanhu awasikudaha kutalika fonu wengi, kulawa chila itaifa na makabila gose na kumwande ya digoda dya undewa na kumwande ye Mwana ngholo, wafasigwa nghasu njelu swee na matambi ge mitende mumikono yawo.

Ugubulo 9:7

Na koneka kwawo sige siya sakifana falasi sikuluta kunghondo, mumatwi gawo sifala finhu kifana kofiya sa undewa sa sahabu, ifihanga fyawo fya kifana wanhu.