Ugubulo 3:11 - Dilagano Disha ku Wanhu wose

¹¹ Nikwija chimwande, chikolelese chowinacho uleke munhu wowose yangheje yalonde inghofiya yako ye chindewa yo kusuma.

Ugubulo 3:11 Iomraidhean Croise

1 Wakolinto 9:25

Wabilimaji wakiingha mafuso na nisamu nghali, wakugolosa nheifo wapate digelo ni kubanika, amba seye chikugolosa nheifo chipate digelo dya majuwa gose, (didikubanika).

Wafilipi 4:5

Awanhu wose waumanye uholo wenu. iMundewa kamala keja.

2 Timoseyo 2:5

Hata imunhu iyekisuma mumiseigo nghodaha kwinghingwa mhongesi yanghaleka kisuma muchawelu ifene foikwendigwa.

2 Timoseyo 4:8

kulawa baho nyikilwa mhongesi yo kusuma kwangu, yonikanikwinghigwa ne Mundewa, imulamusi we chawelu mwijuwa diya, kahe siyo niye muhala amba na wose awendile kwija ukwakwe.

Yakobo 1:12

Ibeka munhu yuya iyakufinyilisa magesa. Kosoko yangafulusa kwima kohokela nghofiya ya itunyo dye uumi Mulungu dyoyawahuwisile waya wakumwenda.

Yakobo 5:9

Munghakinghunghulikile nyenye kwa nyenye wandugu, uleke mungheje mulamuligwa; langeni, Imulamusi kema mumilango.

Ugubulo 1:3

Ibeka imunhu yuya iyakusoma simbuli so ugonesi wuno, kahi ibeka awakuhulika, na kukola agakuwandikigwa umo. Kosoko ugele wa habehi.

Ugubulo 16:15

“Langa, nikwija kifana imuhiji nomayakwija hechilo! Ibeka ayuya yakwikala meso na yafalile suse, yanghoneke fina kechaka suke yanghapate chinyala.”

Ugubulo 2:10

Unghogohe amagayo agakukwijila chimwande, langa diluhoma dikwenda dimugumeni wamonga wenu mwigelesa na kwa majuwa ikumi mukuwa mumagayo, muwe wanhu we dihuwi mpaka kufa, nani nomwinghani ikofiya ye chindewa ye wumi, ya usumi wenhu.

Ugubulo 2:13

Nimanya houkwikala hedigoda dya Shetani. Nagwe kukolelela disina dyangu nghukanile dihuwi dyako ukwangu hata ugele wa Antipasi muhomelesi wangu, imuhuwilika wangu, yakomigwe mugati yenu, ahanhu hoyakwikala Shetani.

Ugubulo 2:25

mukolelese chomwinacho hata ugele fonikwija.

Ugubulo 22:12

“Langa na habehi kwija, nikwija na maliho gangu kumuliha chila munhu fina foyagolose.

Ugubulo 22:20

Iyekuhomelesa kusimbuli sino yakugamba, “Chawelu nikwija chimwande.” Hano. Wije Mundewa Yesu!

Ugubulo 22:7

Na langa nikwija chimwande, kamoteswa ayuya iyakolile simbuli sa ugonesi we chitabu chino.”

Ugubulo 3:3

Gelegela sowahulike na sowahokele sikole na ulambe, unghaleka kwinuka nikukwijila kifana muhiji, na nghukwenda umanye chigele chinikwija.

Ugubulo 4:10

awaya wasehe makumi meli na wane wakugwa kumwande yakwe ayuya yekale mwigoda na kumufuga ayuya iyakwikala majuwa gose, aku wakutaga singhofiya sawo kumwande ye digoda dyo undewa na kwimba,

Ugubulo 4:4

Kusunguluta digoda dye undewa kwina magoda ge undewa makumi meli na mane na wekale mumagoda gago wasehe makumi meli na wane, wafasigwa makasu majelu na nghofiya sa chindewa sa sahabu mumatwi gawo.