Ugubulo 22:7 - Dilagano Disha ku Wanhu wose

⁷ Na langa nikwija chimwande, kamoteswa ayuya iyakolile simbuli sa ugonesi we chitabu chino.”

Ugubulo 22:7 Iomraidhean Croise

Ugubulo 1:11

dikugamba, “Andika muchitabu goukona kamei ugegale kumakanisa mufungate kuile Efeso, Similina, Peligamu, Tilatila, Salidi, Filedefiya, na Laodikiya.”

Ugubulo 1:3

Ibeka imunhu yuya iyakusoma simbuli so ugonesi wuno, kahi ibeka awakuhulika, na kukola agakuwandikigwa umo. Kosoko ugele wa habehi.

Ugubulo 16:15

“Langa, nikwija kifana imuhiji nomayakwija hechilo! Ibeka ayuya yakwikala meso na yafalile suse, yanghoneke fina kechaka suke yanghapate chinyala.”

Ugubulo 2:16

Hambiya ulambe, amba unghaleka kulamba nikukwijila chimwande na kulewa nghondo nawo ne dipanga dye mulomo wangu.

Ugubulo 22:12

“Langa na habehi kwija, nikwija na maliho gangu kumuliha chila munhu fina foyagolose.

Ugubulo 22:18

Nikumujama chila munhu iyakuhulika simbuli sa ugonesi wa chitabu chino, munhu wowose yanghongesela, simbuli so ugonesi we chitabu chino, Mulungu naye yakwenda yamongesele amagayo gawandikigwe muchitabu chino.

Ugubulo 22:19

Na imunhu wowose yanghahungula simbuli se chitabu chino so ugonesi iMulungu yakumuleusile umugawo wakwe mudibiki dya uwumi na mukaya isunhile, iwandikigwe muchitabu chino.

Ugubulo 22:20

Iyekuhomelesa kusimbuli sino yakugamba, “Chawelu nikwija chimwande.” Hano. Wije Mundewa Yesu!

Ugubulo 22:21

Dihewa dye Mundewa wetu Yesu dyuwe na wasunhile wose. Hano.

Ugubulo 3:11

Nikwija chimwande, chikolelese chowinacho uleke munhu wowose yangheje yalonde inghofiya yako ye chindewa yo kusuma.

Ugubulo 3:3

Gelegela sowahulike na sowahokele sikole na ulambe, unghaleka kwinuka nikukwijila kifana muhiji, na nghukwenda umanye chigele chinikwija.