Ugubulo 22:1 - Dilagano Disha ku Wanhu wose

¹ Kamei hoyanyonesa ulwanda wa meji ga uwumi lukwakaika kifana chilole, gakudulika kulawa kudigoda dya undewa wa Mulungu na dya Mwanagholo.

Ugubulo 22:1 Iomraidhean Croise

Yohana 13:32

Mulungu yanghatunyigwa u mwakwe, Mulungu naye yakwenda ya mutunye umwakwe imwecho, na kumutunya chimwande.

Yohana 15:26

“Ninga, nghona Imulolesi yakwija, wonikwenda nimwigale kulawa kwa Baba, Muhe we chawelu, iyakulawa kwa Baba, yakwenda yowe muhomelesi wangu;

Yohana 4:14

ninga chila munhu iyakunywa ameji gonikumwingha nghakwenda yone nghilu ka! Ameji gaya gonikumwingha gakuwa kugati yakwe nhyoko ya meji gakubwiluka ku wumi wa majuwa gose.

Sinhenda 2:33

Yesu yakafuluse kwinuligwa na kwikigwa na Mulungu ulwandi lwakwe lwo kulume, hoyohokela kulawa kwa Baba ayuya Muhe Musunhile, imwene woyachihuwise, kachitilila yuyo Muhe, acho nocho mukona hambiya na kuhulika.

Ugubulo 1:1

Ugubulo waYesu Kilisito wo yenghigwe ne Mulungu konesa watogomi wakwe akakuhanangigwe gowe uko chimwande; hakagagolosa goneka kwa kumutuma malaika wakwe kwe mutumigwa wakwe Yohana,

Ugubulo 21:11

ina ditunyo dye Mulungu, inyakaika yakwe ni kifana iwe dya iyombe ikulu lugano kahi dikoneka kifana chilole.

Ugubulo 21:6

Kamei hakanigamba, “Ifulusa kugoloseka! Aniye noni Alufa na Omega, we nghonga ne we indumo. Iyena inghilu nikumwingha ameji gekulawa munhyoko ya meji ga uwumi chaka.

Ugubulo 21:9

Kamei hoyokwija yumwedu we malaika yowile ne mabakuli mufungate ga magayo ge ndumo, hoyolonga na niye yakuganba, “Wije nokonesa ibib halusi imuke we Mwanangholo.”

Ugubulo 22:17

Imuhe ne bibi halusi yakugamba, “Wije.” Na yuya iyekuhulika na yagamba, “Wije.” Na yuya yene inghilu yeje. Iyakwenda yalonde meji go uwumi chaka.

Ugubulo 22:6

Hoyonigamba, “Simbuli sino ni sa kuhuwilika na sa chawelu. Na Imukulu, iMulungu we mimuhe ya wagonesi katuma amalaika sakwe konesa awatumigwa wakwe agakwenda galawanise muchigele chidodogi.

Ugubulo 3:21

Ayuya yakusuma, nikwikala naye mwigoda dyangu dya undewa, fina aniye fonasumile na kwikala hamwedu ne Baba mwigoda dyakwe dya undewa.

Ugubulo 5:13

Hanihulika chila chiyumbe kulanga na hasi ye iisi hata kubahali kose uko fikugamba, “Kwayuyo yekale mwigoda dye chindewa na kwe Mwana ngholo yuwe mboto na chogoho na itunyo na ludole majuwa gose hano!”

Ugubulo 5:6

Hagati ye digoda dye undewa na fiya ifiyumbe fyumi mugati ya wasehe, honikona Mwana ngholo yemile kifana kachinjigwa kena mahembe mufungate na meso mufungate, isene so no mimuhe mufungate ye Mulungu itumigwe muchilunga chose.

Ugubulo 7:17

kosoko Mwana we ngholo yakuwa muchiligati ye digoda dyo undewa na kuwa mudimi wawo, naye kowalongosa kusinhyoko sa meji ga uwumi na Mulungu yakwenda yawahamuse chila isosi mumeso gawo.”