Ugubulo 21:22 - Dilagano Disha ku Wanhu wose

²² Sonile ihekalu mukaya iyo, kosoko dihekalu dyakwe ni Mulungu imwecho we udaha wose ne Mwanangholo.

Ugubulo 21:22 Iomraidhean Croise

Matayo 24:2

Imwene hakawabidula, “Mukugona agano gose? Chawelu, nikumutamilani: Disikusigala ahano diwe muchanhya ye diwe idyene disikumoligwa.”

Yohana 10:30

Aniye na Baba ni chinhu chimwedu.”

Yohana 13:32

Mulungu yanghatunyigwa u mwakwe, Mulungu naye yakwenda ya mutunye umwakwe imwecho, na kumutunya chimwande.

Yohana 4:21

Mundewa Yesu yamugamba, “Go mwanamuke unihuwile niye, ichigele chikwija ichene awakufuga wasikufugila mwitunda dino kahi si Yelusalemu, mukwende mumufuge iBaba.

Yohana 4:23

Ninga ichigele chikwija, na hambiya chabahano, awakumufuga Mulungu chawelu wakumufuga iBaba mu muhe na chawelu, awo iBaba nowoyakuhananga wamufuge.

Wakolosai 1:19

Kosoko mugati yakwe hayendesa umemelesi wose we Mulungu wikale;

Wakolosai 2:9

Kosoko mugati yakwe mwina umemelesi wose we Mulungu, ifene fouwile mumutufi.

Ugubulo 1:8

“Aniye no Alufa na Omega,” yakulonga Mundewa Mulungu, iyeuko na iyekwija, Iyene udaha wose.

Ugubulo 11:17

wakwimba nhafi, “Chikukwingha malumbo, Mundewa Mulungu Mukulu, uwowile uko kahi ukwija kosoko kuulonda udaha wako mukulu kahi hakukonga kudima.

Ugubulo 14:4

Nowaya awasikibanile ne wihi we dihabwa, kosoko ni mabikila; awano no wamwandamile Mwanangholo kokose koyalutile. Wahonyigwa kulawa muwanhu wowe kifana mamudyo ge nghonga kwe Mulungu na kwe Mwanangholo,

Ugubulo 15:3

Wakwimba lwimbo lwa Musa, mutogomi we Mulungu, na kwimba lwimbo lwe Mwanangholo kugamba: “Singhenda sako nghulu na sa majumo, Mundewa Mulungu Mukulu! Sinjila sako siliganila na sa chawelu, Mundewa wa mataifa!

Ugubulo 16:14

Asino no simhepo isikutogoma fitangilo, fikuluta kuwandewa we chilunga chose, kuwagala hamwedu kwa nyitowa nghondo mwijuwa diya dikulu dye nghondo ye Mulungu Mukulu.

Ugubulo 16:7

Kamei hanihulika dihekalu dikubidula kugamba, “Heye, Agweye Mundewa Mulungu, Mukulu mudaha wa fyose, uliganisi wako ni wachawelu na uliganila!”

Ugubulo 19:15

Mulomo wakwe ukulawa ipanga ikali dyokusuma mataifa, na yakwenda yawatawale kwa mhando ya chuma, yakwenda yawakome muchiya cha kukamila difayi che inyono ye Mulungu yo udaha wose.

Ugubulo 4:8

Na ifyumbe fiya fine chila chimwedu china mabawa mutandatu fimema meso kunje na kugati na fisikuleka kwimba misi na chilo, kugamba, “Musunhile, musunhile, musunhile, ni Mundewa Mulungu wetu yena udaha wose, yowile baho, iyebaho na yekwija.”

Ugubulo 5:6

Hagati ye digoda dye undewa na fiya ifiyumbe fyumi mugati ya wasehe, honikona Mwana ngholo yemile kifana kachinjigwa kena mahembe mufungate na meso mufungate, isene so no mimuhe mufungate ye Mulungu itumigwe muchilunga chose.

Ugubulo 7:15

Kosoko iyo wowe kumwande ye digoda dyo undewa dye Mulungu, na wakumutogomela chilo ne imisi mwi hekalu dyakwe na yuyo yekale mwigoda dya undewa yakuwagubika na nyuwa yakwe baho.

Ugubulo 7:17

kosoko Mwana we ngholo yakuwa muchiligati ye digoda dyo undewa na kuwa mudimi wawo, naye kowalongosa kusinhyoko sa meji ga uwumi na Mulungu yakwenda yawahamuse chila isosi mumeso gawo.”